ପାଟଣା, ୨୮/୧୦ : ପୁଣି ଅଲୋଡ଼ା ଶିଶୁକନ୍ୟା। ପୋଖରୀ କୂଳରୁ ବ୍ୟାଗ୍ ଭିତରୁ ଉଦ୍ଧାର ହେଲା ଶିଶୁକନ୍ୟା। କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଖିରେଇଟାଙ୍ଗିରୀ ଶିଶୁ ବିଦ୍ୟା ମନ୍ଦିର ପଛପଟରେ ଥିବା ପୋଖରୀ କୂଳରୁ ଏହି ଶିଶୁକନ୍ୟାକୁ ଉଦ୍ଧାର କରାଯାଇଛି।
ସୂଚନାନୁଯାୟୀ, ଖିରେଇଟାଙ୍ଗିରୀ ଗ୍ରାମର ଜଣେ ମହିଳା ପୋଖରୀକୁ ଯାଉଥିବା ସମୟରେ ଛୁଆର କାନ୍ଦ ଶୁଣି ବ୍ୟାଗ୍ ଖୋଲିଥିଲେ। ବ୍ୟାଗ୍ ଭିତରୁ ଶିଶୁକନ୍ୟାକୁ ଦେଖି ପୋଲିସକୁ ଖବର ଦେଇଥିଲେ। ଖବର ପାଇ ଘଟଣା ସ୍ଥଳରେ ତୁରୁମୁଙ୍ଗା ପୋଲିସ ପହଁଞ୍ଚି ଶିଶୁକନ୍ୟାକୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି। ଶିଶୁକନ୍ୟାର ସ୍ଵାସ୍ଥ୍ୟାବସ୍ଥା ସ୍ଥିର ଥିବା ବେଳେ ସେ ୩ ଦିନର ବୋଲି ଜଣାପଡ଼ିଛି। କେହି ଶିଶୁକନ୍ୟାକୁ ବ୍ୟାଗ୍ରେ ଭର୍ତ୍ତି କରି ସେଠାରୁ ଚାଲିଯାଇଥିବା ଜଣାପଡ଼ିଛି।
