ନୂଆଦିଲ୍ଲୀ,୧୯।୭: ଉତ୍ତର କୋରିଆ ପୁଣି ଥରେ ତାର ମହାକାଶ ମିଶନ ପାଇଁ ଚର୍ଚ୍ଚାରେ ଅଛି। ସାଟେଲାଇଟ୍ ଚିତ୍ରରୁ ଜଣାପଡିଛି ଯେ ଉତ୍ତର କୋରିଆ ନିଜର ସ୍ପେସ୍ ଲଞ୍ଚିଂ ଷ୍ଟେସନ୍ ସୋହାଏ ସାଟେଲାଇଟ୍ ଲଞ୍ଚିଂ ଷ୍ଟେସନରେ ଜାହାଜଗୁଡ଼ିକୁ ଲଙ୍ଗର କରିବା ପାଇଁ ଏକ ନୂତନ ଏବଂ ବଡ଼ ଘାଟି ଅର୍ଥାତ୍ ଏକ ପ୍ଲାଟଫର୍ମ ନିର୍ମାଣ କରିଛି। ବିଶ୍ୱାସ କରାଯାଏ ଯେ ଏହି ସୁବିଧା ବଡ଼ ରକେଟର ଅଂଶ ପରିବହନ ପାଇଁ ନିର୍ମିତ ହୋଇଛି।ଏହା ସେହି ଲଞ୍ଚ ଷ୍ଟେସନ ଯାହାକୁ ଉତ୍ତର କୋରିଆ ନେତା କିମ୍ ଜୋଙ୍ଗ ଉନ୍ ୨୦୨୨ ରେ ଆଧୁନିକୀକରଣ କରିବାକୁ ନିର୍ଦ୍ଦେଶ ଦେଇଥିଲେ। ଏହି ଷ୍ଟେସନରୁ ବଡ଼ ରକେଟ୍ ଉନ୍ ଉତ୍କ୍ଷେପଣ କରାଯାଏ ଏବଂ ଏଠାରେ ରକେଟ୍ ଇଞ୍ଜିନ୍ ମଧ୍ୟ ପରୀକ୍ଷଣ କରାଯାଏ। ଆଶ୍ଚର୍ଯ୍ୟର କଥା ଯେ, ୨୦୧୮ ରେ ତତ୍କାଳୀନ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଏକ ବୈଠକ ସମୟରେ କିମ୍ ଏହି ଷ୍ଟେସନକୁ ଭାଙ୍ଗିବାକୁ ପ୍ରତିଶ୍ରୁତି ଦେଇଥିଲେ ଯାହାଦ୍ୱାରା କଟକଣାରୁ ମୁକ୍ତି ମିଳିପାରିବ। କିନ୍ତୁ ପରେ ସେ ସେହି ପ୍ରତିଶ୍ରୁତି ଭାଙ୍ଗି ଦେଇଥିଲେ।
ପ୍ଲାନେଟ୍ ଲ୍ୟାବ୍ସ ଦ୍ୱାରା ପ୍ରକାଶିତ ସଦ୍ୟତମ ସାଟେଲାଇଟ୍ ଇମେଜ୍ ଦର୍ଶାଉଛି ଯେ ମେ ୨୫ ପର୍ଯ୍ୟନ୍ତ ଏହି ଘାଟି ନିର୍ମାଣ କରାଯାଉଥିଲା। ଏହା ଏବେ ସମ୍ପୂର୍ଣ୍ଣ ଭାବରେ ଶେଷ ହୋଇଛି। ଏହାର ଉଦ୍ଦେଶ୍ୟ ସମୁଦ୍ର ପଥରେ ବଡ଼ ଏବଂ ଭାରୀ ରକେଟ୍ ପାର୍ଟସକୁ ସମୁଦ୍ର ରାସ୍ତାରେ ଷ୍ଟେସନ୍ ପର୍ଯ୍ୟନ୍ତ ଆଣିବା ବୋଲି କୁହାଯାଉଛି। 38 North Projcet ଅନୁଯାୟୀ, ଘାଟିକୁ ଏପରି ଭାବରେ ଡିଜାଇନ୍ କରାଯାଇଛି ଯେ ବଡ଼ ଏବଂ ଭାରୀ ଜାହାଜ ଏଠାରେ ସହଜରେ ଲଙ୍ଗର କରିପାରିବ। ଏହା ବ୍ୟତୀତ, ଷ୍ଟେସନ ଭିତରେ ନୂତନ ରାସ୍ତା ଏବଂ ସମ୍ଭବତଃ ରେଳ ଲାଇନ ମଧ୍ୟ ବିଛାଯାଉଛି ଯାହା ଦ୍ୱାରା ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ରକେଟ୍ ଅଂଶ ଏବଂ ଇନ୍ଧନ ପରିବହନ ସହଜ ହୋଇପାରିବ।
