ନୂଆଦିଲ୍ଲୀ,୧୭/୦୧: ଫେବ୍ରୁଆରୀ ପ୍ରଥମ ଭାଗରେ ପ୍ୟାରିସ୍ରେ ହେବାକୁ ଯାଉଛି ଆର୍ଟିଫିସିଆଲ ଇଣ୍ଟେଲିଜେନ୍ସ(ଏଆଇ) ସମିଟ୍ । ଫ୍ରାନ୍ସ ପକ୍ଷରୁ ଆୟୋଜିତ ଏହି ସମ୍ମିଳନୀରେ ସହ-ଅଧ୍ୟକ୍ଷତା କରିବ ଭାରତ । ଫ୍ରାନ୍ସ ମନ୍ତ୍ରୀ କ୍ଲାରା ଚପାଜ ବୁଧବାର ଏ ସୂଚନା ଦେଇଛନ୍ତି । ‘ସମିଟ୍ ଫର୍ ଆକ୍ସନ ଅନ୍ ଆର୍ଟିଫିସିଆଲ ଇଣ୍ଟେଲିଜେନ୍ସ’ ଶୀର୍ଷକ ଏହି କାର୍ଯ୍ୟକ୍ରମରେ ବିଶ୍ୱ ନେତୃବୃନ୍ଦ ଏକତ୍ର ହୋଇ ଏଆଇ ଉପରେ ଆଲୋଚନା କରିବେ ।
ଗତ ସପ୍ତାହରେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରନ ଘୋଷଣା କରିଥିଲେ ଯେ, ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫ୍ରାନ୍ସ ଗସ୍ତ କରିବେ ଏବଂ ଫେବ୍ରୁଆରୀ ୧୦ ଓ ୧୧ରେ ଆୟୋଜିତ ହେଉଥିବା ଏଆଇ ସମିଟ୍ରେ ଯୋଗ ଦେବେ ।
