ବେଙ୍ଗାଲୁରୁ, ୧୭/୦୨: ବନ୍ଦ ଘରୁ ଗୋଟିଏ ପରିବାର ୪ଜଣଙ୍କ ମୃତଦେହ ଉଦ୍ଧାର ହୋଇଛି । ଜଣେ ଝୁଲନ୍ତା ଅବସ୍ଥାରେ ଅନ୍ୟ ୩ ଜଣ ତଳେ ପଡିଥିବା ଦେଖିବାକୁ ମିଳିଛି । ଏପରି ଦୁର୍ଭାଗ୍ୟନଜକ ଘଟଣା ଘଟିଛି କର୍ଣ୍ଣାଟକ ମହୀଶୂରରେ ଏକ ଆପାର୍ଟମେଣ୍ଟରୁ ଗୋଟିଏ ପରିବାରର ୪ ଜଣଙ୍କର ମୃତଦେହ ଉଦ୍ଧାର ହୋଇଛି । ପରିବାର ସଦସ୍ୟଙ୍କୁ ବିଷ ଦେଇ ଯୁବକ ଜଣଙ୍କ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।
ମହୀଶୂରର ବିଶ୍ବେଶ୍ବରାୟ ନଗରରେ ଥିବା ଏକ ଆପାର୍ଟମେଣ୍ଟରୁ ୪ ଜଣଙ୍କର ମୃତଦେହ ଉଦ୍ଧାର କରାଯାଇଛି । ମୃତକ ହେଲେ ୪୫ ବର୍ଷୀୟ ଚେତନ, ତାଙ୍କର ୧୫ ବର୍ଷୀୟ ପୁଅ କୁଶଲ, ସ୍ତ୍ରୀ ରୂପାଲି (୪୩) ଓ ବୃଦ୍ଧା ମାଆ ପ୍ରିୟମ୍ବଦା (୬୨) । ଆଜି ଭୋର ୪ଟାରୁ ଚେତନ ଆମେରିକାରେ ରହୁଥିବା ତାଙ୍କ ଭାଇ ଭରତଙ୍କୁ ଫୋନ୍ କରିଥିଲେ । ଆମେ ଆତ୍ମହତ୍ୟା କରିବାକୁ ଯାଉଥିବା କହି ଫୋନ୍ କାଟି ଦେଇଥିଲେ । ଏହାଶୁଣି ଡରିଯାଇଥିଲେ ଭରତ । ତୁରନ୍ତୁ ଚେତନଙ୍କ ଶଶ୍ବର ଘରକୁ ଫୋନ୍ କରି ଜଣାଇଥିଲେ । ଚେତନଙ୍କ ଶାଶୂ ଘଟଣାସ୍ଥଳରେ ପହଞ୍ଚିବା ପରେ ସବୁ କିଛି ସରି ଯାଇଥିଲା । ଆଖି ଆଗରେ ପଡିଥିଲା ଝିଅ, ଜ୍ବାଇଁ ନାତି ଓ ସମୁଦୁଣୀଙ୍କ ମୃତଦେହ ।
Mysore, Karnataka: Four members, Chetan (45), his wife Rupali (43), mother Priyamvadha (62) and son Kushal (15) of a family found dead in an apartment in the Vishweshwaraiah layout in Mysore. Chetan was found hanging and is suspected of dying by suicide after poisoning his…
— ANI (@ANI) February 17, 2025
ଅଧିକ ପଢନ୍ତୁ...ଶହେ ଟଙ୍କା ପାଇଁ ଗର୍ଭବତୀ ସ୍ତ୍ରୀକୁ ହତ୍ୟା କଲା ସ୍ବାମୀ
ଆତ୍ମହତ୍ୟା କରିବା ପୂର୍ବରୁ ଯୁବକ ଜଣଙ୍କ ପରିବାରକୁ ବିଷ ଦେଇ ଝୁଲିପଡିଥିବା ପାରିପାର୍ଶ୍ବିକ ସ୍ଥିତିରୁ ଅନୁମାନ କରାଯାଉଛି । ମିଳିଥିବା ପ୍ରାଥମିକ ରିପୋର୍ଟରୁ ଏହା ସନ୍ଦେହ କରାଯାଉଛି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି ହୋଇଛି । ହସଖୁସି ଭରା ପରିବାର କାହିଁକି ଏପରି ନିଷ୍ପତ୍ତି ନେଲେ ତାହା ପ୍ରଶ୍ନ ହୋଇ ରହିଛି । ମହୀଶୂର ସିଟି କମିଶନର ସୀମା ଲଟକର, ଡିସିପି ଜାହ୍ନବୀ ଏବଂ ବିଦ୍ୟାରଣ୍ୟପୁରମ ଥାନା ଇନ୍ସପେକ୍ଟର ମୋହିତ ଘଟଣାସ୍ଥଳ ପରିଦର୍ଶନ କରିଛନ୍ତି । ମୃତ୍ୟୁର ପ୍ରକୃତ କାରଣ ଜଣାପଡିନାହିଁ । ବିଦ୍ୟାରଣ୍ୟପୁରମ ଥାନା ମାମଲା ରୁଜ୍ଜୁ ହୋଇଛି ।
