ଭୁବନେଶ୍ବର, ୨୯।୯ : ରାଜ୍ୟ ସରକାର ଆଇପିଏସ ସ୍ତରରେ ବଡ ଧରଣର ଅଦଳବଦଳ କରିଛନ୍ତି।  ଭୁବନେଶ୍ବର –କଟକ ଟ୍ବିନ ସିଟି କମିଶନରେଟ ପୋଲିସ କମିଶନର ବଦଳିଛନ୍ତି। ଟ୍ବିନ ସିଟି ପୋଲିସ କମିଶନର ସଞ୍ଜିବ ପଣ୍ଡାଙ୍କୁ ବଦଳି କରାଯାଇଛି। ତାଙ୍କ ସ୍ଥାନରେ ସୁରେଶ ଦେବ ଦତ୍ତ ସିଂହଙ୍କୁ  ଟ୍ବିନ ସିଟି ପୋଲିସ କମିଶନର ଭାବେ ଦାୟିତ୍ବ ଦିଆଯାଇଛି। ସେହିପରି ସଞ୍ଜିବ ପଣ୍ଡାଙ୍କୁ ଏଡିଜି ଟ୍ରେନିଂ ଏବଂ ବିଜୁ ପଟ୍ଟନାୟକ ରାଜ୍ୟ ପୁଲିସ ଟ୍ରେନିଂ ଏକାଡେମୀକୁ ନିର୍ଦ୍ଦେଶକ ଭାବେ ବଦଳି  କରାଯାଇଛି। ସେହିପରି ଉମାଶଙ୍କର ଦାସଙ୍କୁ ଟ୍ବିନସିଟି ଅତିରିକ୍ତ ପୋଲିସ କମିଶନର ଭାବେ ଦାୟିତ୍ବ ଦିଆଯାଇଛି।

ସେହିପରି ଗୁଇନ୍ଦା ନିର୍ଦ୍ଦେଶକ ସୌମେନ୍ଦ୍ର ପ୍ରିୟଦର୍ଶୀଙ୍କୁ ମଧ୍ୟ ରାଜ୍ୟ ସରକାର ବଦଳି କରିଛନ୍ତି। ତାଙ୍କୁ ଏଡିଜିପି ଆଧୁନିକୀକରଣ ଦାୟିତ୍ୱ  ମିଳିଛି। ସୌମେନ୍ଦ୍ର ପ୍ରିୟଦର୍ଶୀଙ୍କ ସ୍ଥାନରେ ଆର୍‌. ପି କୋଚେଙ୍କୁ ଗୁଇନ୍ଦା ନିର୍ଦେଶକ କରାଯାଇଛି। ସେହିପରି ଏ.କେ ରାୟଙ୍କୁ ଜେଲ୍‌ ବିଭାଗ ଡିଜି,  ଏସ୍‌.ଏମ୍‌ ନରୱଣେଙ୍କୁ  ପ୍ରିଣ୍ଟିଂ ଷ୍ଟେସନାରୀ ଓ ପବ୍ଲିକେସନ୍‌ ନିର୍ଦ୍ଦେଶକ,  ବିନୟତୋଷ ମିଶ୍ରଙ୍କୁ  ସିଆଇଡି-ସିବି ଏଡିଜି, ରାଧାକିଷନ ଶର୍ମାଙ୍କୁ ଗୃହ ବିଭାଗ ସ୍ବତନ୍ତ୍ର ସଚିବ,  ସନ୍ତୋଷ ବାଲା ହେଲେ ଏସ୍‌ସିଆରବି  ଏସ୍‌ଏଫ୍‌ଏସ୍‌ଏଲ ନିର୍ଦ୍ଦେଶକ ଦାୟିତ୍ୱ ଦିଆଯାଇଛି। 

ଅରୁଣ ବୋଥ୍ରା ରେଲୱେ ଓ ସୀମା ସୁରକ୍ଷା ଏଡିଜି,  ଦୟାଲ ଗଙ୍ଗୱାର ପୋଲିସ ମୁଖ୍ୟାଳୟ ଏଡିଜିପି,  ରାଜେଶ କୁମାର ସାପ୍ ଏଡିଜିପି, ଏସ୍‌ ସାଇନି CAW&CWର ଆଇଜି ହେଲେ ନିଯୁକ୍ତ କରାଯାଇଛି। ସଞ୍ଜୟ କୌଶଲଙ୍କୁ ଭିଜିଲାନ୍ସ  ଆଇଜି, ଦୀପକ କୁମାର ହେଲେ ଅଗ୍ନିଶମ ଓ ହୋମଗାର୍ଡ  ଆଇଜି,  ଜୟନାରାୟଣ ପଙ୍କଜ ହେଲେ ଆଇଜି ଅପରେସନ, ଅନୁପ ସାହୁଙ୍କୁ  ବିଜୁ ପଟ୍ଟନାୟକ ରାଜ୍ୟ ପୁଲିସ ଟ୍ରେନିଂ ଏକାଡେମୀ ଆଇଜି,  ଅଭିନେଶ କୁମାର SAPର ଡିଆଇଜି ଭାବେ ଦାୟିତ୍ବ ଦିଆଯାଇଛ।

ସେହିପରି ସାର୍ଥକ ଷଡ଼ଙ୍ଗୀଙ୍କୁ ଦକ୍ଷିଣାଞ୍ଚଳ ଡିଆଇଜି,  ନୀତିଶେଖର ଦକ୍ଷିଣପଞ୍ଚିମାଞ୍ଚଳ ଡିଆଇଜି, ସତ୍ୟଜିତ ନାୟକ ପୂର୍ବାଞ୍ଚଳ ଡିଆଇଜି, ବ୍ରିଜେଶ ରାୟ ପଞ୍ଚିମାଞ୍ଚଳ ଡିଆଇଜି, ଚରଣସିଂହ ମୀନା ହେଲେ କେନ୍ଦ୍ରାଞ୍ଚଳ ଡିଆଇଜି ଭାବେ ନିଯୁକ୍ତ ହୋଇଛନ୍ତି। 

ପ୍ରକାଶ ଆର୍‌ କ୍ରାଇମବ୍ରାଞ୍ଚ୍‌ ଡିଆଇଜି,  ଅଖିଳେଶ୍ବର ସିଂହ ଡିଆଇଜି ଅପରେସନ,  ପାରୁଲ ଗୁପ୍ତାଙ୍କୁ ଡିଆଇଜି କମ୍ପ୍ୟୁଟର ଭାବେ  ଅବସ୍ଥାପିତ କରାଯାଇଛି।