ନୂଆଦିଲ୍ଲୀ, ୨୯/୯ : ହ୍ବାଟ୍ସଅପ ଏକ ଲୋକପ୍ରିୟ ମେସେଜିଂ ଆପ୍ ଅଟେ । ଏହାର ବ୍ୟବହାର ଭାରତରେ କୋଟି କୋଟି ଲୋକ କରିଥାନ୍ତି । ନିକଟରେ ସାଇବର ଠକମାନେ ଏହି ପ୍ଲାଟଫର୍ମର ବ୍ୟବହାର କରି କେତେକ ଲୋକଙ୍କ ଆକାଉଣ୍ଟକୁ ଖାଲି କରି ଦେଇଥିଲେ । ଏଭଳି ସ୍ଥଳେ ଯେତେବେ‌ଳେ ହରିୟାଣାର ଗୁରୁଗ୍ରାମ ପୋଲିସ ହ୍ବାଟ୍ସଅପକୁ ସୂଚନା ମାଗିଥିଲା ତ ସେ ଦେଇନଥିଲା । ଏହାପରେ ଗୁରୁଗ୍ରାମ ପୋଲିସ ସୂଚନା ନ ଦେବାକୁ ନେଇ ହ୍ବାଟ୍ସଅପ ନିର୍ଦେଶକ ଏବଂ ନୋଡାଲ ଅଧିକାରୀଙ୍କ ଉପରେ ମାମଲା ରୁଜୁ କରିଛି ।

ପୋଲିସ ସୂଚନା ଅନୁସାରେ ଏକ ସମ୍ବେଦନଶୀଳ ମାମଲାର ଯାଞ୍ଚ ସମୟରେ ଗୁରୁଗ୍ରାମ ପୋଲିସ ୧୭ଜୁଲାରେ ହ୍ବାଟ୍ସଅପର ଇମେଲ ମାଧ୍ୟମରେ ନୋଟିସ ପଠାଇଥିଲେ ଏବଂ ସୂଚନା ମାଗିଥିଲେ । ଇଷ୍ଟେଟ ମେସେଜିଂ ଆପ ବି କୌଣସି ସୂଚନା ଦେଇନଥିଲା ଏବଂ ଅବୈଧ ଭାବେ ଆପତ୍ତି କରିଛନ୍ତି ।

୨୫ଜୁଲାଇରେ ପୁଣି ଥରେ ସମ୍ପୂର୍ଣ୍ଣ ବିବରଣୀ ମୋବାଇଲ ନମ୍ବରର ଜରୁରୀ ସୂଚନା ମଗାଯାଇଥିଲା । ଏହାପରେ ୨୮ଅଗଷ୍ଟ ପର୍ଯ୍ୟନ୍ତ ମେଟାର ଏହି ଆପ୍‌ ପୋଲିସକୁ କୌଣସି ସୂଚନା ଦେଇନଥିଲା । କେତେକ ଥର ଅନୁରୋଧ କରିବା ପରେ ବି ହ୍ବାଟ୍ସଅପ ତରଫରୁ ପୋଲିସକୁ କୌଣସି ସୂଚନା ଦିଆଯାଇନାହିଁ । ଏହାପରେ ପୋଲିସ ଶନିବାର ଗୁରୁଗ୍ରାମର ସାଇବର କ୍ରାଇମ ଇଷ୍ଟ ପୋଲିସ ଷ୍ଟେଶନରେ ହ୍ବାଟ୍ସଅପର ନିର୍ଦେଶକ ଏବଂ ନୋଡାଲ ଅଧିକାରୀଙ୍କ ବିପକ୍ଷରେ ଧାରା ୨୨୩(ଏ), ୨୪୧, ୨୪୯(ସି), ବିଏନଏସ ଏବଂ ସୂଚନା ଅଧିନିୟମ ଅନୁସାରେ ମାମଲା ରୁଜୁ କରାଯାଇଛି ।

ପୋଲିସ କହିଛି କି ଦେଶରେ ବର୍ତ୍ତମାନର ଆଇନ ମାଧ୍ୟମରେ ହ୍ବାଟ୍ସଅପ ଜରୁରୀ ସୂଚନା ଦେବା ଲାଗି ଆଇନଗତ ଭାବେ ବାଧ୍ୟ ହେବା ପରେ ବି ହ୍ବାଟ୍ସଅପ ମ୍ୟାନେଜମେଣ୍ଟ ସୂଚନା ଦେଇନଥିଲା ଏବଂ ଆଇନଗତ ନିର୍ଦେଶର ଉଲ୍ଲଂଘନ କରିଛି ।