ନୂଆଦିଲ୍ଲୀ: ରାଜସ୍ଥାନରେ ଚାଞ୍ଚଲ୍ୟ। ନାବାଳିକା ସ୍କୁଲ ଛାତ୍ରୀଙ୍କୁ ଯୌନ ନିର୍ଯାତନା ଦିଆଯାଇଥିବା ଅଭିଯୋଗରେ ବିୱାର ଜିଲ୍ଲାରେ ଉତ୍ତେଜନା ପ୍ରକାଶ ପାଇଛି। ଖବର ମୁତାବକ ମସୁଦା ନାମକ ଏକ ଛୋଟ ସହରରେ ବିଭିନ୍ନ ସ୍କୁଲର ଛାତ୍ରୀମାନଙ୍କ ଯୌନ ଉତ୍ପୀଡନ କରାଯିବା ସହ ଧର୍ମାନ୍ତିକରଣ ମଧ୍ୟ କରାଯାଉଛି ବୋଲି ଅଭିଯୋଗ ରହିଛି। ଏହି ଘଟଣାକୁ ବିରୋଧ କରି ସ୍ଥାନିୟ ଅଞ୍ଚଳର ବଜାରକୁ ବନ୍ଦ କରାଯିବା ସହ ଏହା ବିରୁଦ୍ଧରେ ଲୋକମାନେ ରାଲି ଆରମ୍ଭ କରିଛନ୍ତି। ଏହି ଘଟଣାରେ ସାମିଲ ଥିବା ନେଇ ଜଣେ ପୂର୍ବତନ କାଉନସିଲରଙ୍କୁ ପୋଲିସ ନିଜ ହେପାଜତରେ ରଖିଛି।
ଏହି ମାମଲାରେ ମୋଟ୍ ୨ ଜଣ ସାବାଳିକା ଓ ୩ ଜଣ ନାବାଳିକାଙ୍କୁ ଯୌନ ଉତ୍ପୀଡନର ଶିକାର ହୋଇଛନ୍ତି। ଉତ୍ପୀଡନର ଶିକାର ହୋଇଥିବା ପୀଡିତାଙ୍କ ପରିବାର ପକ୍ଷରୁ ୧୧ଜଣଙ୍କ ନାମରେ ୩ଟି ମାମଲା ରୁଜୁ କରାଯାଇଛି।
ପ୍ରଥମେ ପୀଡିତାମାନଙ୍କ ସହ ଆରୋପିମାନେ ସୋଶିଆଲ ମିଡିଆ ଯୋଗେ ସମ୍ୱଦ୍ଧ ବନାଇଥାନ୍ତି। ପରେ ସେମାନଙ୍କୁ ମୋବାଇଲ ଫୋନ ଭଳି ଦାମି ଉପହାର ଦେଇ ସେମାନଙ୍କ ସହ ଯୌନ ଉତ୍ପୀଡନ କରିତାନ୍ତି ବୋଲି ପୀଡିତାମାନଙ୍କ ପରିବାର ଲୋକ ସୂଚନା ଦେଇଛନ୍ତି। ଏହା ସହ କେତେକ ଝିଅଙ୍କୁ ଆରୋପିମାନେ ଡରେଇ ଧମକେଇ ଧର୍ମାନ୍ତିକରଣ କରିବାକୁ ଧମକ ମଧ୍ୟ ଦେଇଥିଲେ ବୋଲି ଜଣେ ପୋଲିସ ଅଧିକାରୀ ସୂଚନା ପ୍ରଦାନ କରିଛନ୍ତି। ସବୁଠୁ ବଡ କଥା ହେଉଛି ଅଭିଯୋଗ ରହିଥିବା ୧୧ ଜଣଙ୍କ ମଧ୍ୟରୁ ୩ ଜଣ ନାବାଳକ ରହିଛନ୍ତି।
