ଫିରିଙ୍ଗିଆ ୨୭।୨: କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଅନ୍ତର୍ଗତ ଗୋଛାପଡା ଠାରେ ଥବା ଏଟିଏମ୍ ୨୦ ଦିନ ହେଲା ଅଚଳ । ଫଳରେ ଗ୍ରାହକମାନେ ହନ୍ତସନ୍ତ ହେଉଛନ୍ତି। ଗ୍ରାହକମାନେ ଜରୁରୀକାଳୀନ ସମୟରେ ଟଙ୍କା ଉଠାଇ ନପାରି ବହୁ ଅସୁବିଧାର ସମ୍ମୁଖୀନ ହେଉଛନ୍ତି।
ଫିରିଙ୍ଗିଆ ବ୍ଲକ ଅନ୍ତର୍ଗତ ଗୋଛାପଡା ଠାରେ ଏସବିଆଇ ପକ୍ଷରୁ ଏଟିଏମ ବ୍ୟବସ୍ଥା କରାଯାଇଥିଲା। ଏହି ଏଟିଏମ୍ ଉପରେ ୯ ପଞ୍ଚାୟତ ବାସୀ ନିର୍ଭର କରିଥାନ୍ତି। ଜରୁରୀକାଳୀନ ସମୟରେ ବ୍ୟାଙ୍କକୁ ନ ଯାଇ ଏଟିଏମରେ ଲୋକମାନେ ଟଙ୍କା ଉଠାଇ ପାରୁଥିଲେ। ତେବେ ପ୍ରାୟ ୨୦ ଦିନରୁ ଊର୍ଦ୍ଧ୍ବ ହେବ ଏଟିଏମ ଅଚଳ ହୋଇପଡିଛି। ଏଟିଏମ୍ କବାଟରେ ତାଲା ଝୁଲୁଛି। ଗ୍ରାହକ ମାନେ ଜରୁରୀ କାଳୀନ ଟଙ୍କା ଉଠାଇ ନପାରି ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଏଟିଏମ୍ ଅଚଳ ଯୋଗୁଁ ଗ୍ରାହକମାନେ ଅସନ୍ତୋଷ ପ୍ରକାଶ କରୁଛନ୍ତି।ଅତି ଶିଘ୍ର ଏଟିଏମ୍ ମରାମତି କରିବାକୁ ଗ୍ରାମବାସୀ ଦାବୀ କରିଛନ୍ତି।
