ଭୁବନେଶ୍ଵର, ୦୯/୧୦ : ବୁଧବାର ସକାଳୁ ସକାଳୁ ଭୁବନେଶ୍ଵର ଓମ୍ ସାଇ ବିହାରରେ ପଶିଲା ବିଏମ୍ସି। ଆବାସ ଘର ଗୁଡ଼ିକର ଯାଞ୍ଚ କରିବା ସହ ଚାଲିଲା ତନାଘନା। ଆବାସ ଘର ଗୁଡ଼ିକର ଫଟୋ ଓ ଭିଡିଓଗ୍ରାଫି କରି ଡାଟା ନେଲେ ଅଧିକାରୀ।
ସୂଚନାନୁଯାୟୀ, ଗାଡ଼କଣ ଗ୍ରାମ ନିକଟସ୍ଥ ରାଜୀବ ଆବାସ ଯୋଜନାରେ ମିଳିଥିବା ୬୦୦ ଘରର ପୁଣି ଥରେ ହେଲା ସର୍ଭେ। ବୁଧବାର ସକାଳୁ ଓମ୍ ସାଇ ବିହାରରେ ଜୋନାଲ ଡେପୁଟି କମିଶନରଙ୍କ ସହ ସମସ୍ତ ଅଧିକାରୀ ଓ ଏନଫୋର୍ସମେଣ୍ଟ ସ୍କ୍ୱାଡ୍ ଆସି ଗେଟ୍ ତାଲା ପକାଇ ପରିଚୟ ପତ୍ର ସହ ଆଲର୍ଟ ହୋଇଥିବା ଘର ନମ୍ବର ମ୍ୟାଚ୍ କରି ଲୋକଙ୍କୁ ଭିତରକୁ ପ୍ରବେଶ କରିବାକୁ ଦେଇଥିଲେ। ଯାଞ୍ଚ ସମୟରେ କିଛି ଲୋକେ ନିଜ ଘରକୁ ଭଡ଼ା ଦେଇଥିବା ବେଳେ ଆଉ କିଛି ଲୋକେ ସ୍ଥାନୀୟ ପ୍ରେସିଡେଣ୍ଟ ଏବଂ ସେକ୍ରେଟାରୀ ସାହାଯ୍ୟରେ ଅନ୍ୟ ଘରକୁ ଜବରଦଖଲ କରିଥିବା ଦେଖିବାକୁ ମିଳିଥିଲା। ତେବେ ଏନେଇ ଅଧିକାରୀଙ୍କ ପକ୍ଷରୁ କୌଣସି ପ୍ରତିକ୍ରିୟା ଦିଆଯାଇ ନଥିଲେ ମଧ୍ୟ ଏପରି ଘଟଣା ପରେ ବିଏମସି ପକ୍ଷରୁ ସମସ୍ତ ଘରକୁ ଆଉ ଥରେ ସର୍ଭେ କରିବାକୁ ପଦକ୍ଷେପ ନିଆଯାଇଥିବା କହିଛନ୍ତି ସ୍ଥାନୀୟ ବାସିନ୍ଦା।
