ପୁରୀ,୧୦/୦୫: ଶ୍ରୀମନ୍ଦିର ଚାରି ଦ୍ୱାରରେ ସମସ୍ତ ଡିଏଫ୍ଏମ୍ଡି (ଡୋର୍ ଫ୍ରେମ୍ ମେଟାଲ୍ ଡିଟେକ୍ଟର୍) ମେସିନ୍ ଅଚଳ ହୋଇ ପଡ଼ିଛି । ସିଂହଦ୍ୱାରରେ ୫ଟି ଓ ଅନ୍ୟ ୩ ଦ୍ୱାରରେ ୩ଟି ଡିଏଫ୍ଏମ୍ଡି ନିଷ୍କ୍ରିୟ ଅବସ୍ଥାରେ ଥିବାବେଳେ ହାତ ମାରି ଯାଞ୍ଚ୍ କରୁଛି ପୁଲିସ । ଶ୍ରୀମନ୍ଦିର ଭିତରକୁ ସମସ୍ତ ପ୍ରବେଶ ପଥରେ ଏହି ମେସିନ୍ ଲାଗିଛି । ସିଂହଦ୍ୱାରରେ ଥିବା ୫ଟି ଲେନ୍ରେ ୫ଟି ଅଚଳ ମେସିନ୍ ଭିତରେ ପ୍ରବେଶ କରି ଶ୍ରୀମନ୍ଦିର ଭିତରକୁ ଯାଉଛନ୍ତି ଶ୍ରଦ୍ଧାଳୁ । ହେଲେ ଅନ୍ୟ ୩ ଦ୍ୱାର ଠାରେ ଥିବା ୩ଟି ଅଚଳ ମେସିନ୍ ପାଶ୍ୱର୍ ଦେଇ ଶ୍ରଦ୍ଧାଳୁ ପ୍ରବେଶ କରୁଥିବା ଦେଖିବାକୁ ମିଳିଛି । ମାସ ମାସ ଧରି ଏହି ଅଚଳ ମେସିନ୍ ୪ ଦ୍ୱାରରେ ଲାଗିଥିବାବେଳେ ଏହାର ମରାମତି କରାଯାଉ ନାହିଁ । କିନ୍ତୁ ଗଣମାଧ୍ୟମକୁ ତଥ୍ୟ ଦେବାବେଳେ ଏହି ମେସିନ୍ ସଚଳ ଥିବା ନେଇ ପୁଲିସ ଭୁଲ୍ ସୂଚନା ପ୍ରଦାନ କରୁଥିବା ଜଣାପଡ଼ିଛି ।
ଏହାକୁ ଖୁବ୍ଶୀଘ୍ର କାର୍ଯ୍ୟକ୍ଷମ କରାଯିବ ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି । ଏବେ ଯୁଦ୍ଧ ସମୟରେ ଶ୍ରୀମନ୍ଦିର ଭଳି ସମ୍ବେଦନଶୀଳ ସ୍ଥାନରେ ଅଘଟଣର ଆଶଙ୍କା ରହିଛି । ତେଣୁ ଅବ୍ୟବସ୍ଥାକୁ ତରନ୍ତ ଦୂର କରିବାକୁ ଦାବି ହେଉଛି ।
