ନୂଆଦିଲ୍ଲୀ, ୨୩/୧୧ :  ମହାରାଷ୍ଟ୍ର ନିର୍ବାଚନରେ ମହାୟୁତି ଗଠବନ୍ଧନକୁ ଜୋରଦାର ସମର୍ଥନ ମିଳିଛି । ବିଜେପି ଏବଂ ସହଯୋଗୀ ମହାଅଘାଡ଼ୀ ଗଠବନ୍ଧନର ପତ୍ତା ସଫା କରି ଦେଇଛି । ମହାରାଷ୍ଟ୍ର ନିର୍ବାଚନରେ କେତେକ ସିଟରେ ଆଶ୍ଚର୍ଯ୍ୟଜନକ ଭାବେ ଫଳାଫଳ ମିଳିଛି । କିନ୍ତୁ ଆମେ ଏଠାରେ କଥା ହେଉଛେ ସୋସିଆଲ ମିଡ଼ିଆରେ ବିଶେଷ ଚର୍ଚ୍ଚିତ ସେଲିବ୍ରେଟି ଏଜାଜ ଖାନଙ୍କ କଥା । ଏଜାଜ ଖାନ ବି ମହାରାଷ୍ଟ୍ର ବିଧାନସଭା ନିର୍ବାଚନରେ ନିଜ ଭାଗ୍ୟ ପରୀକ୍ଷା କରିବାକୁ ଓହ୍ଲାଇଥିଲେ । ଏଜାଜ ବଡ଼ ବଡ଼ ପ୍ରତିଶ୍ରୁତି ଦେଇଥିଲେ କିନ୍ତୁ ଭୋଟର୍ସ ତାଙ୍କୁ ନିରାଶ କରିଛନ୍ତି ।

ଏଜାଜ ଖାନ ମହାରାଷ୍ଟ୍ର ବିଧାନସଭା ନିର୍ବାଚନରେ ମୁମ୍ବାଇର ବର୍ସିଓ୍ବା ସିଟରୁ ନିର୍ବାଚନ ଲଢିଥିଲେ । ଏଜାଜ ଖାନଙ୍କୁ ଚନ୍ଦ୍ରଶେଖରଙ୍କର ପାର୍ଟି ଆଜାଦ ସମାଜ ପାର୍ଟି (କାଂଶୀରାମ)ରୁ ନିର୍ବାଚନ ଲଢିବାକୁ ଟିକେଟ ମିଳିଥିଲା । ଯାହାପରେ ଏଜାଜଙ୍କ ଲାଗି ନିଜେ ଚନ୍ଦ୍ରଶେଖର ବି ମୁମ୍ବାଇ ପହଞ୍ଚି ପ୍ରଚାର କରିଥିଲେ । ଆଜି ସକାଳୁ ଫଳାଫଳ ଖୋଲିବା ପରେ ଏଜାଜ ଖାନଙ୍କ ଖୁଲାସା ହୋଇଯାଇଥିଲା । ୧୦ରାଉଣ୍ଡ୍ସର ଗଣତି ପର୍ଯ୍ୟନ୍ତ ଏଜାଜଙ୍କୁ ୭୦ପାଖାପାଖି ଭୋଟ ମିଳିଥିଲା । ଯାହାକି ବିଶେଷ କଥା ଏହି କି ଯେ, ଏଜାଜଙ୍କ କହିବା କଥା କି ତାଙ୍କ ପରିବାର ଲୋକେ ଏହାଠାରୁ ଅଧିକ ଅଟନ୍ତି । ମାତ୍ର ଏବେ ତାଙ୍କ ଭୋଟର ସଂଖ୍ୟା ୧୦୦ରୁ ପାର୍ ‌ହୋଇଯାଇଛି ।