ଭଦ୍ରକ, ୨୯।୯ : ଭଦ୍ରକ ହିଂସାକାଣ୍ଡ ଘଟଣାରେ ଧାମନଗର ଓ ଭଦ୍ରକ ଜିଲ୍ଲା ପୁରୁଣାବଜାର ଥାନା ଅଞ୍ଚଳରୁ ମୋଟ ୧୫ ଜଣଙ୍କୁ ଗିରଫ କରିଛି ପୋଲିସ ।  ଧାମନଗର ଥାନା ପକ୍ଷରୁ ୭ ଓ ପୁରୁଣାଵଜାର ଥାନା ପକ୍ଷରୁ ୮ଜଣଙ୍କୁ ଗିରଫ କରାଯାଇଛି।  ପୁର୍ବରୁ ୪୮ ଘଣ୍ଟା ପାଇଁ   ଇଣ୍ଟରନେଟରେ କଟକଣା ଥିବା ବେଳେ ଏହି ଇଣ୍ଟରନେଟ ସେବାକୁ ଆହୁରି ୪୮ ଘଣ୍ଟା ପାଇଁ ବନ୍ଦ କରାଯାଇଛି । ଜରୁରୀକାଳୀନ ସେବା ପାଇଁ କେବଳ ଲିଜ ଲାଇନରେ ଇଣ୍ଟରନେଟ ସେବା     ସକାଳ ୭ଟାରୁ୍ ଜାରି ରହିବ । 

ଜିଲ୍ଲା ର ପୁରୁଣା ବଜାର , ଧାମନଗର ଏନଏସି, ଦୋବଲରେ ପୂର୍ବ ଭଳି ଵିଏନଏସ ୧୬୩ ଧାରା ଜାରି ରହିବ। ପୁରୁଣାଵଜାର ଓ ଦୋବଲ ଅଞ୍ଚଳରେ ଚାପା ଉତ୍ତେଜନା ଲାଗି ରହିଛି। ତେଣୁ ପୁରୁଣାଵଜାର , ଧାମନଗର ଓ ଦୋବଲରେ ଆରଏଏଫ ପକ୍ଷରୁ   ଫ୍ଲାଗମାର୍ଚ ହେବା ସହ ନିୟମିତ ପାଟ୍ରୋଲିଂ ଓ ବ୍ଲକିଂ ହେଉଛି । ଧାମନଗରରେ ୬ପ୍ଲାଟୁନ ଫୋର୍ସ ସହ  ଏକ କମ୍ପାନୀ ଆରଏଏଫ ଫୋର୍ସ ମୃତୟନ ଓ ସେହିଭଳି ପୁରୁଣାଵଜାର ୧୨ପ୍ଲାଟୁନ ଫୋର୍ସ ସହ  ଏକକମ୍ପାନୀ ଆରଏଏଫ ଫୋର୍ସ ମୃତୟନ ହୋଇଛନ୍ତି। ଗିରଫ ଦାରୀ ସଂଖ୍ୟା ଆଗକୁ ଆହୁରି ବଢିବ ବୋଲି କହିଛନ୍ତି ପୂର୍ବାଞ୍ଚଳ ଡିଆଇଜି ସତ୍ୟଜିତ୍‌ ନାୟକ । ତେବେ ଧାମନଗର ଅଞ୍ଚଳରେ ଦୋକାନ ବଜାର ବନ୍ଦ ରହୁଥିବା ବେଳେ ପୁରୁଣା ବଜାର ଅଞ୍ଚଳରେ ଅଧିକାଂଶ ସମ୍ବେଦନଶୀଳ ଅଞ୍ଚଳରେ ଦୋକାନ ବଜାର ବନ୍ଦ ରହିଛି।