ଭୁବନେଶ୍ୱର,୨୯/୦୧: ଯୁଯୁମୁରା ରେଞ୍ଜ ଯାଦୁ ଲୋଇସିଂହରେ ପୁଣି ଜୀବନ ହାରିଲା ହାତୀ । ଗାଁ ପାଖ ବିଲରୁ ଉଦ୍ଧାର ହେଲା ହାତୀର ମୃତଦେହ । ହାତୀର ଆନୁମାନିକ ବୟସ ୨୦ ବର୍ଷ ହୋଇଥିବାବେଳେ ଏହା ଏକ ଦନ୍ତା ହାତୀ ବୋଲି ଜଣାପଡିଛି । ସମ୍ୱଲପୁରରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଯାଦୁ ଲୋଇସିଂହ ଗାଁ ବିଲ ପାଖରେ ଏକ ଦନ୍ତା ହାତୀର ମୃତଦେହ ପଡ଼ିଥିବାର ଦେଖିବାକୁ ପାଇଥିଲେ ସ୍ଥାନୀୟଲୋକେ । ଏହା ଦେଖି ସ୍ଥାନୀୟଲୋକେ ତୁରନ୍ତ ବନ ବିଭାଗର କର୍ମଚାରୀଙ୍କୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ବିଭାଗର କର୍ମଚାରୀ ପହଞ୍ଚି ହାତୀଟିର ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛନ୍ତି । ଏହା ସହ ହାତୀର ମୃତ୍ୟୁର କାରଣ ଖୋଜି, ତାର ତଦନ୍ତ ଚଳାଇଛି ବନ ବିଭାଗର ଟିମ୍ ।
