ଭୁବନେଶ୍ବର: ପ୍ରେମରେ ପରିପୂର୍ଣ୍ଣ ଏକ ଯାଦୁଗରୀ ଆଲିଙ୍ଗନ ସବୁଠାରୁ ବଡ଼ ସମସ୍ୟାର ସମାଧାନ କରିପାରେ । ଏହା କେବଳ ଚାପ କମ କରେ ନାହିଁ ବରଂ ଅନେକ ରୋଗର ଚିକିତ୍ସାରେ ମଧ୍ୟ ସହାୟକ ହୁଏ । ବିଜ୍ଞାନ ମଧ୍ୟ ବିଶ୍ୱାସ କରେ ଯେ, ଆଲିଙ୍ଗନ ଗୁଣାତ୍ମକ ମନୋଭାବକୁ ବୃଦ୍ଧି କରେ ଏବଂ ଆପଣଙ୍କୁ ଖୁସି ରଖେ । ଏବେ ପ୍ରେମ ସପ୍ତାହ ଚାଲିଥିବା ବେଳେ ଫେବ୍ରୁଆରୀ ୧୨ (ବୁଧବାର) ଆଲିଙ୍ଗନ ଦିବସ ବା ହଗ୍ ଡେ’ । ଆସନ୍ତୁ ଏହି ଆଲିଙ୍ଗନ ଦିବସରେ ଜାଣିବା କିପରି ଆଲିଙ୍ଗନ କରି ଆପଣ ମାନସିକ ଏବଂ ଶାରୀରିକ ଭାବରେ ଖୁସି ରହିପାରିବେ ।
ଆଲିଙ୍ଗନ ଏବଂ ପ୍ରେମ ମଧ୍ୟରେ କ’ଣ ସମ୍ପର୍କ ?
ଆଲିଙ୍ଗନ ‘ଲଭ୍ ହରମୋନ’ ଅକ୍ସିଟୋସିନ ରିଲିଜ୍ କରେ । ଏହା ସାମାଜିକ ସମ୍ପର୍କ, ବିଶ୍ୱାସ, ପ୍ରେମ ଏବଂ ସହାନୁଭୂତି ବୃଦ୍ଧି କରେ। ମେଡିସିନ୍ ନେଟ୍ର ଗବେଷଣା ଅନୁଯାୟୀ, ଆଲିଙ୍ଗନ ନିଃସଙ୍ଗତା ଦୂର କରେ ଏବଂ ଚାପ ହ୍ରାସ କରେ । ଏହା ବିଭିନ୍ନ ପ୍ରକାର ହାପି ବା ଖୁସି ହରମୋନ ରିଲିଜ୍ କରେ ।
ଡୋପାମାଇନ୍ - ଆପଣଙ୍କୁ ଖୁସି ଏବଂ ସନ୍ତୁଷ୍ଟ ଅନୁଭବ କରାଏ।
ସେରୋଟୋନିନ୍ - ମନୋଭାବ ଉନ୍ନତ କରେ ଏବଂ ଚିନ୍ତା ହ୍ରାସ କରେ।
ଅକ୍ସିଟୋସିନ୍ - ଚାପ ହ୍ରାସ କରି ହୃଦୟ ସ୍ୱାସ୍ଥ୍ୟକୁ ଉନ୍ନତ କରେ । ଅକ୍ସିଟୋସିନ୍ ଓଜନ ନିୟନ୍ତ୍ରଣ, ରକ୍ତଚାପ ସନ୍ତୁଳନ ଏବଂ ରୋଗ ପ୍ରତିରୋଧକ ଶକ୍ତିକୁ ସୁଦୃଢ଼ କରିବାରେ ମଧ୍ୟ ସହାୟକ ।
ସ୍ୱାସ୍ଥ୍ୟ ଉପରେ ଆଲିଙ୍ଗନର ପ୍ରଭାବ
