ନୂଆଦିଲ୍ଲୀ,୧୦/୦୫: ଭାରତ-ପାକିସ୍ତାନ ମଧ୍ୟରେ ଚାଲିଥିବା ଘମାସନ ଯୁଦ୍ଧକୁ ନେଇ ଆଜି ସେନା ଓ ବୈଦେଶିକ ମନ୍ତ୍ରଣାଳୟ ପକ୍ଷରୁ ପ୍ରେସ୍ମିଟ୍ ହୋଇଛି । ମିଛୁଆ ପାକିସ୍ତାନର ଅସଲ ଚେହେରା ପର୍ଦ୍ଦାଫାସ କରିଛି ଭାରତ । ଫଟୋ ଭିଡିଓ ଦେଖାଇ ଭାରତ ପ୍ରମାଣ ଦେଇଛି । ନୂଆଦିଲ୍ଲୀ ସାଉଥ କ୍ଲବରେ ସାମ୍ପ୍ରତିକ ସ୍ଥିତି ନେଇ ମିଳିତ ପ୍ରେସ୍ବ୍ରିଫ୍ ଜାରି ହୋଇଛି । ଏଥିରେ କର୍ଣ୍ଣଲ ସୋଫିଆ କ୍ୟୁରେସି, ୱିଙ୍ଗ କମାଣ୍ଡର ବ୍ୟୋମିକା ସିଂହ ଓ ବୈଦେଶିକ ସଚିବ ବିକ୍ରମ ମିଶ୍ରି ଉପସ୍ଥିତ ଥିଲେ । ପାକିସ୍ତାନ ଭାରତୀୟ ନାଗରିକ ଓ ଧାର୍ମିକ ସ୍ଥାନକୁ ଟାର୍ଗେଟ କରୁଛି । ପାକିସ୍ତାନକୁ କଡ଼ା ଜବାବ ଦିଆଯାଇଛି । ପାକିସ୍ତାନର ୪ ଏୟାରବେସ୍କୁ ଧ୍ୱଂସ କରାଯାଇଛି ବୋଲି କହିଛନ୍ତି କର୍ଣ୍ଣଲ ସୋଫିଆ କ୍ୟୁରେସି ।
#WATCH | Delhi: Colonel Sofiya Qureshi says, "It is a matter of concern that taking the cover of civilian aircraft taking off from Lahore, Pakistan misused international air routes. So that they can hide their activities. Such tactics compelled Indian air defence system to act… pic.twitter.com/2HK7aScjEp
— ANI (@ANI) May 10, 2025
ପ୍ରେସ୍ମିଟରେ କର୍ଣ୍ଣଲ ସୋଫିଆ କହିଛନ୍ତି, ''ପାକିସ୍ତାନ ଲଗାତାର ଆଟାକ କରୁଛି । ଗତକାଲି ରାତି ୧ଟା ୪୦ରେ ପାକିସ୍ତାନ ସିରସା ବେସ୍କୁ ଟାର୍ଗେଟ କରି ମିସାଇଲ ମାଡ କରିଥିଲା । ପାକିସ୍ତାନ ଭାରତର ସୈନ୍ୟ ଠିକଣାକୁ ଟାର୍ଗେଟ କରୁଛି । ପାକ୍ ପୂରା ବର୍ଡରରେ ଗୁଳିଗୋଳା ବର୍ଷଣ କରୁଛି । ଡ୍ରୋନ୍ ଏବଂ ଫାଇଟର ଜେଟ୍ର ବ୍ୟବହାର କରିଛି । ନାଗରିକ ଏବଂ ସୈନ୍ୟ ବେସ୍କୁ ଟାର୍ଗେଟ କରୁଛି । ଯାହାର ଜବାବ୍ ଦେଇଛି ଭାରତ । ପାକିସ୍ତାନର ଫରୱାର୍ଡ ପୋଷ୍ଟରେ ସେନା ମୁତୟନ ବଢାଇଛି । ଉସକାଇବାକୁ ଏମିତି କରୁଛି ।''
ଅଧିକ ପଢନ୍ତୁ...ଯୁଦ୍ଧ ସ୍ଥିତିରେ ବେଆଇନ ୱାକି-ଟକି ବିକ୍ରି, ୧୩ ଇ-କମର୍ସ କମ୍ପାନି ବିରୋଧରେ କାର୍ଯ୍ୟାନୁଷ୍ଠାନ
କର୍ଣ୍ଣଲ ସୋଫିଆ ଆହୁରି କହିଛନ୍ତି, ''ପାକିସ୍ତାନର ୬ଟି ଏୟାରବେସ୍କୁ ଧ୍ୱଂସ କରାଯାଇଛି । ପାକ୍ ହାଇସ୍ପିଡ଼ ମିସାଇଲ ବ୍ୟବହାର କରି ପଞ୍ଜାବର ଏୟାରବେସ ସେଷ୍ଟସକୁ ଟାର୍ଗେଟ କରିଥିଲା । ନିନ୍ଦନୀୟ କାମ କରି ଶ୍ରୀନଗର, ଅବନ୍ତିପୁରା ଏବଂ ଉଦ୍ଧମପୁରରେ ବାୟୁ ସେନା ଆଡ୍ଡାରେ ଡାକ୍ତରଖାନା ଓ ସ୍କୁଲ ପରିସରକୁ ଟାର୍ଗେଟ କରିଥିଲା । ପାକିସ୍ତାନର ଉଦ୍ଦେଶ୍ୟ ଓ ମାନସିକତା ଠିକ୍ ନାହିଁ । ପୂର୍ବ ପରି ଶୁକ୍ରବାର ରାତିରେ ମଧ୍ୟରେ ସେ ଆଟାକ୍ କରିଥିଲା । ପାକ୍ ନାଗରିକ ବିମାନକୁ ଢାଲ କରୁଛି ।''
S-400 ସୁରକ୍ଷିତ- ସବୁଥିରେ ଫେଲ୍ ମାରିଥିବା ପାକ୍ ପାଖରେ ଆଉ କିଛି ଚାରା ନାହିଁ । ମିଛ ଓ ଗୁଜବ ପ୍ରଚାର କରୁଛି । ଭାରତର ଏକାଧିକ ଏୟାର ଡିଫେନ୍ସ ସିଷ୍ଟମ ଓ ସୈନ୍ୟ ଠିକଣାକୁ କ୍ଷତି ପହଞ୍ଚାଇଥିବା ମିଛରେ କହୁଛି । କର୍ଣ୍ଣଲ ସୋଫିଆ କ୍ୟୁରେସି ପ୍ରେସ୍ମିଟରେ ଫଟୋ ଓ ଭିଜୁଆଲ ଦେଖାଇ ମିଛୁଆ ପାକିସ୍ତାନର ପୋଲ ଖୋଲିଛନ୍ତି । ବାୟୁସେନା ଘାଟି ଓ ଏସ୍-୪୦୦କୁ ନଷ୍ଟ କରିଥିବା କହୁଛି । ତାହା ସମ୍ପୂର୍ଣ୍ଣ ମିଛ । ଏସ୍-୪୦୦ ସୁରକ୍ଷିତ ଅଛି । ଏୟାରବେସ୍ ବି ସୁରକ୍ଷିତ ରହିଥିବା କହିଛନ୍ତି କର୍ଣ୍ଣଲ ସୋଫିଆ କ୍ୟୁରେସି ।
