ଭୁବନେଶ୍ୱର ୨୭/୦୩: ଆଜି କଂଗ୍ରେସ ଦଳ ପକ୍ଷରୁ ବିଧାନସଭା ଓ ଏହାର  ଆଖପାଖ ଅଞ୍ଚଳରେ ବିକ୍ଷୋଭ ପ୍ରଦର୍ଶନ କରାଯିବ । ଏହାକୁ ଦୃଷ୍ଟିରେ  ରଖି ଭୁବନେଶ୍ୱର ସହର ଏବଂ ଏହାର ଆଖପାଖରେ ବିଶେଷକରି  ରାଜମହଲ ଛକରୁ ରୁପାଲି ଛକ ପର୍ଯ୍ୟନ୍ତ(ଉଭୟ ପାଶ୍ୱର୍) ରାସ୍ତାରେ  ସକାଳ ୯ଟାରୁ ଅପରାହ୍ଣ ୩ଟା ପର୍ଯ୍ୟନ୍ତ ଟ୍ରାଫିକ୍‌ ସମସ୍ୟା ହେବାର ଆଶଙ୍କା  କରାଯାଉଛି । ଟ୍ରାଫିକ ସମସ୍ୟାକୁ ଏଡ଼ାଇବା ନିମନ୍ତେ କମିଶନରେଟ୍‌ ପୁଲିସ  ପକ୍ଷରୁ ଉପରଲିଖିତ ରାସ୍ତାରେ ନଯାଇ ଅନ୍ୟ ରାସ୍ତା ଦେଇ ଯିବା ନିମନ୍ତେ  ଜନସାଧାରଣକୁ ଅନୁରୋଧ କରାଯାଇଛି । ନିରାପଦ ଓ ବାଧାମୁକ୍ତ ଯାତ୍ରା  ନିମନ୍ତେ ପୁଲିସ କର୍ମଚାରୀଙ୍କୁ ସହଯୋଗ କରିବା ପାଇଁ ପୁଲିସ କମିଶନର  ଡା. ଏସ୍‌ ଦେବଦତ୍ତ ସିଂହ ଜନସାଧାରଣଙ୍କୁ ଅନୁରୋଧ କରିଛନ୍ତି ।