ନୂଆଦିଲ୍ଲୀ –ମହାକୁମ୍ଭରେ ମାଘ ପୂର୍ଣ୍ଣିମା ପରେ ମଧ୍ୟ ସ୍ନାନ ପାଇଁ ଲୋକଙ୍କ ଭିଡ଼ ଲଗାତାର ବଢିବାରେ ଲାଗିଛି। ମାଘର ପ୍ରମୁଖ ସ୍ନାନ ଗୁଡ଼ିକ ଭଳି ଭିଡ଼ ଏବେ ପ୍ରତିଦିନ ନଜର ଆସୁଛି। ଅଲଗା ଅଲଗା ଜିଲ୍ଲାରୁ ମେଳା ଅଞ୍ଚଳରେ ଦାୟିତ୍ୱରେ ଥିବା ଅଫିସରଙ୍କ ମୁତୟନକୁ ମଧ୍ୟ ବଢାଇ ଦିଆଯାଇଛି। ଅଧିକାଂଶ ଅଫିସରଙ୍କୁ ୧୫ ଫେବ୍ରୁଆରୀ ଯାଏ ଏଠାକୁ ପଠାଯାଇ ଥିଲା। ଏବେ ଏହି ଅଫିସର ୨୭ ଫେବ୍ରୁଆରୀ ଯାଏ ଏଠାରେ ମୁତୟନ ରହିବେ। ଏହି ଯୋଗୁଁ ପ୍ରମୁଖ ସଚିବଙ୍କ ପକ୍ଷରୁ ଆଦେଶ ଜାରି ହୋଇଛି।
ପ୍ରଶାସନ ପକ୍ଷରୁ ମୌନି ଅମବାସ୍ୟାରେ ଦଳାଚକଟା ପରେ ୨୯ ଜାନୁଆରୀରୁ ୧୫ ଫେବ୍ରୁଆରୀ ଯାଏ ,କାନପୁର ନଗରର ଅତିରିକ୍ତ ଜିଲ୍ଲା ଅଧିକାରୀ ଆଶୁତୋଷ କୁମାର ଦୁବେ , ହରଦୋଇର ଅତିରିକ୍ତ ଜିଲ୍ଲା ଅଧିକାରୀ ନ୍ୟାୟିକ ପ୍ରଫୁଲ୍ଲ କୁମାର ତ୍ରିପାଠୀ , ବସ୍ତିର ଅତିରିକ୍ତ ଜିଲ୍ଲାଅଧିକାରୀ ପ୍ରତିପାଲ ଚୌହାନ ଓ ଯୁବ କଲ୍ୟାଣ ନିର୍ଦ୍ଦେଶାଳୟରେ ସଂଯୁକ୍ତ ନିର୍ଦ୍ଦେଶକ ଅଶୋକ କୁମାର କନ୍ନୌଜିଆଙ୍କୁ ମୁତୟନ କରାଯାଇ ଥିଲା। ଏବେ ଏହି ୪ଜଣ ଅଫିସର ୨୭ ଫେବ୍ରୁଆରୀ ଯାଏ ଏଠାରେ ମୁତୟନ ରହିବେ।
ମହାକୁମ୍ଭ ଆସିବାର କ୍ରେଜ୍ କେମିତି ଲୋକଙ୍କ ମଧ୍ୟରେ ବଢି ଚାଲିଛି, ଏହାର ଉଦାହରଣ ନୂଆଦିଲ୍ଲୀ ରେଲୱେ ଷ୍ଟେସନରେ ଶନିବାର ରାତିରେ ମଧ୍ୟ ଦେଖିବାକୁ ମିଳିଛି। ମହାକୁମ୍ଭ ଆସିବା ପାଇଁ ଏଠାରେ ଖୁବ୍ ଭିଡ଼ କାରଣରୁ ଚଳଚକଟା ହୋଇ ଥିଲା ଏବଂ ୧୫ଜଣ ଲୋକଙ୍କ ଜୀବନ ଚାଲି ଯାଇଛି। ନୂଆ ଦିଲ୍ଲୀ ଭଳି ସ୍ଥିତି ୟୁପିର ଷ୍ଟେସନରୁ ନେଇ ବିହାର ଓ ଝାଡ଼ଖଣ୍ଡର ଷ୍ଟେସନରେ ଦେଖିବାକୁ ମିଳୁଛି। ସଡ଼କ ମାର୍ଗରୁ ମଧ୍ୟ ଲଗାତାର ଲୋକଙ୍କ ମହାକୁମ୍ଭକୁ ଆସିବା ଜାରି ରହିଛି।
