ନୂଆଦିଲ୍ଲୀ: ଦିଲ୍ଲୀର ଶାସନ କ୍ଷମତାରୁ ଆମ ଆଦମୀ ପାର୍ଟି ବିଦାୟ ନେବା ପରେ ଆତିଶୀ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ ମଧ୍ୟ, ତାଙ୍କ ଦରମା, ଭତ୍ତା ଏବଂ ସୁବିଧାରେ କୌଣସି ହ୍ରାସ କରାଯିବ ନାହିଁ। ଏହାର କାରଣ ହେଉଛି ଦିଲ୍ଲୀରେ ମୁଖ୍ୟମନ୍ତ୍ରୀ ଏବଂ ବିରୋଧୀ ଦଳ ନେତା ସମାନ ଦରମା ଏବଂ ଭତ୍ତା ପାଆନ୍ତି।
ଅରବିନ୍ଦ କେଜ୍ରିୱାଲଙ୍କ ଇସ୍ତଫା ପରେ ନିର୍ବାଚନ ପୂର୍ବରୁ ଆତିଶୀଙ୍କୁ ଦିଲ୍ଲୀର ମୁଖ୍ୟମନ୍ତ୍ରୀ କରାଯାଇଥିଲା। ହେଲେ ନିର୍ବାଚନ ପରେ ସେ ଏହି ପଦବୀ ଛାଡିବେ ବୋଲି ପୂର୍ବରୁ ନିଷ୍ପତ୍ତି ନିଆଯାଇଥିଲା। ଯଦି ଆମ ଆଦମୀ ପାର୍ଟି ନିର୍ବାଚନ ଜିତିଥାନ୍ତା, ତେବେ ଅରବିନ୍ଦ କେଜରିୱାଲ ପୁଣି ମୁଖ୍ୟମନ୍ତ୍ରୀ ଚୌକିକୁ ଫେରିଥାନ୍ତେ। କିନ୍ତୁ ଦଳ ଏବଂ ଅରବିନ୍ଦ କେଜ୍ରିୱାଲଙ୍କ ପରାଜୟ ପରେ, ଆପକୁ ଏବେ ବିରୋଧୀ ଦଳରେ ବସିବାକୁ ପଡୁଛି। ଏପରି ପରିସ୍ଥିତିରେ, ଦଳୀୟ ବିଧାୟକ ମାନେ ଆତିଶୀଙ୍କୁ ବିରୋଧୀ ଦଳ ନେତା ଭାବରେ ନିର୍ବାଚିତ କରିଛନ୍ତି। ତେବେ ବିରୋଧିଦଳ ନେତା ଆସନରେ ବସିଥିଲେ ମଧ୍ୟ, ସେ ପୂର୍ବ ପରି ଦରମା ଏବଂ ଅନ୍ୟାନ୍ୟ ସରକାରୀ ସୁବିଧା ପାଇବେ। ଅର୍ଥାତ ବିରୋଧିଦଳ ନେତା ହେଲେ ବି ମୁଖ୍ୟମନ୍ତ୍ରୀଙ୍କ ଭଳି ସୁବିଧା ପାଇବେ ସେ ।
ଏବେ ଆସନ୍ତୁ ଜାଣିବା କ’ଣ ଏହି ସୁବିଧା...
ମାସିକ ଦରମା ୬୦ ହଜାର ଟଙ୍କା, ୩୦,୦୦୦ ଟଙ୍କା ନିର୍ବାଚନମଣ୍ଡଳୀ ଭତ୍ତା, ସଚିବାଳୟ ସହାୟତା ଭତ୍ତା ୨୫,୦୦୦ ଟଙ୍କା,ପ୍ରତିନିଧି ଭତ୍ତା ୧୦,୦୦୦ ଟଙ୍କା,ଏହା ବ୍ୟତୀତ ଅନ୍ୟାନ୍ୟ ସରକାରୀ ସୁବିଧା ମଧ୍ୟ ଉପଲବ୍ଧ । ଆପଣ ଜାଣିବା ଜରୁରୀ କି, ଦିଲ୍ଲୀ ସରକାରରେ ମୁଖ୍ୟମନ୍ତ୍ରୀ, ବିରୋଧୀ ଦଳ ନେତା, ଉପବାଚସ୍ପତି ଏବଂ ମନ୍ତ୍ରୀମାନେ ସମାନ ଦରମା ଏବଂ ଭତ୍ତା ପାଆନ୍ତି। ଏହି ବ୍ୟବସ୍ଥା ଯୋଗୁଁ, ଆତିଶୀଙ୍କ ପଦବୀ ପରିବର୍ତ୍ତନ ତାଙ୍କ ଦରମା କିମ୍ବା ଭତ୍ତା ଉପରେ କୌଣସି ପ୍ରଭାବ ପକାଇବ ନାହିଁ।