ଆଲିଙ୍ଗନ ଏଣ୍ଡୋର୍ଫିନ୍ର କ୍ଷରଣ କରେ, ଯାହାକୁ ‘ନ୍ୟାଚୁରାଲ୍ ମୁଡ ଏନହାନ୍ସର’ ବୋଲି କୁହାଯାଏ । ଏହା ଶରୀରକୁ ଶାନ୍ତ ରଖିବାରେ ସାହାଯ୍ୟ କରେ । ଆଲିଙ୍ଗନ ଅକ୍ସିଟୋସିନ୍ ରିଲିଜ୍ କରେ, ଯାହା ଚାପ ହରମୋନ କର୍ଟିସୋଲକୁ ହ୍ରାସ କରେ । ଏହା ଦୀର୍ଘକାଳୀନ ଚାପକୁ ମଧ୍ୟ ହ୍ରାସ କରେ । ମେଡିସିନ୍ ନେଟ୍ର ଗବେଷଣା ଅନୁଯାୟୀ, ଆଲିଙ୍ଗନ ଏକ ସକାରାତ୍ମକ ଶାରୀରିକ କ୍ରିୟା । ରୋଗ ପ୍ରତିରୋଧକ ଶକ୍ତିକୁ ସୁଦୃଢ଼ କରେ। ଆଲିଙ୍ଗନ ରକ୍ତଚାପ ନିୟନ୍ତ୍ରଣ କରିବାରେ ସାହାଯ୍ୟ କରେ ଏବଂ ହୃଦସ୍ପନ୍ଦନକୁ ନିୟନ୍ତ୍ରଣ କରେ, ଏହା ଦ୍ବାରା ହୃଦୟ ସ୍ୱାସ୍ଥ୍ୟରେ ଉନ୍ନତ୍ତି ଆସେ ।
ମାନସିକ ସ୍ୱାସ୍ଥ୍ୟରେ ଆଲିଙ୍ଗନର ପ୍ରଭାବ
ଆଲିଙ୍ଗନ ଏଣ୍ଡୋରଫିନ୍ ମୁକ୍ତ କରେ । ଏହା ମଧ୍ୟ ନ୍ୟାଚୁରାଲ ମୁଡ୍ ଏନହାନ୍ସର ଭାବେ ଜଣାଯାଏ । ଏହା ଖୁସି ବୃଦ୍ଧି କରେ ଏବଂ ଆପଣଙ୍କୁ ଭଲ ଅନୁଭବ କରାଏ । ଆଲିଙ୍ଗନ ଭାବପ୍ରବଣତାକୁ ସନ୍ତୁଳିତ କରିବା ସହ ଚିନ୍ତା ଏବଂ ଅବସାଦକୁ ହ୍ରାସ କରିବାରେ ସାହାଯ୍ୟ କରେ । ଏହା ମାନସିକ ସନ୍ତୁଳନ ବଜାୟ ରଖିବାରେ ସାହାଯ୍ୟ କରେ । ଆଲିଙ୍ଗନ ପ୍ରେମ, ସହାନୁଭୂତି ଏବଂ ବିଶ୍ୱାସ ପ୍ରକଟ କରିବାର ଏକ ପ୍ରଭାବଶାଳୀ ଉପାୟ । ଏହା ସମ୍ପର୍କକୁ ଗଭୀର କରେ ଏବଂ ଭଲ ମାନସିକ ସ୍ୱାସ୍ଥ୍ୟକୁ ପ୍ରୋତ୍ସାହିତ କରେ ।"ମଦର ଅଫ୍ ଫ୍ୟାମିଲି ଥେରାପି",ଅନୁସାରେ, ମାନସିକ ଭାବରେ ସୁସ୍ଥ ରହିବା ପାଇଁ ଦିନକୁ ୮ ଥର ଏବଂ ଭଲ ସ୍ୱାସ୍ଥ୍ୟ ପାଇଁ ଦିନକୁ ୧୨ ଥର ଆଲିଙ୍ଗନ ଆବଶ୍ୟକ ।
