ନୂଆଦିଲ୍ଲୀ,୧୦।୬: ଭାରତ ପୂର୍ବରୁ ବ୍ରିଟେନ ସହିତ ମୁକ୍ତ ବାଣିଜ୍ୟ ଚୁକ୍ତିନାମା କରିଥିଲା। ଏବେ ଚାରୋଟି ୟୁରୋପୀୟ ଦେଶ ସହିତ ଫ୍ରି ଟ୍ରେଡ୍ ଏଗ୍ରିମେଣ୍ଟକୁ ଅନୁମୋଦନ କରିଛି। ମୁକ୍ତ ବାଣିଜ୍ୟ ଚୁକ୍ତି ସ୍ୱାକ୍ଷରିତ ଦେଶ ମଧ୍ୟରେ ସ୍ୱିଜରଲ୍ୟାଣ୍ଡ, ନରୱେ, ଆଇସଲ୍ୟାଣ୍ଡ ଏବଂ ଲିଚଟେଷ୍ଟାଇନ୍ ଅନ୍ତର୍ଭୁକ୍ତ। ଏହାଦ୍ବାରା କଷ୍ଟମ୍ ଡ୍ୟୁଟି ନଲାଗିବା ଫଳରେ ଅନେକ ସାମଗ୍ରୀ ଶସ୍ତା ହେବାର ଆଶା କରାଯାଉଛି।
ବ୍ରିଟେନ୍ ପରେ ଏବେ ୪ ୟୁରୋପୀୟ ଦେଶ ସହ ଭାରତ ମୁକ୍ତ ବାଣିଜ୍ୟ ଚୁକ୍ତିନାମା। ଏହାଦ୍ବାରା ସୀମା ଶୁଳ୍କ ହଟିଯିବ। ଫଳରେ ସ୍ୱିସ୍ ଘଣ୍ଟା ଏବଂ ଚକୋଲେଟ୍ ଭଳି ଜିନିଷ ଶସ୍ତା ହୋଇଯିବ। ଏହା ସେପ୍ଟେମ୍ବର ମାସରୁ ସ୍ୱିଜରଲ୍ୟାଣ୍ଡ ଏବଂ ଅନ୍ୟ ଚାରୋଟି ୟୁରୋପୀୟ ଦେଶ ସହିତ କାର୍ଯ୍ୟକାରୀ ହେବ। ବର୍ତ୍ତମାନ, ଭାରତ ସ୍ୱିସ୍ ଚକୋଲେଟ୍ ଉପରେ ୩୦ ପ୍ରତିଶତ ଆମଦାନୀ ଶୁଳ୍କ ଆଦାୟ କରୁଛି। ଏହି ଏଗ୍ରିମେଣ୍ଟର ସବୁଠାରୁ ଅଧିକ ଲାଭ ହାଇଆଣ୍ଡ ଟେକ୍ନୋଲୋଜିକୁ ମିଳିପାରେ । ଏହି ଚୁକ୍ତିନାମା ମାଧ୍ୟମରେ, ଚାରୋଟି ୟୁରୋପୀୟ ଦେଶରୁ ଭାରତକୁ ୧୦୦ ବିଲିୟନ ଡଲାରରୁ ଅଧିକ ନିବେଶ ଆସିପାରିବ। ତା ଛଡା ଔଷଧ କମ୍ପାନୀଗୁଡ଼ିକରେ ମଧ୍ୟ ବଡ଼ ନିବେଶ ଆସିପାରେ ବୋଲି ବିଶ୍ୱାସ କରାଯାଉଛି।
ୟୁରୋପର ଏହି ୪ ଦେଶର ସହ ଏଗ୍ରିମେଣ୍ଟ ପରେ ୯୦% କଷ୍ଟମ ଡ୍ୟୁଟି ହଟିଯିବ। ଏହାର ସବୁଠାରୁ ବଡ଼ ସୁବିଧା ମଧ୍ୟରୁ ଗୋଟିଏ ହେବ ଯେ ଭାରତ ସେହି ଦେଶଗୁଡ଼ିକ ପାଇଁ ବଜାରରେ ନିବେଶ କରିବା ପାଇଁ ଏକ ବଡ଼ ସୁଯୋଗ ହେବ। ତେବେ ଏହି ଚୁକ୍ତିରେ କୃଷକଙ୍କ ଲାଭକୁ ବିଶେଷ ଭାବରେ ଧ୍ୟାନରେ ରଖାଯାଇଛି। ଫ୍ରି ଟ୍ରେଡ୍ ଏଗ୍ରିମେଣ୍ଟ ପରେ ଦେଶ ଦେଶ ଭିତରେ ହେଉଥିବା ବାଣିଜ୍ୟ ଆହୁରି ସହଜ ହେବ।
