ନୂଆଦିଲ୍ଲୀ,୦୩/୦୩: ଅନେକ ସମୟରେ ଦେଖିବାକୁ ମିଳେ କିଛି ବ୍ୟକ୍ତି ୨୪ ଘଣ୍ଟାରୁ ଅତିବେଶୀରେ ୧୨ ଘଣ୍ଟା ହାତରେ ଫୋନ୍ ଧରିଥାନ୍ତି । ଘଣ୍ଟା ଘଣ୍ଟା ଧରି ଫୋନ ଟିପୁଥିବେ । ତା ସହ କାନରେ ହେଡଫୋନ୍ , ଇଅରଫୋନ୍ ଓ ଇଅରପ୍ଲଗ ଲଗାଇଥାନ୍ତି । ଏମିତି କରୁଥିଲେ ହୋଇଯାଆନ୍ତୁ ସାବଧାନ । ଏପରି କରିବା ଦ୍ବାରା ହରାଇପାରନ୍ତି ଶ୍ରବଣଶକ୍ତି । ବଧିର କରିଦେବ ଇଅରଫୋନ୍ । ଏ ନେଇ ସତର୍କତା ଜାରି କରିଛି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ।
ଜାରି ହୋଇଥିବା ଗାଇଡଲାଇନ ଅନୁସାରେ, ହେଡଫୋନର ଭଲ୍ୟୁମ ୫୦ ଡେସିବଲରୁ ଅଧିକ ହେବା ଉଚିତ୍ ନୁହେଁ । ଶୁଣିବା ସମୟ ବି ୨ ଘଣ୍ଟାରୁ ଅଧିକ ହେବା କଥା ନୁହେଁ । କମ୍ ଭଲ୍ୟୁମର ଅଡିଓ କିମ୍ବା ପ୍ରଦୂଷଣ ମୁକ୍ତ ହେଡଫୋନ୍ ବ୍ୟବହାର କରିବାକୁ ପରାମର୍ଶ ଦିଆଯାଇଛି । ହାଇ ଭଲ୍ୟୁମରେ ଶୁଣିଲେ 'ଟାଇନିଟସ୍' ବା କାନରେ ସବୁବେଳେ ଗୁଣୁଗୁଣ ଶଦ୍ଦ ଶୁଭିବା ଭଳି ସମସ୍ୟା ଦେଖାଦେଇପାରେ । ଏହି ସମସ୍ୟା ସହ ଅବସାଦ ସମେତ ମାନସିକ ସମସ୍ୟା ଦେଖା ଦେବାର ଆଶଙ୍କା ରହିଛି ।
ଟେକ୍ନୋଲୋଜି ଆଗଉଛି । ଯୁବପିଢିଙ୍କ ମଧ୍ୟରେ ଅଡିଓ ଡିଭାଇସର ଆଦୃତ ବଢିବାରେ ଲାଗିଛି । ହେଲେ ଏହା ମାତ୍ରାଧିକ ବ୍ୟବହାର କ୍ଷତି ପହଞ୍ଚାଇପାରେ । ଅତ୍ୟଧିକ ଇଅରଫୋନ୍ ବ୍ୟବହାର କରିବା ଦ୍ବାରା ଶ୍ରବଣ ଶକ୍ତି କମି ଯାଇପାରେ । ଏହାକୁ ଗୁରୁତର ସହ ନେଇ ସ୍ବାସ୍ଥ୍ୟ ମନ୍ତ୍ରଣାଳୟ ନିର୍ଦ୍ଦେଶନାମା ଜାରି କରିଛି ।
-ଆବଶ୍ୟକ ନଥିଲେ ନର୍ମାଲ ଭଲ୍ୟୁମର ଇଅରଫୋନ ଓ ହେଡଫୋନ୍ ବ୍ୟବହାର କରନ୍ତୁ ।
- ଯେତେ ସମ୍ଭବ କମ ଭଲ୍ୟୁମର ଇଅରଫୋନ୍ ୟୁସ କରନ୍ତୁ । ଭଲ୍ୟୁମ୍ ୫୦ ଡେସିବେଲ ଭିତରେ ରହିବା ଦରକାର ।
-୨ ଘଣ୍ଟାରୁ ଅଧିକ ସମୟ କାନରେ ଲଗାନ୍ତୁ ନାହିଁ ।
-ପିଲାଙ୍କୁ ଅନଲାଇନ ଗେମ୍ ସେଥିରେ ବ୍ୟବହାର ହେଉଥିବା ଲାଇଡ୍ ଇମ୍ପଲସିବ ସାଉଣ୍ଡରୁ ଦୂରେଇ ରଖନ୍ତୁ ।
- ନଏଜ କ୍ୟାନସଲିଙ୍ଗ ହେଡଫୋନ୍ ଲଗାନ୍ତୁ ।
-ଇଭେଣ୍ଚ ଅର୍ଗାନାଇଜର ଭେନ୍ୟୁରେ ସାଉଣ୍ଡ ଲେଭଲ ୧୦୦ ଡେସିବେଲରୁ କମ୍ ରଖନ୍ତୁ ।
