ନିଆଳି,୧୬/୦୨: ନିଆଳି ଥାନାରେ ଗତ ଗୁରୁବାର ରାତିରେ ଏକ ନିଆରା ପ୍ରେମ କାହାଣୀକୁ ଚର୍ଚ୍ଚା ଜୋର ଧରିଛି । ପୁଅ,ଝିଅ ବାପା, ମାଆ ଓ ସ୍ଥାନୀୟ ଗ୍ରାମବାସୀଙ୍କୁ ନେଇଏକ ନୂଆ ପ୍ରେମ କାହାଣୀ ଦେଖିବାକୁ ମିଳିଥିଲା । ପୁଅ, ଝିଅ ପ୍ରାପ୍ତ ବୟସର ହୋଇଥିବାରୁ ପୁଲିସ ମଧ୍ୟ ହସ୍ତକ୍ଷେପ କରିବାକୁ ହାତ ଟେକି ଦେଇଥିଲା ।
ସୂଚନା ମୁତାବକ, ମିସ୍ଡ କଲରୁ ଆରମ୍ଭ ହୋଇଥିଲା ପ୍ରେମ । ନିଆଳି ଥାନା ଅଧୀନ ସଡାଂଶ ପଞ୍ଚାୟତ ଗୁଣ୍ଡର ଗ୍ରାମର ଝିଅ କୃଷ୍ଣପ୍ରସାଦ ପଞ୍ଚାୟତ ନୂଆସାତଙ୍ଗ ଗ୍ରାମର ଜଣେ ବିବାହିତ ପୁଅ ମଧ୍ୟରେ ମିସ୍ଡ୍ କଲରୁ ପ୍ରେମ ଆରମ୍ଭ ହୋଇଥିଲା । କଥାବାର୍ତ୍ତାକୁ ୭ ଦିନ ବିତି ନଥିଲା । ହେଲେ ପ୍ରେମ ଏତେ ନିବିଡ଼ ହୋଇଗଲା ଯେ ପୁଅ ଯାଇ ଝିଅକୁ ନେଇ ଆସିଲା । ହେଲେ ପୁଅର ସ୍ତ୍ରୀ ପିଲା ଥିବାରୁ ପରିବାର ଲୋକ ଏହାର ବିରୋଧ କଲେ । ଲୋକଲଜ୍ଜା ସହ ପୁଅର ମାଆ ଏହି ପ୍ରେମ ଯୁଗଳଙ୍କ ବାଟରେ ବାଧକ ସାଜିଲେ । ପରେ କଥା ଘରୁ ଯାଇ ଥାନାରେ ପହଞ୍ଚିଲା । ଘରୁ ପଳାଇ ଆସିଥିବା ପ୍ରେମିକାଙ୍କୁ ପ୍ରେମିକର ବାପା ଓ ମାଆ ଝିଅ କରି ଘରକୁ ଆଣିଲେ । ଏପରିକି ଝିଅ ନାମରେ ୩୭ ଗୁଣ୍ଠ ଜମି କରିବା ସହ ତାର ବାହାଘର ଅନ୍ୟତ୍ର କରିବେ ବୋଲି ଥାନାରେ ହାତ କାଟି ଲେଖିଦେଲେ । ପରେ ପୁଅକୁ ନିଶା ନିବାରଣ କେନ୍ଦ୍ରକୁ ପଠେଇ ଥିବା ଜଣାପଡ଼ିଛି । ଏହି ଘଟଣାକୁ ନେଇ ପୁଅର ବାପା ଓ ଝିଅର ବାପାଙ୍କ ମଧ୍ୟରେ ଶୋବେନେଶ୍ୱର ମନ୍ଦିରରେ ଶପଥ କରିବା ସହ କୋର୍ଟପେପରରେ ଲେଖା ପଢ଼ା ହୋଇଥିବା ଜଣାପଡ଼ିଛି । ଏହି ଘଟଣା ନିଆଳିରେ ଚର୍ଚ୍ଚା ଜୋର ଧରିଛି ।
