ନୂଆଦିଲ୍ଲୀ, ୨୩/୧୧ : ଶ୍ରେୟସ ଅୟର ଦମଦାର୍ ପ୍ରଦର୍ଶନ କରିବାକୁ ଯାଇ ସୟଦ ମୁସ୍ତାକ ଅଲୀ ଟ୍ରଫିରେ ଶତକ ଯୋଡ଼ି ଦେଇଛନ୍ତି । ଅୟରଙ୍କ ଶତକ ଫଳରେ ମୁମ୍ବାଇ ଏହି ମ୍ୟାଚରେ ଗୋଆକୁ ହରାଇ ଦେଇଛି । ଅୟରଙ୍କ ଶତକ ଲଗାଇବା ପରେ ମକ୍ ଅକ୍ସନରେ ତାଙ୍କୁ ଫାଇଦା ମିଳିଛି  । ଆଇପିଏଲ୍ ୨୦୨୫ର ମେଗା ଅକ୍ସନ ରବିବାରରୁ ହେବ । କିନ୍ତୁ ଏହା ପୂର୍ବରୁ ଏକ ମକ ଅକ୍ସନରେ ଅୟରଙ୍କୁ କୋଲକାତା ନାଇଟା ରାଇଡର୍ସ କୋଟିରେ କିଣିଛି । 

ପ୍ରକାଶ ଯେ, ଜିଓ ସିନେମା ଏକ ମକ ଅକ୍ସନ କରିଛି । ଏଥିରେ ଅୟରଙ୍କୁ କୋଲକାତା ୨୧କୋଟି ଟଙ୍କାରେ କିଣିଛି । ଅୟରଙ୍କ ଉପରେ ଅନ୍ୟ ଟିମ୍ ବି ବାଜି ଲଗାଇଥିଲେ । କିନ୍ତୁ କେକେଆର ବାଜି ମାରି ନେଇଛି । ଅୟର ନିକଟରେ ମୁମ୍ବାଇ ଲାଗି ଶତକ ଯୋଡ଼ିଛନ୍ତି । ସେ ଗୋଆ ବିପକ୍ଷରେ ବିସ୍ଫୋରକ ପାଳି ଖେଳିଛନ୍ତି । 

ଚଳିତ ଆଇପିଏଲ୍ ୨୦୨୫ର ମେଗା ଅକ୍ସନ ସାଉଦୀ ଅରବର ଜେଦ୍ଦାରେ ଆୟୋଜିତ ହେବ । ଏହା ୨୪ ଏବଂ ୨୫ନଭେମ୍ବରରେ ହେବ । ଅକ୍ସନ ପୂର୍ବରୁ ଟିମ୍ ଖେଳାଳୀଙ୍କ ରିଟନ ଲିଷ୍ଟ ଜାରି କରିଥିଲା । କୋଲକାତା ନାଇଟ ରାଇଡର୍ସ ଅଧିନାୟକ ରିଟେନ କରିନଥିଲା । ଟିମ୍ ତାଙ୍କୁ ରିଲିଜ କରିଦେଇଥିଲା । ଅୟର ଫର୍ମରେ ଅଛନ୍ତି ଏବଂ ପୂର୍ବ କେତେକ ପାଳିରେ ଭଲ ପ୍ରଦର୍ଶନ କରିସାରିଛନ୍ତି । ତାଙ୍କୁ ମେଗା ଅକ୍ସନରେ ମୋଟା ଅଙ୍କର ଟଙ୍କା ମିଳିପାରେ ।