ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ ପୂର୍ବରୁ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ବଡ଼ ନିଷ୍ପତ୍ତି ନେଇଛି । ମୁମ୍ବାଇ ରଣଜୀ ଟିମ୍ର ମୁଖ୍ୟ କୋଚ୍ ଓମକାର ସାଲଭୀଙ୍କୁ ବୋଲିଂ କୋଚ୍ ନିଯୁକ୍ତ କରିଛି ଆରସିବି । ୪୬ ବର୍ଷୀୟ ଓମକାର ସାଲଭୀ ଆଇପିଏଲ ୨୦୨୪ ପାଇଁ କୋଲକାତା ନାଇଟ ରାଇଡର୍ସ (କେକେଆର)ର ଆସିଷ୍ଟାଣ୍ଟ କୋଚ୍ ଥିଲେ । ତାଙ୍କର କାର୍ଯ୍ୟକାଳ ମାର୍ଚ୍ଚ ୨୦୨୫ରେ ଶେଷ ହେବାକୁ ଯାଉଛି । ଏନେଇ ଆରସିବି ପକ୍ଷରୁ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ସୂଚନା ଦିଆଯାଇଛି ।
ମୁମ୍ବାଇର ମୁଖ୍ୟ କୋଚ୍ ଓମକାର ସାଲଭୀଙ୍କୁ ଆରସିବିର ବୋଲିଂ କୋଚ୍ ଭାବେ ନିଯୁକ୍ତ କରାଯାଇଛି । ଗତ ୮ ମାସ ମଧ୍ୟରେ ରଣଜୀ ଟ୍ରଫି, ଇରାନୀ ଟ୍ରଫି ଏବଂ ଆଇପିଏଲ ଟ୍ରଫି ବିଜୟ କ୍ଷେତ୍ରରେ ତାଙ୍କର ଅତୁଳନୀୟ ଅବଦାନ ରହିଛି । ତାଙ୍କୁ ଆମ ଟିମ୍କୁ ସ୍ବାଗତ ବୋଲି ଆରସିବି ପକ୍ଷରୁ ଏକ୍ସରେ ଲେଖାଯାଇଛି । ଏହା ପୂର୍ବରୁ ଆରସିବି ଓ୍ବିକେଟ କିପର ବ୍ୟାଟର ଦୀନେଶ କାର୍ତ୍ତିକଙ୍କୁ ବ୍ୟାଟିଂ କୋଚ୍ ଏବଂ ମେଣ୍ଟର ନିଯୁକ୍ତ କରିଥିଲା । କାର୍ତ୍ତିକ ଏବଂ ସାଲଭୀ କେକେଆର ପାଇଁ ମିଳିତ ଭାବେ କାର୍ଯ୍ୟ କରିଛନ୍ତି ।
🚨 Announcement: 🚨 Omkar Salvi, current Head Coach of Mumbai, has been appointed as RCB’s Bowling Coach. 🤝☄️
— Royal Challengers Bengaluru (@RCBTweets) November 18, 2024
Omkar, who has won the Ranji Trophy and Irani Trophy in the last 8 months, is excited to join us in time for #IPL2025, after completion of his Indian domestic season… pic.twitter.com/S0pnxrtONK
ଓମକାର ସାଲଭୀ ପୂର୍ବତନ ଭାରତୀୟ ଦ୍ରୁତ ବୋଲର ଆବିଷ୍କାର ସାଲଭୀଙ୍କ ଭାଇ । ବର୍ତ୍ତମାନ ସମୟରେ ଘରୋଇ କ୍ରିକେଟ୍ରେ ସବୁଠୁ ଭଲ କୋଚ୍ ଭାବେ ଜଣାଶୁଣା ଓମକାର ସାଲଭୀ । ଓମକାର ସାଲଭୀ ନିଜ କ୍ୟାରିୟରରେ କେବଳ ଗୋଟିଏ ଲିଷ୍ଟ-ଏ ମ୍ୟାଚ୍ ଖେଳିଛନ୍ତି । ନିଜର ପ୍ରଥମ ଓ ଶେଷ ମ୍ୟାଚ୍ ରେଲଓ୍ବେ ପାଇଁ ଖେଳିଥିଲେ ଓମକାର । ମଧ୍ୟପ୍ରଦେଶ ବିପକ୍ଷ ଏହି ମ୍ୟାଚ୍ରେ ସେ ୩୬ ରନ୍ ଦେଇ ଗୋଟିଏ ଓ୍ବିକେଟ ନେଇଥିଲେ । ଓମକାର ସାଲଭୀ ମେ’ ୨୦୨୩ରେ ମୁମ୍ବାଇର ମୁଖ୍ୟ କୋଚ୍ ହୋଇଥିଲେ । ସେ ବରିଷ୍ଠ କୋଚ୍ ଅମୋଲ ମଜୁମଦାରଙ୍କ ସ୍ଥାନ ନେଇଥିଲେ । କଠିନ ପରିଶ୍ରମ ବଳରେ ଓମକାର ସାଲଭୀ ବର୍ତ୍ତମାନ ସମୟରେ ଜଣେ ଚର୍ଚ୍ଚିତ କୋଚ୍ ଭାବରେ ପରିଚୟ ଲାଭ କରିଛନ୍ତି ।
