ଚଣ୍ଡିଖୋଲ,୦୮/୧୧: ଯାଜପୁର ଜିଲ୍ଲା ବଡ଼ଚଣା ଅଞ୍ଚଳରୁ ଉଦ୍ଧାର ହେଲା ବିରାଟକାୟ ଅଜଗର । ଏହି ସାପଟିର ଲମ୍ୱା ୨୫ଫୁଟ ହୋଇଥିବା ସୂଚନା ମିଳିଛି । ଉଦ୍ଧାର ପରେ ସାପଟିକୁ ବନ ବିଭାଗ ବାରୁଣା ବନ୍ତ ସଂରକ୍ଷିତ ଜଙ୍ଗଲରେ ଛାଡ଼ିଥିବା ଜଣାପଡ଼ିଛି । 

ସୂଚନା ମୁତାବକ, ସ୍ଥାନୀୟ ତେଲିଗଡ ନଟିଆ ଗେଟ୍ ନିକଟରେ ଏକ ଅଜଗର ଯାଉଥିବା ଲୋକେ ଦେଖିଥିଲେ । ପରେ ଏନେଇ ଚଣ୍ଡିଖୋଲ ବନ ବିଭାଗ କର୍ମଚାରୀଙ୍କୁ ଖବର ଦେଇଥିଲେ । ଖବର ପାଇ ବନ ବିଭାଗର କର୍ମଚାରୀ ଗାଁରେ ପହଞ୍ଚି ଥିଲେ । ସେଠାରେ ପହଞ୍ଚି ଅଜଗରକୁ ଉଦ୍ଧାର କରି ତାର ସ୍ବାସ୍ଥ୍ୟ ପରୀକ୍ଷା କରିଥିଲେ । ପରେ ସ୍ଥାନୀୟ ବାରୁଣା ବନ୍ତ ସଂରକ୍ଷିତ ଜଙ୍ଗଲରେ ଛାଡ଼ି ଦିଆଯାଇଥିବା ବନ ବିଭାଗ ସୂଚନା ଦେଇଛି ।