ନୂଆଦିଲ୍ଲୀ: ପେବ୍ରୁଆରୀ ୧୯ରୁ ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ଆରମ୍ଭ ହେବାକୁ ଯାଉଛି । ଟୁର୍ଣ୍ଣାମେଣ୍ଟ ପୂର୍ବରୁ ଏହାର ଉଦଘଟାନୀ ସମାରୋହ ତାରିଖକୁ ନେଇ ସମସ୍ତେ ଅପେକ୍ଷା କରିଛନ୍ତି । ଏହାରି ଭିତର ଖବର ସାମନାକୁ ଆସୁଛି ଯେ, ଆଇସିସି କୌଣସି ପ୍ରକାର ଫଟୋସୁଟ୍ କିମ୍ୱା ପ୍ରେସ୍ କନଫରେନ୍ସ ପାଇଁ ଅନୁମତି ଦେଇ ନାହିଁ । ବିନା ଉଦଘାଟନୀ ସମାରୋହରେ ହେବ ଚାମ୍ପିଅନ୍ସ ଟ୍ରଫି । ସେପଟେ ଭାରତୀୟ ଦଳର ଅଧିନାୟକ ରୋହିତ ଶର୍ମା ପାକିସ୍ତାନ ଯିବେ ନାହିଁ ।
ଜାତୀୟ ଗଣମାଧ୍ୟମ ଏବଂ ପାକିସ୍ତାନ ଗଣମାଧ୍ୟମ ‘ଡନ୍’ର ରିପୋର୍ଟ ଅନୁସାରେ ପାକିସ୍ତାନ କ୍ରିକେଟ୍ ବୋର୍ଡ (ପିସିବି)ର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ଚାମ୍ପିଅନ୍ସ ଟ୍ରଫି ଆରମ୍ଭ ପୂର୍ବରୁ କ୍ୟାପ୍ଟେନଙ୍କ କୌଣସି ଫଟୋସୁଟ୍ କିମ୍ୱା ପ୍ରେସ୍ କନଫରେନ୍ସ ହେବ ନାହିଁ । ଟିମଗୁଡ଼ିକର ବ୍ୟସ୍ତ କାର୍ଯ୍ୟକ୍ରମ ଯୋଗୁ ଟୁର୍ଣ୍ଣାମେଣ୍ଟ ପୂର୍ବରୁ କ୍ୟାପ୍ଟେନଙ୍କ ବୈଠକ ରଦ୍ଦ କରାଯାଇଛି ।
ଚାମ୍ପିଅନ୍ସ ଟ୍ରଫି ପାଇଁ ଭାରତୀୟ ଯୋଦ୍ଧା ଘୋଷଣା; ସାମି-ଯଶସ୍ୱୀଙ୍କ ଏଣ୍ଟ୍ରୀ, ଶୁଭମନ ଗିଲଙ୍କୁ ଗୁରୁ ଦାୟିତ୍ବ
ଉଲ୍ଲେଖଯୋଗ୍ୟ ଯେ, ଟୁର୍ଣ୍ଣାମେଣ୍ଟ ପୂର୍ବରୁ ସବୁ ଟିମ୍ ବ୍ୟସ୍ତ ଅଛନ୍ତି । ଇଂଲଣ୍ଡ ଏବଂ ଭାରତ ମଧ୍ୟରେ ସିରିଜ ଜାରି ରହିଛି । ଅନ୍ୟପଟେ ଅଷ୍ଟ୍ରେଲିଆ, ଶ୍ରୀଲଙ୍କା ଟେଷ୍ଟ ଏବଂ ଦିନିକିଆ ସିରିଜ୍ ଖେଳୁଛନ୍ତି । ଚାମ୍ପିଅନ୍ସ ଟ୍ରଫିରେ ଭାରତ ନିଜର ପ୍ରଥମ ଲିଗ୍ ପର୍ଯ୍ୟାୟ ମ୍ୟାଚ୍ ଫେବ୍ରୁଆରୀ ୨୦ରେ ବାଂଲାଦେଶ ବିପକ୍ଷରେ ଖେଳିବ । ଏହାପରେ ଫେବ୍ରଆରୀ ୨୩ରେ ପାକିସ୍ତାନ ସହ ମୁକାବିଲା ଖେଳିବ । ଏହାପରେ ମାର୍ଚ୍ଚ ୨ରେ ନ୍ୟୁଜିଲାଣ୍ଡ ସହ ଭାରତର ମୁକାବିଲା ହେବ । ତେବେ ଏହି ସବୁ ମ୍ୟାଚ୍ ଦୁବାଇରେ ଖେଳିବ ଭାରତୀୟ ଦଳ । ଭାରତ ୨୦୧୩ ରେ ଧୋନୀଙ୍କ ନେତ୍ବତ୍ବରେ ପ୍ରଥମ ଥର ଚାମ୍ପିଅନ୍ସ ଟ୍ରଫି ଜିତିଥିଲା ।
ଚାମ୍ପିଅନ୍ସ ଟ୍ରଫି ୨୦୨୫: କାହିଁକି ଟିମ୍ରେ ଏହି ୫ ଖେଳାଳିଙ୍କୁ ମିଳିଲାନି ସୁଯୋଗ ?
