ଥିରୁଅନନ୍ତପୁରମ,୨୦/୧: କେରଳର ବହୁ ଚର୍ଚ୍ଚିତ ଶାରୋନ ରାଜ ହତ୍ୟା ମାମଲାରେ ପ୍ରେମିକାକୁ ଦଣ୍ଡାଦେଶ ଶୁଣାଇଛନ୍ତି କୋର୍ଟ । ହାଇପ୍ରୋଫାଇଲ ଶାରୋନ ରାଜ ହତ୍ୟା ଘଟଣାରେ ପ୍ରେମିକା ଗ୍ରୀଷ୍ମାକୁ ମୃତ୍ୟୁ ଦଣ୍ଡାଦେଶ ଶୁଣାଇଛନ୍ତି ନେୟାତିିିନକାର ଅତିରିକ୍ତ ସେସନ୍ସ କୋର୍ଟ । ଏହା ସହିତ ଘଟଣାରେ ତୃତୀୟ ଅଭିଯୁକ୍ତ ଗ୍ରୀଷ୍ମାଙ୍କ ଦାଦା ନିରମାଲାକୁମାରନ ନାଏରଙ୍କୁ ୩ ବର୍ଷ ଜେଲ ଦଣ୍ଡାଦେଶ ହୋଇଛି । ମାମଲାରେ ଗ୍ରୀଷ୍ମାଙ୍କ ମାଆ ସିନ୍ଧୁମୁକ୍ତାଙ୍କୁ ଦୋଷମୁକ୍ତ କରାଯାଇଛି । ୨୦୨୨ ମସିହାରେ ୨୩ ବର୍ଷୀୟ ଶାରୋନ ରାଜ ପ୍ରତାରଣାର ଶିକାର ହୋଇଥିଲେ । ତାଙ୍କୁ ଜୁସରେ ବିଷ ଦେଇ ହତ୍ୟା କରିଥିଲେ ପ୍ରେମିକା ଗ୍ରୀଷ୍ମା । ଯାହା ସମଗ୍ର ଦେଶରେ ଚାଞ୍ଚଲ୍ୟ ସୃଷ୍ଟି କରିଥିଲା । ପ୍ରେମ ଉପରେ ଅସଖ୍ୟ ପ୍ରଶ୍ନବାଚୀ ସୃଷ୍ଟି କରିଥିଲା ।
ଦୋଷୀ ଗ୍ରୀଷ୍ମା ତାଙ୍କ ଏକାଡେମିକ ସଫଳତା, ଅପରାଧିକ ମାମଲାର କମ୍ ପ୍ରମାଣ ତଥ୍ୟ ଥିବା କହି ସଜା କୋହଳ କରିବାକୁ ଆବେଦନ କରିଥିଲେ । ବାପା ମାଆଙ୍କ ଏକମାତ୍ର ଝିଅ ବୋଲି କୋର୍ଟଙ୍କୁ କହିଥିଲେ । ୫୮୬ ଆବେଦନ ପତ୍ର ନିଷ୍ପତ୍ତିରେ କୋର୍ଟ କହିଛନ୍ତି ଅପରାଧରୁ ଗୁରୁତରଠୁ ଦୋଷୀର କୌଣସି ସମସ୍ୟା ପ୍ରଥମ ନୁହେଁ । ଆଇପିସି ଧାରା ୩୦୨ (ହତ୍ୟା), ୩୬୪, ୩୨୮ ଓ ୨୦୩ ଆଧାରରେ ଗ୍ରୀଷ୍ମୀଙ୍କୁ ମୃତ୍ୟୁ ଦଣ୍ଡାଦେଶ ଦେଇଛନ୍ତି କୋର୍ଟ । ଗ୍ରୀଷ୍ମାଙ୍କ ଦାଦା ପ୍ରମାଣନଷ୍ଟ କରିଥିବା ନେଇ ତାଙ୍କୁ ୩ ବର୍ଷ ଜେଲ ଦଣ୍ଡାଦେଶ ହୋଇଛି ।
#WATCH | Thiruvananthapuram, Kerala | Sharon Raj murder case | Perpetrator Greeshma being taken from the court to Women Prison and Correctional Home, Attakkulangara
