ନୂଆଦିଲ୍ଲୀ,୨୯/୦୪: ସୁଧୁରିବନି ପାକିସ୍ତାନ । ସୀମାରେ ଅମାନିଆ ହୋଇ ମନ୍ମାନି ଚଲାଇଛି ପାକ୍ ସେନା । ପହଲଗାମ ଆତଙ୍କୀ ଆକ୍ରମଣ ପରଠୁ ସୀମାରେ ଉତ୍ତେଜନା ଲାଗି ରହିଛି । ବାରମ୍ବାର ଅସ୍ତ୍ରବିରତି ଉଲ୍ଲଘଂନ କରିଛି ପାକ୍ ଗୁଳିମାଡ କରୁଛି । ଆଜି ବି ବିଭିନ୍ନ ସ୍ଥାନରେ ପାକ୍ ସେନା ଫାୟାରିଂ କରିଛି । ଲଗାତାର ୬ ଦିନ ହେବ ଏଲଓସିରେ ଅସ୍ତ୍ରବିରତି ଉଲ୍ଲଂଘନ କରିଛି । କୁପୱାଡ଼ା, ବାରମୁଲ୍ଲା ଏବଂ ଅଖନୁର ସେକ୍ଟରରେ ଗୁଳି ବିନିମୟ ହୋଇଛି । ଯାହାର ମୁହଁତୋଡ଼ ଜବାବ ଦେଇଛି ଭାରତୀୟ ସେନା ।
During the night of 28-29 April 2025, the Pakistan Army resorted to unprovoked small arms firing across the Line of Control in areas opposite Kupwara and Baramulla districts, as well as the Akhnoor sector. The Indian Army responded in a measured and effective manner to the… pic.twitter.com/sziHqfHVWQ
— ANI (@ANI) April 29, 2025
ଭୟଙ୍କର ପହଲଗାମ ଆତଙ୍କୀ ଆକ୍ରମଣ ପରେ ଏଲଓସିରେ ଅସ୍ତ୍ରବିରତି ଉଲ୍ଲଘଂନ କରିଛି ପାକ୍ ସେନା । ଲଗାତାର ୫ଥର ପାକ୍ ସେନା ଏଲଓସିରେ ଗୁଳିମାଡ କରିଛି । ଗତକାଲି (ସୋମବାର) ରାତିରୁ ଏଲଓସିରେ ଫାୟାରିଂ କରିଛି । ଏହାପୂର୍ବରୁ ୪ଥର ଗୁଳିମାଡ କରିଥିଲା ପାକିସ୍ତାନ ସେନା । ଆଜି ବି କୁପୱାଡ଼ା, ବାରମୁଲ୍ଲା ଏବଂ ଅଖନୁର ସେକ୍ଟରରେ ଗୁଳି ବିନିମୟ ଜାରି ରହିଛି । ଭାରତୀୟ ସେନା ପକ୍ଷରୁ କଡ଼ା ଜବାବ ଦିଆଯାଇଛି । ଏବେ ସୁଦ୍ଧା କୌଣସି କ୍ଷୟକ୍ଷତିର ସୂଚନା ନଥିବା ଜଣେ ଅଧିକାରୀଙ୍କ କହିଛନ୍ତି । ଏଲଓସିରେ ଲଗାତାର ଗୁଳିମାଡ କରି ଉସକାଉଛି ପାକିସ୍ତାନ ସେନା ।
ଅଧିକ ପଢନ୍ତୁ...Pahalgam Attack; ଲଗାତାର ୪ ଥର ପାକ୍ର ଅସ୍ତ୍ରବିରତି ଉଲ୍ଲଘଂନ, LoCରେ ଫାୟାରିଂ
କହି ରଖୁଛି କି, ଗତ ୨୨ ତାରିଖରେ ଭାରତର ଭୂସ୍ୱର୍ଗ ଜମ୍ମୁ କାଶ୍ମୀରର ପହଲଗାମରେ ଭୟଙ୍କର ଆତଙ୍କୀ ଆକ୍ରମଣ ହୋଇଥିଲା । ଏହି ଆକ୍ରମଣ ଦେଶକୁ ଦୋହଲାଇ ଦେଇଥିଲା । ଏଥିରେ ୨୭ ନିରୀହ ପର୍ଯ୍ୟଟକଙ୍କର ମୃତ୍ୟୁ ହୋଇଥିଲା । ଏହାପରେ ଭାରତ ହାଇ ଆଲର୍ଟରେ ରହିଛି । ଆତଙ୍କବାଦୀଙ୍କୁ କଡ଼ା ଜବାବ୍ ଦେବାକୁ ପ୍ରସ୍ତୁତି କରୁଛି ଭାରତ । କୌଣସି ବି ମୂହୂର୍ତ୍ତରେ ଯୁଦ୍ଧ ପରିସ୍ଥିତି ଉପୁଜିପାରେ । ସେପଟେ କେନ୍ଦ୍ର ସରକାର ଘନ ଘନ ବୈଠକ କରୁଛନ୍ତି । ଗତକାଲି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ୪୦ ମିନିଟ୍ରେ ଗୁରୁତ୍ୱପୂର୍ଣ୍ଣ ବୈଠକ ହୋଇଥିଲା । ଏଥିରେ କିଛି ବଡ଼ ଯୋଜନା ହୋଇଥିବା ଅନୁମାନ କରାଯାଉଛି ।
