ଭୁବନେଶ୍ଵର, ୧୩/୦୫ : ଆଣ୍ଡାମାନ ଛୁଇଁଲା ମୌସୁମୀ ବାୟୁ। ମୌସୁମୀ ଅଗ୍ରସର ହେବା ପାଇଁ ପାଗ ଅନୁକୂଳ ରହିଛି। ଦକ୍ଷିଣ ପଶ୍ଚିମ ମୌସୁମୀ ବାୟୁ ମଙ୍ଗଳବାର ଦକ୍ଷିଣ ବଙ୍ଗୋପସାଗର, ଦକ୍ଷିଣ ଆଣ୍ଡାମାନ ସାଗର, ନିକୋବର ଦୀପ, ଏବଂ ଉତ୍ତର ଆଣ୍ଡାମାନ ସାଗରର କିଛି ଅଞ୍ଚଳକୁ ପ୍ରବେଶ କରିଛି।
ସୂଚନାନୁଯାୟୀ, ଗତ ୨୪ ଘଣ୍ଟାରେ ନିକୋବର ଦୀପରେ ବିସ୍ତୃତ ବୃଷ୍ଟିପାତ ସହ କିଛି ଅଞ୍ଚଳରେ ଭାରୀ ବର୍ଷା ହୋଇଛି। ଗତ ୨ ଦିନ ଧରି ନିକୋବର ଦୀପରେ ଅଧିକାଂଶ ସ୍ଥାନରେ ବର୍ଷା ହୋଇଛି। ଦକ୍ଷିଣ ବଙ୍ଗୋପସାଗର, ନିକୋବର ଦ୍ଵୀପପୁଞ୍ଜ ଏବଂ ଆଣ୍ଡାମାନ ସାଗରର କିଛି ଅଂଶରେ ଗତ ୨ ଦିନ ମଧ୍ୟରେ ପଶ୍ଚିମା ପବନର ବେଗ ଏବଂ ବାୟୁମଣ୍ଡଳରେ ଉଚ୍ଚତା ସହ ବିସ୍ତୃତି ବୃଦ୍ଧି ପାଇଛି।
ସମୁଦ୍ର ପତ୍ତନଠାରୁ ୧.୫ କିମି ଉପରେ ପଶ୍ଚିମା ବାୟୁର ବେଗ ୨୦ ନଟରୁ ଅଧିକ ଏବଂ ଦକ୍ଷିଣ ବଙ୍ଗୋପସାଗର, ନିକୋବର ଦ୍ଵୀପପୁଞ୍ଜ ଏବଂ ଆଣ୍ଡାମାନ ସାଗରର କିଛି ଅଂଶରେ ପଶ୍ଚିମ ପବନର ବିସ୍ତୃତି ସମୁଦ୍ର ପତ୍ତନ ଠାରୁ ୪.୫ କିମି ପର୍ଯ୍ୟନ୍ତ ରହିଛି। ଗତ ୨ ଦିନ ମଧ୍ୟରେ ଉପରୋକ୍ତ ଅଞ୍ଚଳ ଉପରେ ବାୟୁମଣ୍ଡଳୀୟ ବାହ୍ୟ ବିକିରଣ ତରଙ୍ଗର ମାତ୍ରା ହ୍ରାସ ପାଇ ୨୦୦ ୱାଟ୍ ରୁ କମ୍ ରହିଛି।
ଏହି ଖବରଟିକୁ ପଢନ୍ତୁ-ମଣିପଦର ଗ୍ରାମବାସୀଙ୍କୁ ମାଟି ଚୁଆଁ ପାଣି ଭରଷା, ପାଣି ମୁନ୍ଦାଏ ପାଇଁ ଡହଳ ବିକଳ ୧୨ ପରିବାର
