ବେଙ୍ଗାଲୁରୁ, ୨୯/୯: ଆଗାମୀ  ଆଇପିଏଲ୍‌ ପାଇଁ ବିସିସିଆଇ ଏକ ଐତିହାସିକ  ପଦକ୍ଷେପ ନେଇଛି । ଆଇପିଏଲ୍‌ରେ ମଧ୍ୟ  ଖେଳାଳିମାନଙ୍କୁ ମ୍ୟାଚ୍‌ ପାଉଣା ଦେବା ପାଇଁ  ବିସିସିଆଇ ନିଷ୍ପତ୍ତି ନେଇଛି । ଆଇପିଏଲ୍‌ରେ  ମ୍ୟାଚ୍‌ ପିଛା ଖେଳାଳିଙ୍କୁ ୭.୫ଲକ୍ଷ ଟଙ୍କା ପ୍ରଦାନ  କରାଯିବ ବୋଲି ଆଜି ସମ୍ପାଦକ ଜୟ ଶାହ  ପ୍ରକାଶ କରିଛନ୍ତି । ଅର୍ଥାତ ଜଣେ ଖେଳାଳି  ସିଜନର ସମସ୍ତ ଲିଗ୍‌ ମ୍ୟାଚ୍‌ ଖେଳିଲେ  ବିସିସିଆଇ ଠାରୁ ମ୍ୟାଚ୍‌ ପାଉଣା ଭାବେ ୧.୦୫  କୋଟି ଟଙ୍କା ପାଇ ପାରିବେ ।  ଆଇପିଏଲ୍‌ରେ ଖେଳାଳିମାନେ  ଫ୍ରାଞ୍ଚାଇଜମାନଙ୍କ ଠାରୁ କେବଳ ଚୁକ୍ତି ବାବଦର  ଅର୍ଥ, ପ୍ଲେୟାର ଅଫ ଦ ମ୍ୟାଚ୍‌ ଓ ଅନ୍ୟାନ୍ୟ  ପୁରସ୍କାର ରାଶି ପାଉଥିଲେ । ଏଣିକି ଫ୍ରାଞ୍ଚାଇଜ୍‌ଙ୍କ  ଠାରୁ ଚୁକ୍ତି ଅର୍ଥ ସମେତ ବିସିସିଆଇ  ଠାରୁ ଅତିରିକ୍ତ ମ୍ୟାଚ୍‌ ପାଉଣା ହାସଲ  କରିପାରିବେ । ଆଇପିଏଲ୍‌ ଆରମ୍ଭ ହେବା  ପୂର୍ବରୁ ବିସିସିଆଇ ପ୍ରତ୍ୟେକ ଫ୍ରାଞ୍ଚାଇଜ୍‌କୁ  ଖେଳାଳିଙ୍କ ମ୍ୟାଚ ପାଉଣା ବାବଦରେ  ଆଗୁଆ ୧୨.୬୦କୋଟି ଟଙ୍କା ପ୍ରଦାନ କରିବ ।