ପୁରୀ,୨୬/୦୩: ପୁରୀ ଜିଲ୍ଲା ଗୁଡିଆପୋଖରୀରେ ସଡ଼କ ଦୁର୍ଘଟଣା ହୋଇଛି । ଅନ୍ନପୂର୍ଣ୍ଣା ନାମକ ବସ୍ ଦୁର୍ଘଟଣାଗ୍ରସ୍ତ ହୋଇଛି । ଦୁଇ ଜଣଙ୍କୁ ଧକ୍କା ଦେଲା ବସ୍ । ଯେଉଁଥିରେ ଘଟଣାସ୍ଥଳରେ ୨ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଜଣେ ମହିଳା ଓ ୨ ବର୍ଷର ଶିଶୁ ରହିଛନ୍ତି । ବସକୁ ଜବତ କରି ଘଟଣାର ତଦନ୍ତ ଜାରି ରଖିଛି କୌଶଲ୍ୟା ଫାଣ୍ଡି ।

ଗୁଡିଆପୋଖରୀ ନିକଟରେ ଅନ୍ନପୂର୍ଣ୍ଣା ବସ୍ ନମ୍ବର OR02 br 9029 ଦୁଇ ଜଣଙ୍କୁ ଧକ୍କା ଦେଇଥିଲା । ଖୋର୍ଦ୍ଧା ଜିଲ୍ଲାର ଝିଲି ପ୍ରଧାନ (୩୫) ଓ ଶ୍ରିୟାଶୁଂ ପ୍ରଧାନ (୨) ନାମକ ଦୁଇଜଣଙ୍କର ମୃତ୍ୟୁ ହୋଇଛି । ଦୁର୍ଘଟଣାର ଖବର ପାଇ କୌଶଲ୍ୟା ଫାଣ୍ଡି ଘଟଣାସ୍ଥଳରେ ପହଞ୍ଚିଥିଲା । ମୃତଦେହ ଉଦ୍ଧାର କରି ଚିକିତ୍ସା ପାଇଁ ଭୁବନେଶ୍ୱର ପଠାଇଥିଲା । ସେଠାରେ ପହଞ୍ଚିବା ପରେ ଦୁହିଁଙ୍କୁ ମୃତ ଘୋଷଣା କରିଥିଲେ ଡାକ୍ତର ।  କୁହାଯାଉଛି କି ବସ୍ ଟି ନୟନ୍ତ୍ରଣ ହରାଇ ଦୁଇଜଣଙ୍କୁ ଧକ୍କା ଦେଇଥିଲା । ବସର ସାମ୍ନା ପଟ କାଚ ଭାଙ୍ଗିରୁଜି ଯାଇଛି ।

ଅଧିକ ପଢନ୍ତୁ...ସ୍ୱାସ୍ଥ୍ୟସେବା ପାଉନାହାନ୍ତି ମହିଳା, ୪୦% ସ୍ତ୍ରୀ ରୋଗ ଓ ପ୍ରସୂତି ବିଭାଗରେ ବିଶେଷଜ୍ଞ ପଦବି ଖାଲି

ରାଜ୍ୟରେ ଦିନକୁ ଦିନ ସଡକ ଦୁର୍ଘଟଣା ବଢିବାରେ  ଲାଗିଛି । ପ୍ରତିିଦିନ କିଛି ନା କିଛି ଦୁର୍ଘଟଣାର ଖବର ଆସୁଛି । ଗତକାଲି (ମଙ୍ଗଳବାର) ଢେଙ୍କାନାଳ କାମାକ୍ଷାନଗର ରେକୁଳାରେ ଦୁର୍ଘଟଣା ଘଟି ୩ ଜଣଙ୍କର ମୃତ୍ୟୁ ହୋଇଥିଲା ।