ନୂଆଦିଲ୍ଲୀ,୮।୪: ପୁଣି ଅଜା ହେବାକୁ ଯାଉଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ଆସିବାକୁ ଯାଉଛି ୧୧ ତମ ନାତି କିମ୍ବା ନାତୁଣୀ। ଟ୍ରମ୍ପଙ୍କ ସାନ ଝିଅ ଟିଫାନି ଟ୍ରମ୍ପ ଖୁବ୍ ଶୀଘ୍ର ମାଆ ହେବାକୁ ଯାଉଛନ୍ତି। ୩୧ ବର୍ଷୀୟା ଟିଫାନି ଚଳିତ ବର୍ଷ ଏପ୍ରିଲରେ ତାଙ୍କର ପ୍ରଥମ ସନ୍ତାନକୁ ଜନ୍ମ ଦେବାକୁ ଯାଉଛନ୍ତି ।
ଡେଲି ମେଲର ଏକ ରିପୋର୍ଟ ଅନୁଯାୟୀ, ଟିଫାନି ଟ୍ରମ୍ପଙ୍କୁ ନିକଟରେ ତାଙ୍କ ସ୍ୱାମୀ ମାଇକେଲ ବୋଲୋସଙ୍କ ସହ ମିଆମିରେ ଛୁଟି ବିତାଉଥିବାର ଦେଖାଯାଇଥିଲା। ସେ ଶନିବାର ‘କଲ୍ ମି ଗାବି ରେଷ୍ଟୁରାଣ୍ଟ’ରେ ପହଞ୍ଚିଥିଲେ। ଏହି ସମୟରେ ଟିଫାନି ଏକ ସୁନ୍ଦର ଚକୋଲେଟ୍ ବ୍ରାଉନ୍ ରଙ୍ଗର ମ୍ୟାକ୍ସି ଡ୍ରେସ୍ ପିନ୍ଧିଥିଲେ। ଏହା ସହିତ, ସେ ଏକ ଗୋଲାପୀ ରଙ୍ଗର ପର୍ସ, ମ୍ୟାଚ୍ ଚପଲ ଏବଂ ଏକ ଗୋଲାପୀ ଫୋନ୍ କେସ୍ ମଧ୍ୟ ଧରିଥିଲେ।
ଟିଫାନି ଓ ମାଇକେଲ ବୋଲୋସ ତାଙ୍କର ପ୍ରଥମ ସନ୍ତାନକୁ ଅପେକ୍ଷାରେ ଅଛନ୍ତି। ଏହି ଦମ୍ପତି ୨୦୨୪ ଅକ୍ଟୋବରରେ ତାଙ୍କ ସନ୍ତାନ ଆସୁଥିବା ନେଇ ସୂଚନା ଦେଇଥିଲେ। ଡୋନାଲ୍ଡ ଟ୍ରମ୍ପ ନିଜେ ଏହି ଖବରକୁ ସୂନିଶ୍ଚିତ କରିଥିଲେ ଏବଂ କହିଥିଲେ ଯେ ତାଙ୍କ ଝିଅ ଶୀଘ୍ର ମାଆ ହେବାକୁ ଯାଉଛନ୍ତି। ଏହା ପରେ, ଟିଫାନି ୨୦ ଜାନୁଆରୀ ୨୦୨୫ ରେ ତାଙ୍କ ବାପା ଡୋନାଲ୍ଡେ ଟ୍ରମ୍ପଙ୍କ ଶପଥ ଗ୍ରହଣ ଉତ୍ସବରେ ମଧ୍ୟ ଯୋଗ ଦେଇଥିଲେ।
ଟିଫାନିଙ୍କ ଜନ୍ମ ୧୯୯୩ ମସିହାରେ ହୋଇଥିଲା। ସେ ଆମେରିକାର ପ୍ରଧାନମନ୍ତ୍ରୀ ଡୋନାଲ୍ଡ ଟ୍ରମ୍ପଙ୍କ ଚତୁର୍ଥ ସନ୍ତାନ ଏବଂ ସାନ ଝିଅ। ଟିଫାନି ହେଉଛନ୍ତି ଡୋନାଲ୍ଡ ଟ୍ରମ୍ପଙ୍କ ଦ୍ୱିତୀୟ ପତ୍ନୀ, ଅଭିନେତ୍ରୀ ମାର୍ଲା ମାପଲ୍ସଙ୍କ ସନ୍ତାନ। ସେ ଫ୍ଲୋରିଡାର ୱେଷ୍ଟ ପାମ୍ ବିଚ୍ରେ ଜନ୍ମଗ୍ରହଣ କରିଥିଲେ ଏବଂ ତାଙ୍କର ନାମ ଟିଫାନି ଆଣ୍ଡ୍ କୋ. ନାମରେ ରଖାଯାଇଥିଲା।
ଟ୍ରମ୍ପ ଏବଂ ମାର୍ଲା ୧୯୯୯ ମସିହାରେ ଛାଡପତ୍ର ନେଇଥିଲେ। ଦୁଇ ବର୍ଷ ଅଲଗା ରହିବା ପରେ ଟିଫାନିକୁ କାଲିଫର୍ନିଆରେ ତାଙ୍କ ମାଆ ଲାଳନପାଳନ କରିଥିଲେ। ଟିଫାନୀଙ୍କ ତିନି ଜଣ ବଡ଼ ସାବତ ଭାଇଭଉଣୀ ଅଛନ୍ତି। ସେମାନେ ହେଉଛନ୍ତ ଡୋନାଲ୍ଡୋ ଜୁନିଅର, ଇଭାଙ୍କା ଏବଂ ଏରିକ୍। ଯେଉଁମାନେ କି ଟ୍ରମ୍ପଙ୍କ ପ୍ରଥମ ପତ୍ନୀ ଇଭାନାଙ୍କ ସନ୍ତାନ। ସେଭଳି ଟିଫାନିଙ୍କ ଆଉ ଜଣେ ସାନ ଭାଇ ବେରନ୍ ମଧ୍ୟ ଅଛନ୍ତି। ସେ ହେଉଛନ୍ତି ଟ୍ରମ୍ପଙ୍କ ତୃତୀୟ ପତ୍ନୀଙ୍କ ମେଲାନିଆଙ୍କ ପୁଅ।
