ନୂଆଦିଲ୍ଲୀ : ଏଲନ ମସ୍କଙ୍କ ମାଲିକାନାରେ ଥିବା ସୋସିଆଲ ମିଡ଼ିଆ ପ୍ଲାଟଫର୍ମ 'ଏକ୍ସ' ନିଜର ଏକ ରିପୋର୍ଟକୁ କରିଛି ସାର୍ବଜନିକ। ଏଥିରେ ଦର୍ଶାଇଛି, ପ୍ଲାଟଫର୍ମ ୨୦୨୪ର ପ୍ରାରମ୍ଭିକ ୬ ମାସ ଭିତରେ ପାଖାପାଖି ୫୩ ଲକ୍ଷ ଆକାଉଣ୍ଟକୁ ବନ୍ଦ କରିଛି। ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସ ( ଟ୍ୱିଟର) ବୁଧବାର ନିଜର ଏକ ଟ୍ରାନ୍ସପାରେନ୍ସ ରିପୋର୍ଟ ଜାରି କରିଛି। କୋଟିପତି ଏଲନ ମସ୍କ ଅକ୍ଟୋବର ୨୦୨୨ରେ ସୋସିଆଲ ମିଡ଼ିଆ କମ୍ପାନୀ ଟ୍ୱିଟରର ଅଧିଗ୍ରହଣ କରିଥିଲା, ଏହାପରେ କମ୍ପାନୀର ଅନେକ ପଲିସିରେ ପରିବର୍ତ୍ତନ କରାଯାଇଛି। ଏଲନ ମସ୍କ ସିଇଓ ଥିବା ବେଳେ ଏହି ରିପୋର୍ଟ ପ୍ରଥମଥର ସାର୍ବଜନିକ କରାଯାଇଛି।
୨୦୨୪ର ପ୍ରାରମ୍ଭିକ ୬ମାସ ପାଇଁ ଜାରି କରାଯାଇଛି। ଏହି ରିପୋର୍ଟରେ ୫୩ ଲକ୍ଷ ଖାତାରେ ତାଲା ଲଗେଇବାର କଥା କୁହାଯାଇଛି, ମସ୍କଙ୍କ କମ୍ପାନୀକୁ ଅଧିଗ୍ରହଣ କରିବାର ଠିକ୍ ପୂର୍ବରୁ ଆସିଥିବା ରିପୋର୍ଟ ମୁତାବିକ ,୨୦୨୨ରେ ଏହି ସବୁ ମାସ ମଧ୍ୟରେ କେବଳ ୧୬ ଲକ୍ଷ ଆକାଉଣ୍ଟକୁ ହିଁ ବନ୍ଦ କରାଯାଇ ଥିଲା। ଏହା ବ୍ୟତୀତ କମ୍ପାନୀ ପକ୍ଷରୁ କୁହାଯାଇଛି ଯେ, ଏହି ସମୟରେ ପାଖାପାଖି ୧.୦୬ କୋଟି ପୋଷ୍ଟକୁ ମଧ୍ୟ ହଟେଇ ଦିଆଯାଇଛି।
ଉଲ୍ଲେଖନୀୟ ଯେ, ଏକ୍ସ ଆଇନ ମୁତାବିକ ପ୍ଲାଟଫର୍ମରେ ହେଉଥିବା କୌଣସି ପ୍ରକାରର ଚାଇଲ୍ଡ ଆବ୍ୟୁସର ସଂପର୍କୀତ ସୂଚନା ସରକାରଙ୍କୁ ସେୟାର କରିଥାଏ। ଏହି ଅନୁସାରେ , ସେ ୨୦୨୪ର ପ୍ରାରମ୍ଭିକ ୬ ମାସରେ ପାଖାପାଖି ୪ଲକ୍ଷ ମାମଲା ନ୍ୟାସନାଲ ସେଣ୍ଟର ଫର୍ ମିସିଂ ଆଣ୍ଡ ଏକ୍ସପ୍ଲାଇଟେଡ୍ ଚିଲଡ୍ରେନ୍କୁ କହିଛି , ଯାହାକି ଏହି ପ୍ରକାରର ପୋଷ୍ଟ ସଂପର୍କିତ ପାଖାପାଖି ୨୦ ଲକ୍ଷ ଆକାଉଣ୍ଟକୁ ବନ୍ଦ କରି ଦେଇଛି।
ଏକ୍ସ ନିଜର ରିପୋର୍ଟରେ ନିଜର ପଲିସି ବିଷୟରେ ସୂଚନା ଦେଇ କହିଛି ଯେ, ଆମର ନୀତି ଓ ସିଦ୍ଧାନ୍ତ ମାନବାଧିକାରର ସୁରକ୍ଷା ଉପରେ ଆଧାରିତ। ଆମେ ଶିକ୍ଷା , ପୁନର୍ବାସ ଓ ସମସ୍ୟାର ନିବାରଣ ଉପରେ ସ୍ୱତନ୍ତ୍ର ଧ୍ୟାନ ଦେବା ସହ ଏହାର ସମାଧାନ ଖୋଜିବାରେ ଧ୍ୟାନ ଦେଇଥାଉ। ଆମେ ଲୋକଙ୍କ ବାକ୍ ସ୍ୱାଧିନତାର ଏକ ବ୍ୟାପକ ଓ ସାମଗ୍ରିକ ଦୃଷ୍ଟିକୋଣ ଆପଣାଉଛୁ।
