ଲଣ୍ଡନ,୩୦।୪: ବ୍ରିଟେର ରାଜଧାନୀ ଲଣ୍ଡନର ପୂର୍ବ ଭାଗରେ ତଲଓ୍ବାର ଧରି ଆତତାୟୀର ଆତଙ୍କ। ତଲଓ୍ବାରରେ ଆତତାୟୀ ସ୍ଥାନୀୟ ଲୋକଙ୍କ ସହିତ ପୋଲିସ ଉପରେ ଆକ୍ରମଣ କରିଛି। ଆତତାୟୀର ଭିଡିଓ ମଧ୍ୟ ସାମନାକୁ ଆସିଛି। ଜଣେ ବ୍ୟକ୍ତି ତଲଓ୍ବାର ହଲାଉଥିବାର ଦେଖିବାକୁ ମିଳିଛି। ପ୍ରଥମେ ଅଭିଯୁକ୍ତ ନିଜର କାରକୁ ଜଣଙ୍କ ଘର ଭିତରେ ଭର୍ତ୍ତି କରିଦେଇଥିଲ। ଏହି ଘଟଣାରେ ଅନେକ ଲୋକ ଆହତ ହୋଇଥିବାର ଖବର ମିଳିଛି। ବ୍ରିଟିସ୍ ଗଣମାଧ୍ୟମ ରିପୋର୍ଟ ଅନୁସାରେ, ଏହି ଘଟଣା ପୂର୍ବଲଣ୍ଡନର ଟ୍ୟୁବ୍ ଷ୍ଟେସନ୍ରେ ଘଟିଛି।
JUST IN
— Open Source Intel (@Osint613) April 30, 2024
MASS STABBING ATTACK REPORTED IN LONDON. pic.twitter.com/9LEaRaL6tf
ଆକ୍ରମଣକାରୀକୁ ଗିରଫ କରାଯାଇଛି। ଅଭିଯୁକ୍ତ ଗିରଫ ପୂର୍ବରୁ ସାଧାରଣ ଲୋକ ଓ ଦୁଇ ପୋଲିସ କର୍ମଚାରୀଙ୍କୁ ଆକ୍ରମଣ କରିଛି। ମେଟ୍ରୋପଲିଟାନ ପୋଲିସ ସକାଳ ୭ଟା ବେଳେ କିଛି ସମୟ ପୂର୍ବରୁ ଘଟଣା ସମ୍ପର୍କରେ ସୂଚନା ଦେଇଥିଲା।ଉଦ୍ଧକାରୀଦଳ ଆମ୍ବୁଲାନ୍ସ ସହିତ ଘଟଣାସ୍ଥଳରେ ଜରୁରୀକାଳୀନ ସେବା ଦେଉଥିବାର ଦେଖିବାକୁ ମିଳିଛନ୍ତି। ଆତତାୟୀର ଆକ୍ରମଣରେ କେତେ ଜଣ ଆହତ ହୋଇଛନ୍ତି। ଏହାକୁ ନେଇ ସ୍ଥିତି ଏବେ ସ୍ପଷ୍ଟ ହୋଇନି।