ଭୁବନେଶ୍ୱର,୦୩/୦୩: ମଣିଷ ସାଜିଲା ରାକ୍ଷସ । ଅନ୍ଧ ବିଶ୍ୱାସରେ ପଡ଼ି ଭୁଲିଗଲା ମାନବିକତା । ସ୍ନେହ ଡୋରିରେ ବାନ୍ଧିବା ପରିବର୍ତ୍ତେ ମାସକର ଛୁଆକୁ ଦେଇ ଚାଲିଲା ତତଲା ଚେଙ୍କ । ମୁଣ୍ଡ ଏବଂ ପେଟରେ ୪୦ରୁ ଉର୍ଦ୍ଧ୍ୱ ଚେଙ୍କ ଦେଲା କଠୋର ମଣିଷ । ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହେଲା ପ୍ରାୟ ଏକ ମାସର ଛୋଟ ପୁଅ । ଏଭଳି ଏକ ଅମାନବିକ ଘଟଣା ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକର ଗମ୍ଭାରୀଗୁଡା ପଞ୍ଚାୟତ ଅଧୀନ ଫୁଣ୍ଡେଲପଡା ଗ୍ରାମରେ ଘିଟିଛି ।
ସୂଚନା ମୁତାବକ, ଫୁଣ୍ଡେଲପଡା ଗ୍ରାମରେ ଅଭାବନୀୟ ଘଟଣା । ଅନ୍ଧ ବିଶ୍ୱାସର ବଶବର୍ତ୍ତୀ ହୋଇ ପ୍ରାୟ ଏକ ମାସର ଛୋଟ ପୁଅକୁ ଦେଲେ ଚେଙ୍କ । ପିଲାଟିର ପେଟ ଓ ମୁଣ୍ଡରେ ପ୍ରାୟ ୪୦ ରୁ ଉର୍ଦ୍ଧ୍ୱ ଚେଙ୍କ ଦିଆଯାଇଛି । ଏହା ପରେ ଶିଶୁଟି ଗୁରୁତର ହେବାରୁ ତାକୁ ଉମରକୋଟ ଉପଖଣ୍ଡ ଚିକିତ୍ସାଳୟରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
