କଣାସ,୦୧/୦୮: ଲଘୁଚାପଜନିତ ଲଗାଣ ବର୍ଷା କାରଣରୁ ବନ୍ୟାଜଳରେ ପୁରିଛି ମହାନଦୀ। ଏହି ଜଳ କଣାସର ଦୟା ଓ ରାଜୁଆ ନଦୀରେ ପ୍ରବାହିତ ହେଉଛି । ଫଳରେ ଧୀରେଧୀରେ ନଦୀର ଜଳସ୍ତର ବଢ଼ିବାରେ ଲାଗିଛି । ଯାହାକୁ ନେଇ କଣାସ ଓ ଡେଲାଙ୍ଗବାସୀଙ୍କ ମନରେ ସୃଷ୍ଟି ହେଇଛି ବନ୍ୟାର ଭୟ ।
ସୂଚନା ଅନୁଯାୟୀ, ବିଗତ କିଛି ଦିନ ଧରି ଲାଗି ରହିଛି ଲଘୁଚାପଜନିତ ବର୍ଷା । ଯାହା ଫଳରେ ମହାନଦୀ ବନ୍ୟାଜଳରେ ପୂର୍ଣ୍ଣ ହୋବାରେ ଲାଗିଛି । ଏହି କାରଣରୁ କଣାସର ଦୟା ଓ ରାଜୁଆ ନଦୀରେ ବନ୍ୟାଜଳ ପ୍ରବାହିତ ହୋଇ ଧୀରେଧୀରେ ନଦୀର ଜଳସ୍ତର ବଢ଼ିବାରେ ଲାଗିଛି। ଯାହାକୁ ନେଇ କଣାସ ଓ ଡେଲାଙ୍ଗବାସୀଙ୍କ ମନରେ ବନ୍ୟାର ଭୟ ସୃଷ୍ଟି ହେଇଛି । ବିଶେଷ କରି କଣାସର ତଳିଆ ଅଞ୍ଚଳ ଚିଲିକା ତଟବର୍ତ୍ତୀ ହୋଇଥିବାରୁ ଉପର ମୁଣ୍ଡରେ ବନ୍ୟାଜଳ ଏହି ଦୁଇଟି ନଦୀ ଦେଇ ଚିଲିକାକୁ ପ୍ରଭାବିତ ହୋଇଥାଏ । ସେଥିପାଇଁ ଏହି ଦୁଇଟି ନଦୀର ଜଳସ୍ତର ଏବେ ବଢିବାରେ ଲାଗିଛି ।
କଣାସ ଓ ଡେଲାଙ୍ଗ ଅଞ୍ଚଳର ନଦୀକୂଳିଆ ବାସିନ୍ଦା ଭୟଭୀତ ଅବସ୍ଥାରେ ଅଛନ୍ତି। ବନ୍ୟାଜଳ ଆସିବା ପରେ ରାଜୁଆ ଓ ଦୟା ନଦୀ କୂଳରେ ଚାଷୀଙ୍କ ଫସଲ ସବୁ ନଷ୍ଟ ହୋଇଛି । ଏହା ତାଙ୍କ ଦୁଃଖକୁ ଦୁଇଗୁଣିତ କରିଛି । ପୂର୍ବରୁ ନଦୀବନ୍ଧ କାର୍ଯ୍ୟରେ ୨୫ ଲକ୍ଷ୍ୟ ଟଙ୍କାକୁ ଠିକାଦାର ଓ ଯନ୍ତ୍ରୀ ଆତ୍ମସାତ କରିଥିବା ଅଭିଯୋଗ ଆଣିଛନ୍ତି ସ୍ଥାନୀୟ ଲୋକେ । ଏପଟେ ବର୍ତ୍ତମାନର ବନ୍ୟା ପରିସ୍ଥିତିକୁ ନେଇ କଣାସ ତହସିଲଦାର ସନ୍ତୋଷ କୁମାର ପାଣିଗ୍ରାହୀ ରାତି ଅଧିୟା ଦୟା ଓ ରାଜୁଆ ନଦୀବନ୍ଧ ବୁଲି ଦେଖିବା ସହ ସମ୍ପୂର୍ଣ୍ଣ ପ୍ରସ୍ତୁତ ରହିଥିବା କହିଛନ୍ତି ।
