ନୂଆଦିଲ୍ଲୀ,୯।୯: ଜି-୨୦ର ସଦସ୍ୟ ରାଷ୍ଟ୍ର ଭାବରେ ସାମିଲ ହୋଇଛି ଆଫ୍ରିକାନ୍ ୟୁନିୟନ୍। ଦିଲ୍ଲୀରେ ଚାଲିଥିବା ଜି-୨୦ ଶିଖର ସମ୍ମିଳନୀରେ ଶନିବାର ସ୍ଥାନ ପାଇଛି ଆଫ୍ରିକାନ ୟୁନିୟନ। ସମ୍ମିଳନୀ ସମୟରେ ପ୍ରଧାନମନ୍ତ୍ରୀ ମୋଦି ଏହାର ପ୍ରସ୍ତାବ ରଖିଥିଲେ, ଯାହାକୁ ସମସ୍ତ ସଦସ୍ୟ ଦେଶ ସ୍ବୀକାର କରିନେଇଥିଲେ। ଶିଖର ସମ୍ମିଳନୀରେ ନିଜ ସମ୍ବୋଧନରେ ପ୍ରଧାନମନ୍ତ୍ରୀ ମୋଦି କହିଛନ୍ତି, ଆପଣ ସମସ୍ତଙ୍କ ସମର୍ଥନରେ ମୁଁ ଆଫ୍ରିକା ସଂଘକୁ ଜି-୨୦ରେ ସାମିଲ ହେବା ପାଇଁ ଆମନ୍ତ୍ରିତ କରୁଛି।

G20 Summit in New Delhi admits African Union as permanent member

Read @ANI Story | https://t.co/WDp55u7O54#G20India2023 #G20SummitDelhi #PMModi #AfricanUnion pic.twitter.com/r3S8L89nkF

— ANI Digital (@ani_digital) September 9, 2023

ଏହାପରେ ବିଶ୍ବ ନେତାଙ୍କ କରତାଳି ମଧ୍ୟରେ ବୈଦେଶିକ ମନ୍ତ୍ରୀ ଜୟଶଙ୍କର କାମୋରୋସ୍‌ ସଂଘର ରାଷ୍ଟ୍ରପତି ଓ ଆଫ୍ରିକା ସଂଘର ଅଧ୍ୟକ୍ଷ ଅଜାଲି ଓସମାନିଙ୍କୁ ଜି-୨୦ର ସଦସ୍ୟ ଦେଶ ଆସନରେ ବସାଇଥିଲେ। ପ୍ରଧାନମନ୍ତ୍ରୀ ମୋଦି ମଧ୍ୟ ଆଲିଙ୍ଗନ କରି ଆଫ୍ରିକା ସଂଘର ଅଧ୍ୟକ୍ଷଙ୍କୁ ଜି-୨୦ରେ ସାମିଲ ହେବା ଶୁଭେଚ୍ଛା ଜଣାଇଥିଲେ। ସମ୍ମିଳନୀ ଆରମ୍ଭ ହେବା ପୂର୍ବରୁ ଆଫ୍ରିକାନ ୟୁନିୟନର ଦିଲ୍ଲୀ ସମ୍ମିଳନୀରେ ଜି-୨୦ ସାମିଲ କରାଯିବା ଉପରେ ଚର୍ଚ୍ଚା ହୋଇଥିଲା। 

ଉଲ୍ଳେଖନୀୟ ଯେ, ଆଫ୍ରିକାନ୍ ୟୁନିୟନ୍‌ର ସଦସ୍ୟ ଦେଶର ସଂଖ୍ୟା ୫୫ ରହିଛି ଓ ଏଥିରେ ୧.୩ ବିଲିୟନ ଜନସଂଖ୍ୟା ରହିଥାନ୍ତି। ୨୦୫୦ ସୁଦ୍ଧା ଏହି ସଂଖ୍ୟାକୁ ଦୁଇଗୁଣା ହେବାର ଅନୁମାନ କରାଯାଉଛି। ଏଭଳି ସ୍ଥିତିରେ ଏତେ ବଡ ଗୋଷ୍ଠୀଙ୍କୁ ଜି-୨୦ ରେ ସାମିଲ କରିବାର ଦାବି ଦୀର୍ଘ ସମୟ ଧରି ଚାଲିଛି। ବିଶ୍ବ ଭୂ-ରାଜନୀତିରେ ଆଫ୍ରିକାନ୍ ୟୁନିୟନର ଗୁରୁତ୍ବ ଲଗାତାର ବଢିବାରେ ଲାଗିଛି। ଯେଉଁ କାରଣରୁ ଦୁନିଆର ବଡ ଦେଶ ଲଗାତାର ଆଫ୍ରିକାରେ ନିବେଶ କରି ନିଜର ସ୍ଥିତି ମଜବୁତ କରିବାକୁ ଚାହାଁନ୍ତି।