ନୂଆଦିଲ୍ଲୀ,୦୫/୦୫: ଭାରତ ଆକ୍ସନରେ ଛାତି ଧଡ଼ ଧଡ଼ ହେଉଛି ହେଲେ ପାକିସ୍ତାନର ମୁହଁଟାଣ ଛାଡୁନି । ଚେତାବନୀ ସତ୍ତ୍ୱେ ଚେତୁନୀ ଆତଙ୍କୀଦେଶ । ବାରମ୍ବାର ସୀମାରେ ମନମାନି କରୁଛି । ଏଲଓସିରେ ପାକ୍ସେନାର ଉତ୍ପାତ ଜାରି ରହିଛି । ପହଲଗାମ ଆତଙ୍କୀ ଆକ୍ରମଣ ପରେ ଲଗାତାର ୧୧ଥର ନିୟନ୍ତ୍ରଣ ରେଖାରେ ଅସ୍ତ୍ରବିରତି ଉଲ୍ଲଘଂନ କରିଛି ପାକ୍ ସେନା । ଯାହାର ମୁହଁତୋଡ଼ ଜବାବ ଦେଇଛି ଭାରତୀୟ ସେନା ।
ପହଲଗାମ ଆତଙ୍କୀ ଆକ୍ରମଣ ପରଠୁ ଅଶାନ୍ତ ରହିଛି ଲାଇନ୍ ଅଫ୍ କଣ୍ଟ୍ରୋଲ (ଏଲଓସି) । ବାରମ୍ବାର ଅସ୍ତ୍ରବିରତି ଉଲ୍ଲଘଂନ କରୁଛି ପାକ୍ସେନା । ଏଲଓସିରେ ଫାୟାରିଂ କରିଛି । ଆଜି ବି ବିଭିନ୍ନ ସ୍ଥାନରେ ପାକ୍ ସେନା ପକ୍ଷରୁ ଗୁଳିମାଡ ହୋଇଛି । ଲଗାତାର ୧୧ ଥର ପାଇଁ ଏଲଓସିରେ ଅସ୍ତ୍ରବିରତି ଉଲ୍ଲଂଘନ କରିଛି । ରବିବାର ରାତିରୁ ଏଲଓସିରେ ଗୁଳିବର୍ଷଣ କରିଛି । ବାରମୁଲ୍ଲା, ପୁଞ୍ଚ, ରୌଜରୀ, ମେନ୍ଦାର, ନୌସେର, ସୁନ୍ଦରବାନୀ ଓ ଅଖନୁର ସେକ୍ଟରରେ ପାକ୍ ସେନା ପକ୍ଷରୁ ଫାୟାରିଂ ହୋଇଥିବା ସୂଚନା ମିଳିଛି । ଯାହାର ମୁହଁତୋଡ଼ ଜବାବ ଦେଇଛି ଭାରତୀୟ ସେନା । କିଛି ସମୟ ଯାଏ ଦୁଇପଟୁ ଗୁଳିମାଡ ହୋଇଥିଲା ।
During the night of 04 -05 May 2025, Pakistan Army posts resorted to unprovoked small arms fire across the LoC in areas opposite Kupwara, Baramulla, Poonch, Rajauri, Mendhar, Naushera, Sunderbani, and Akhnoor in J&K. The Indian Army responded promptly and proportionately: Indian…
— ANI (@ANI) May 5, 2025
ଭାରତ ଓ ପାକିସ୍ତାନ ମଧ୍ୟରେ ଥିବା ଏଲଓସିର ଲମ୍ବ ହେଉଛି ୭୪୦ କିଲୋମିଟର । ଏହାର ଉଭୟ ପାର୍ଶ୍ୱରେ ଭାରତ-ପାକିସ୍ତାନ ସେନା ଏହାର ସୁରକ୍ଷାରେ ନିୟୋଜିତ ରହିଛନ୍ତି । ଦୁଇ ଦେଶ ମଧ୍ୟରେ ହୋଇଥିବା ବୈଠକରେ କେହି କାହା ଉପରେ ଫାଙ୍କା ଗୁଳିଚାଳନା କରିବେ ନାହିଁ ବୋଲି ଅସ୍ତ୍ରବିରତି ଚୁକ୍ତି ସମ୍ପାଦିତ ହୋଇଥିଲା । ହେଲେ ପାକିସ୍ତାନ ଚୁକ୍ତି ବେଖାତିର କରି ଅସ୍ତ୍ରବିରତି ଉଲ୍ଲଂଘନ କରୁଛି ।
ଅଧିକ ପଢନ୍ତୁ...ଭାରତ ଭୟରେ UNSC ଶରଣରେ ପାକିସ୍ତାନ, ଆଜି ବସିବ ସୁରକ୍ଷା ପରିଷଦ ବୈଠକ
ବିଏସଏଫର ବ୍ଲାକଆଉଟ୍ ଅଭ୍ୟାସ- ଯୁଦ୍ଧ ପାଇଁ ପ୍ରସ୍ତୁତ ଭାରତୀୟ ସେନା । କେତେବେଳ କିଛି ବି ହୋଇପାରେ । ଯଦି ଭାରତ-ପାକିସ୍ତାନ ଯୁଦ୍ଧ ହୁଏ ତେବେ ଅପରେସନ୍ କେମିତି ହେବ ? ସେ ନେଇ ପଞ୍ଜାବ ଫିରୋଜପୁରରେ ବ୍ଲାକଆଉଟ ଅଭ୍ୟାସ କରିଛି ବିଏସଏଫ । ଲୋକମାନେ କିପରି ନିଜ କାମ କରିବେ । ଜରୁରୀ ସେବା କିପରି ହେବ ସେ ନେଇ ଅଭ୍ୟାସ ହୋଇଛି । ବର୍ଡର ଏରିଆକୁ ଅନ୍ଧାର କରି ପ୍ରାୟ ଅଧଘଣ୍ଟା ବ୍ଲାକଆଉଟ ମକ୍ ଡ୍ରିଲ କରିଛି ସେନା ।
