ନୂଆଦିଲ୍ଲୀ,୧୯/୦୨: ଝାଡ଼ଖଣ୍ଡରେ ଭୟଙ୍କର ଦୁର୍ଘଟଣା । ଭାରସାମ୍ୟ ହରାଇ ବାଇକ୍କୁ ଧକ୍କା ଦେଲା ସ୍କର୍ପିଓ । ଫଳରେ ୬ ଜଣଙ୍କ ମୃତ୍ୟୁ ହୋଇଥିବା ବେଳେ ସ୍କର୍ପିଓଟି ସମ୍ପୂର୍ଣ୍ଣ ଭାଙ୍ଗିଯାଇଛି । ଏନେଇ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି । ତେବେ ସ୍କର୍ପିଓରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ବାଇକ୍ରେ ଥିବା ୨ ଜଣଙ୍କ ମୃତ୍ୟୁ ହୋଇଛି ।
ଏହା ମଧ୍ୟ ପଢନ୍ତୁ- ୬ ମାସ ଭିତରେ ମିଳିବ ମହିଳାଙ୍କ କ୍ୟାନସର ଟିକା
ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ ଝାଡଖଣ୍ଡ ଡୁମରି-ଗିରିଡିହ ରାସ୍ତାର ମଧୁବନ ଥାନା ଅଧିନସ୍ଥ ଲଟ୍ଟାକଟ୍ଟୋ ଅଞ୍ଚଳରେ ଏହି ଘଟଣା ଘଟିଛି । ମଧ୍ୟରାତ୍ରିରେ ଏକ ସ୍କର୍ପିଓ ଆସୁଥିବା ବେଳେ ବିପରୀତ ଦିଗରୁ ଏକ ବାଇ ଆସୁଥିଲା । ଫଳରେ ସ୍କର୍ପିଓ ଡ୍ରାଇଭର ଜଣକ ଭାରସାମ୍ୟ ହରାଇ ବାଇକକୁ ଧକ୍କା ଦେଇଥିଲା । ପରେ ଏକ ଗଛରେ ଯାଇ ପିଟି ହୋଇଯାଇଥିଲା । ଫଳରେ ଘଟଣାସ୍ଥଳରେ ୬ ଜଣଙ୍କ ମୃତ୍ୟୁ ହୋଇଛି । ସେପଟେ ଖବର ପାଇ ଡୁମରି ଏସଡିପିଓ ସୁମିତ କୁମାରଙ୍କ ନିର୍ଦ୍ଦେଶ କ୍ରମେ ମଧୁବନ ଥାନା ପୋଲିସକୁ ଘଟଣାସ୍ଥଳକୁ ଯାଇ ବହୁ କଷ୍ଟରେ ମୃତଦେହକୁ ଗାଡ଼ିରୁ ବାହାର କରିଛନ୍ତି । ମୃତଦେହଗୁଡ଼ିକ ବ୍ୟବଚ୍ଛେଦ ପାଇଁ ପଠାଯାଇଛି । ମୃତକମାନେ ମୁଙ୍ଗେର ମୁଫାସିଲ ପୋଲିସ ଷ୍ଟେସନ ଅନ୍ତର୍ଗତ ଦରିଆପୁରର ବାସିନ୍ଦା ବୋଲି ପରିଚୟ ମିଳିଛି । ସେହିପରି ଜଣଙ୍କର ମୃତକଙ୍କ ପରିଚୟ ମିଳିପାରି ନାହିଁ । ସେପଟେ ମୃତ ବାଇକ୍ ଆରୋହୀମାନେ ମଧୁବନ ଥାନା ଅଞ୍ଚଳର ଛଛଣ୍ଡୋ ନିବାସୀ ବୋଲି ଜଣାପଡିଛି ।