ଉତ୍ତର କୋରିଆ ଅଗଷ୍ଟ ୧୯୯୮ରୁ ରୁ ୨୦୨୪ ମଧ୍ୟରେ ଅତି କମରେ ୯ ଥର ସାଟେଲାଇଟ୍ ରକେଟ୍ ଲଞ୍ଚ କରିବାକୁ ଚେଷ୍ଟା କରିଛି, ଯେଉଁଥିରୁ କେବଳ ତିନୋଟି ଉତ୍କ୍ଷେପଣ ସଫଳ ହୋଇଛି। ବାକି ପ୍ରୟାସ ବିଫଳ ହୋଇଛି କିମ୍ବା ଅସମ୍ପୂର୍ଣ୍ଣ ଥିଲା। ସର୍ବଶେଷ ପ୍ରୟାସରେ, ପ୍ରଥମ ପର୍ଯ୍ୟାୟରେ ହିଁ ରକେଟ୍ ଫାଟି ଯାଇଥିଲା। ଏହି କାରଣରୁ ବିଶ୍ୱକୁ ଏହା ଲାଗିଲାଣି ଯେ, ଉତ୍ତର କୋରିଆ ଚୁପଚାପ୍ ତା’ର ମହାକାଶ କ୍ଷମତାକୁ ଦ୍ରୁତ ଗତିରେ ବୃଦ୍ଧି କରୁଛି। ଉତ୍ତର କୋରିଆ ଅନେକ ଥର କହିଛି ଯେ ସେ ମହାକାଶକୁ ଏକ ସାଟେଲାଇଟ୍ ପଠାଇବାକୁ ଚାହୁଁଛି, କିନ୍ତୁ ବିଶ୍ୱ ସନ୍ଦେହ କରୁଛି ଯେ ସେ ଏହି ବାହାନାରେ ବାଲିଷ୍ଟିକ୍ ମିସାଇଲ୍ ଟେକ୍ନୋଲୋଜି ପରୀକ୍ଷଣ କରୁଛି। ଜାତିସଂଘ ଏହାକୁ ପୂର୍ବରୁ ନିଷିଦ୍ଧ କରିସାରିଛି। କାରଣ କ୍ଷେପଣାସ୍ତ୍ର ଏବଂ ସାଟେଲାଇଟ୍ ଲଞ୍ଚର୍ ଗୁଡ଼ିକରେ ଏକାଭଳି ଟେକ୍ନୋଲୋଜି ରହିଥିାଏ। ଯେପରି ଇଞ୍ଜିନ୍, ଗାଇଡେଡ୍ ସିଷ୍ଟମ ଓ ଓ୍ବାରହେଡ୍ ଅଲଗା କରିବାର ଟେକ୍ନୋଲୋଜି। ଉତ୍ତର କୋରିଆ ଗୁପ୍ତ ଭାବରେ ଏକ ରକେଟ୍ ଲଞ୍ଚ ପାଇଁ ପ୍ରସ୍ତୁତି କରୁଥିବା ବେଳେ, ଏହାର ପଡ଼ୋଶୀ ଦକ୍ଷିଣ କୋରିଆ ଗତ ଦୁଇ ବର୍ଷ ମଧ୍ୟରେ ଖୋଲାଖୋଲି ଭାବରେ ମହାକାଶକୁ ଚାରୋଟି ଗୁପ୍ତଚର ଉପଗ୍ରହ ପଠାଇଛି । ସେଭଳି ଗୋଟିଏର ଲଞ୍ଚ ବାକି ଅଛି। ଏପରି ସ୍ଥିତିରେ, ଦୁଇ ଦେଶ ମଧ୍ୟରେ ମହାକାଶ ରେସ୍ ଏବଂ ଉତ୍ତେଜନା ଦ୍ରୁତ ଗତିରେ ବୃଦ୍ଧି ପାଉଛି।