ଏହି ମାମଲାରେ ସାମିଲ ଥିବା ନେଇ ଜଣେ ପୂର୍ବତନ କାଉନସିଲର ହକିମ କୁରେସିଙ୍କୁ ପୋଲିସ ନିଜ ହେପାଜତକୁ ନେଇଛି। ତେବେ କୋଟଡାରେ ଥିବା କୋର୍ଟ ତାଙ୍କୁ ୫ ଦିନିଆ ପୋଲିସ ରିମାଣ୍ଡରେ ପଠାଇବାକୁ ଅନୁମତି ଦେଇଛି ବୋଲି ଜଣେ ବରିଷ୍ଠ ପୋଲିସ ଅଧିକାରି ସୂଚନା ପ୍ରଦାନ କରିଛନ୍ତି। ଲକ୍ଷ୍ମନ, ସୋହିଲ ମନସୁରି, ରିଆନ ମହମ୍ମଦ ଓ ଅଫରାଜ ନାମକ ଅନ୍ୟ ଚାରି ଅଭିଯୁକ୍ତଙ୍କୁ ପୋଲିସ ୫ ଦିନ ନିଜ ରିମାଣ୍ଡରେ ରଖିବା ପରେ ରବିବାରଦିନ ବିଚାର ବିଭାଗୀୟ ହାଜତକୁ ପଠାଇଛି।
ତେବେ ଦେଖିବାକୁ ଗଲେ ଆରୋପିମାନେ ଏକ ଗୋଷ୍ଠୀର ହୋଇଥିବା ବେଳେ ପୀଡିତା ମାନେ ଆଉ ଏକ ଗୋଷ୍ଠୀର ସଦସ୍ୟ ଅଟନ୍ତି। ଏଣୁ ଏହି ମାମଲାରେ ଧର୍ମାନ୍ତିକରଣ କଥା ରହିଥିବାରୁ ବିୱାର ଜିଲ୍ଲାରେ ପରିସ୍ଥିତି ଅତ୍ୟନ୍ତ ଉସ୍ମ ରହିଛି। ପୀଡିତା ଛାତ୍ରୀମାନଙ୍କ ମଧ୍ୟରୁ ଜଣେ ଏକ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି ଯେ ଏହି ମାମଲାରେ ସାମିଲ ଥିବା ସମସ୍ତ ଆରୋପିମାନେ ତାଙ୍କୁ ଅନ୍ତରଙ୍ଗ ମୂହୁର୍ତ୍ତର ଫଟୋ ଦେଖେଇ ବ୍ଲକମେଲ କରୁଥିଲେ। ମୋଟ୍ ଉପରେ ୧୪-୧୫ ଜଣ ଯୁବକ ମିଶି ଏହି ଯୌନ ଉତ୍ପୀଡନ ରାକେଟ ଚଳାଉଥିଲେ। ସେ ଏକା ନୁହେଁ ତାଙ୍କ କ୍ଲାସର ଆହୁରି ୫ ଜଣ ଛାତ୍ରୀ ସେମାନଙ୍କ ଶିକାର ହୋଇଥିବା କଥା ମଧ୍ୟ ସେ କହିଛନ୍ତି। ଏହା ସହ ଅନେକ ଛାତ୍ରୀ ସେମନାଙ୍କ ଟାର୍ଗେଟରେ ଥିଲେ ବୋଲି ସେ ଅଭିଯୋଗ କରିଛନ୍ତି।
ଏହାକୁ ନେଇ ସ୍ଥାନିୟ ଅଞ୍ଚଳରେ ବିବାଦ ଦେଖାଯିବା ସହ ଲୋକମାନେ ଆରୋପିମାନଙ୍କୁ କଡା ଶାସ୍ତି ଦେବାକୁ ଦାବି କରିଛନ୍ତି। ଏହାକୁ ନେଇ ରାଜସ୍ଥାନ ସରକାର ଚାପରେ ଥିବାବେଳେ ପୋଲିସ ଏହି ମାମଲକୁ ନେଇ ପ୍ରମାଣ ସଂଗ୍ରହରେ ଲାଗିପଡିଛି। ତେବେ ଛାତ୍ରୀନାମହ୍କୁ ବ୍ଲାକମେଲ୍ କରି ଧର୍ମାନ୍ତରିକରଣ କରିବାକୁ ପ୍ରବର୍ତ୍ତାଇଥିବାରୁ ସ୍ଥାନିୟ ଅଞ୍ଚଳରେ ପ୍ରବଳ ଜନ ଅସନ୍ତୋଷ ଦେଖାଦେଇଛି।
