ନୂଆଦିଲ୍ଲୀ,୦୫/୦୩: ରୋହିତ ଶର୍ମାଙ୍କ ନେତୃତ୍ବରେ ଭାରତୀୟ ଦଳ ଅପରାଜେୟ ରହି ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ଫାଇନାଲରେ ପ୍ରବେଶ କରିଛି । ବାଂଲାଦେଶ, ପାକିସ୍ତାନ ଓ ନ୍ୟୁଜିଲାଣ୍ଡକୁ ହରାଇ ସେମିଫାଇନାଲରେ ପ୍ରବେଶ କରିଥିଲା ଭାରତ । ସେମି ମୁକାବିଲାରେ ଦୁବାଇ ମୈଦାନରେ ଅଷ୍ଟ୍ରେଲିଆକୁ ହରାଇ ଫାଇନାଲ ଟିକେଟ୍ ହାତେଇଛି । ଭାରତର ଏହି ଯାତ୍ରାରେ ଜଣେ ସ୍ପେଶାଲ ପ୍ଲେୟାରଙ୍କ ଭାଗୀଦାରି ରହିଛି । ବିପକ୍ଷ ଦଳ ପାଇଁ ସାଇଲେଣ୍ଟ କିଲର ସାବ୍ୟସ୍ତ ହୋଇଛନ୍ତି ପ୍ଲେୟାର ଜଣକ । ଭାରତର ସଅଳ ୨ଟି ୱିକେଟ ପତନ ଯେବେ ଫ୍ୟାନ୍ସଙ୍କ ମଧ୍ୟରେ ନିରାଶା ଦେଖିବାକୁ ମିଳେ । ସେହି ଖେଳାଳି ନିରାଶକୁ ଉତ୍ସାହରେ ପରିଣତ କରିଛନ୍ତି । ମିଡଲ ଅର୍ଡରରେ ବ୍ୟାଟିଂ କରିବାକୁ ଆସୁଥିବା ବ୍ୟାଟର କୁହନ୍ତି ଚିନ୍ତା ନାହିଁ ମୁଁ ଅଛି ନା… । ସେ ପ୍ଲେୟାର ଜଣକ ହେଉଛନ୍ତି ଶ୍ରେୟାସ ଆୟର ।
ଫୁଲ ଫର୍ମରେ ଅଛନ୍ତି ଷ୍ଟାର ଖେଳାଳି ଶ୍ରେୟାସ ଆୟର । ଦିନିକିଆ କ୍ରିକେଟରେ ଭାରତ ପାଇଁ ଶୁଭଙ୍କର ସାବ୍ୟସ୍ତ ହେଛନ୍ତି ଶ୍ରେୟାସ । ସେ ଗତ ୭ ଇନିଂସରେ ୫୩.୭୧ ଆଭରେଜରେ ୩୭୬ ରନ୍ କରିଛନ୍ତି । ଚଳିତ ଆଇସିସି ଚାମ୍ପିଅନ୍ସ ଟ୍ରଫିରେ ୪ଟି ମ୍ୟାଚ ଖେଳି ୪୮.୭୧ ଆଭରେଜରେ ୧୯୫ରନ କରିବାରେ ସଫଳ ହୋଇଛନ୍ତି । ଏଥିରେ ଦୁଇଠି ଅର୍ଦ୍ଧଶତକ ସାମିଲ ଅଛି । ୭୯ ରନ୍ ତାଙ୍କର ବେଷ୍ଟ ସ୍କୋର ଥିଲା । ଭାରତୀୟ ପ୍ଲେଇଙ୍ଗ୍ ୧ ରେ ଚତୁର୍ଥ ନମ୍ବରରେ ବ୍ୟାଟିଂ କରୁଛନ୍ତି । ଦିନିକିଆ ବିଶ୍ବକପ ୨୦୨୩ରେ ବିପକ୍ଷ ଟିମ୍ ପାଇଁ ଘାତକ ସାବ୍ୟସ୍ତ ହୋଇଥିଲେ ।
ଅଧିକ ପଢନ୍ତୁ...ହିଟମ୍ୟାନଙ୍କ ନାମରେ ଐତିହାସିକ ୱାର୍ଲ୍ଡ ରେକର୍ଡ ; ପଛରେ ପଡିଲେ ଧୋନୀ
ଆଇସିସି ଚାମ୍ପିଅନ୍ସ ଟ୍ରଫି ସେମିଫାଇନାଲରେ ଅଷ୍ଚ୍ରେଲିଆକୁ ଭାରତ ସେମିରେ ପ୍ରବେଶ କରିଛି । ଏହି ମ୍ୟାଚରେ ୧୫ରନରେ ଦଳ ପ୍ରଥମ ୱିକେଟ ହରାଇଥିଲା । ପରେ ପରେ ରୋହିତ ଶର୍ମା ପାଭିଲିନୟ ଫେରିଥିଲେ । ଏହି ସମୟରେ କୋହଲିଙ୍କ ସାଥ ଦେଇଥିଲେ ଶ୍ରେୟାସ ଆୟର । ୪୫ ରନ କରି ଆଉଟ ହୋଇଥିଲେ ମାତ୍ର ଦଳକୁ ଯେଉଁ ଆବଶ୍ୟକତା ଥିଲା ତାହା ପୂରଣ କରିଥିଲେ ଆୟର । ଏହାପୂର୍ବରୁ ଶେଷ ଲିଗ୍ ମ୍ୟାଚରେ ନ୍ୟୁଜିଲାଣ୍ଡଠୁ ମ୍ୟାଚ ଛଡାଇ ଆଣିଥିଲେ । ଭାରତର ୩୦ରନରେ ୩ଟି ୱିକେଟ ପତନ ହୋଇଥିଲା । ଏପରି ସଙ୍କଟ ସମୟରେ ଦଳ ପାଇଁ ଶୁଭଙ୍କର ସାବ୍ୟସ୍ତ ହୋଇଥିଲେ । ଏହା ପୂର୍ବରୁ ପାକିସ୍ତାନ ବିପକ୍ଷ ଲିଗ୍ ମ୍ୟାଚରେ ମଧ୍ୟ ମୋର୍ଚ୍ଚା ସମ୍ଭାଳିଥିଲେ ଆୟର ।
ଯଦି ରେକର୍ଡ କଥା କହିବା ତେବେ ଗତ ୭ ଇନିଂସରେ ଶ୍ରେୟାସ ୩୭୬ ରନ କରିଛନ୍ତି । ଚାମ୍ପିଅନ୍ସ ଟ୍ରଫିର ୪ଟି ମ୍ୟାଚ ଖେଳି ୧୯୫ରନ କରିଛନ୍ତି । ବିଶେଷ କରି ଦିନିକିଆ ବିଶ୍ବକପ ୨୦୨୩ରେ ଧମାଲ ମଚାଇଥିଲେ । ୧୧ ପାଳିରେ ୫୩୦ରନ କରିଥିଲେ । ଏଥିରେ ୨ଟି ଶତକ ଓ ୩ଟି ଅର୍ଦ୍ଧଶତକ ସାମିଲ ଥିଲା । ଅପରାଜିତ ୧୨୮ରନ୍ ବେଷ୍ଟ ସ୍କୋର ଥିଲା ।
