ଜୟପୁର: ରାଜସ୍ଥାନର ରାଜଧାନୀ ଜୟପୁରରେ ଗୁରୁବାର ଭୟଙ୍କର ସଡକ ଦୁର୍ଘଟଣା ଘଟିଛି । ଡୁଡୁରେ ନିୟନ୍ତ୍ରଣ ହରାଇ ଏକ ବସ୍ କାରକୁ ଧକ୍କା ଦେବା ଫଳରେ ୮ ଜଣଙ୍କ ମୃତ୍ୟୁ ହୋଇଛି ଏବଂ ଅନ୍ୟ ୬ ଜଣ ଆହତ ହୋଇଛନ୍ତି । ଦୁର୍ଘଟଣା ସଂପର୍କରେ ଖବର ପାଇ ତୁରନ୍ତ ଘଟଣାସ୍ଥଳରେ ପୋଲିସ ପହଞ୍ଚିଥିଲା । ଦୁର୍ଘଟଣାରେ ବସର କେତେକ ଯାତ୍ରୀ ଆହତ ହୋଇଛନ୍ତି ।
ମିଳିଥିବା ସୂଚନା ଅନୁସାରେ, ଟାୟାର ଫାଟିଯିବାରୁ ବସ୍ଟି ନିୟନ୍ତ୍ରଣ ହରାଇଥିଲା ଏବଂ କାରକୁ ଧକ୍କା ଦେଇଥିଲା । ଯାତ୍ରୀବାହୀ ବସ୍ଟି ଜୟପୁରରୁ ଆଜମେର ଯାଉଥିଲା । କାରଟି ବୀପରିତ ମାର୍ଗରେ ଯାତ୍ରା କରୁଥିଲା । ଏହି ସମୟରେ ହଠାତ ବସ୍ର ଟାୟାର ଫାଟିଯାଇଥିଲା ଏବଂ ବସ୍ଟି ଡିଭାଇଡର ଡେଇଁ କାରକୁ ଧକ୍କା ଦେଇଥିଲା। ଦୁର୍ଘଟଣାରେ କାରରେ ଥିବା ମସସ୍ତ ୮ ଯାତ୍ରୀଙ୍କ ମୃତ୍ୟୁ ହୋଇଛି ।
ଡୁଡୁରେ ୪୮ ନମ୍ବର ଜାତୀୟ ରାଜପଥରେ ଏହି ଦୁର୍ଘଟଣା ଘଟିଛି । ଦୁର୍ଘଟଣା ସହ ଜଡ଼ିତ ଅନେକ ଭିଡିଓ ଓ ଫଟୋ ସୋସିଆଲ୍ ମିଡିଆରେ ଭାଇରାଲ୍ ହେଉଛି । ସବୁ ମୃତ ଭିଲଓ୍ବାଡା ବାସିନ୍ଦା ହୋଇଥିବା ବେଳେ ସେମାନେ ମହାକୁମ୍ଭ ଅଭିମୁଖେ ଯାତ୍ରା କରୁଥିଲେ । ସେପଟେ ମୃତଦେହଗୁଡ଼ିକୁ ବ୍ୟବଚ୍ଛେଦ ଲାଗି ପୋଲିସ ପଠାଇଛି । ମର୍ମନ୍ତୁଦ ସଡ଼କ ଦୁର୍ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