— ANI (@ANI) January 20, 2025
She was sentenced to death by Kerala court for murdering her boyfriend Sharon Raj. pic.twitter.com/hWyE5pD6qf
ଏହା ବି ପଢନ୍ତୁ...ଆରଜି କର ଡାକ୍ତର ଦୁଷ୍କର୍ମ ଓ ହତ୍ୟା ମାମଲା ; ଆଜି ସଞ୍ଜୟର ଦଣ୍ଡ ଶୁଣାଣି
କଣ ପୁରା ମାମଲା- ଶାରୋନ ରାଜ ନାମକ ଜଣେ ପୁଅକୁ ଭଲ ପାଉଥିଲେ ଗ୍ରୀଷ୍ମା । ଦୁହିଁଙ୍କର ଜୀବନ ଠିକ୍ ଚାଲିଥିଲା । ପ୍ରେମ, ଓ ବିବାହ ନେଇ ସମ୍ପର୍କ ଖୋଜିବା ଓ ଜୀବନର ଖରା ଛାଇ ଭିତରେ କାହାଣୀ ଏକ ନୂଆ ମୋଡ ନେଇଥିଲା । ୨୦୨୨ ମସିହା ଅକ୍ଟୋବର ୧୫ ତାରିଖ ବନ୍ଧୁଙ୍କ ସହ ଗ୍ରୀଷ୍ମାଙ୍କ ଘରେ ପହଞ୍ଚିଥିଲେ ଶୋରୋନ ରାଜ । ଗ୍ରୀଷ୍ମା ଶାରୋନଙ୍କୁ ଏକ ଆୟୁର୍ବେଦ ଜୁସ ପିଇବାକୁ ଦେଇଥିଲେ । ଏହାର କିଛି ସମୟ ପରେ ଶାରୋନଙ୍କ ସ୍ବାସ୍ଥ୍ୟବସ୍ଥା ବିଗିଡି ଥିଲା । ବାନ୍ତି ହୋଇଥିଲା । ଶାରୋନଙ୍କ ଦେହ ଅଧିକ ଖରାପ ହେବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଶାରୋନଙ୍କ ରକ୍ତ ପରୀକ୍ଷା ହୋଇଥିଲା । ରିପୋର୍ଟ ନର୍ମାଲ ଆସିଥିଲା । ଅକ୍ଟୋବର ୧୭ ତାରିଖରେ ପୁଣି ଶାରୋନଙ୍କ ସ୍ବାସ୍ଥ୍ୟବସ୍ଥା ବିଗିଡିଥିଲା । ଏଥରେ ଆସିଥିବା ମେଡିକାଲ ରିପୋର୍ଟ କିଛି ଅଲଗା ଥିଲା । ଧୀରେ ଧୀରେ ତାଙ୍କ ଅଙ୍ଗ ଅଚଳ ହୋଇଥିଲା । ଚିକିତ୍ସାର ୧୧ ଦିନ ପରେ ଆଖି ବୁଜିଥିଲେ ଶୋରୋନ । ପୋଷ୍ଟମର୍ଟମ ରିପୋର୍ଟରେ ଜଣାପଡିଥିଲା କି ଶାରୋନଙ୍କ ଶରୀରରେ ବିଷ ଥିଲା । ଏହା ପରେ ଶାରୋନଙ୍କ ପରିବାର ଥାନାରେ ପ୍ରେମିକା ଓ ଗ୍ରୀଷ୍ମୀଙ୍କ ବିରୋଧରେ ଅଭିଯୋଗ କରିଥିଲେ ।
ଜଣେ ସୁନ୍ଦର ଶିକ୍ଷିତ ଝିଅ ଗ୍ରୀଷ୍ମା । ପ୍ରଥମେ ଶାରୋନଙ୍କୁ ଭଲ ପାଉଥିଲେ ମାତ୍ର ପରେ ଅନ୍ୟତ୍ର ବିବାହ କରିବାକୁ ଚାହିଁଥିଲେ । ଶାରୋନଙ୍କ ସହ ସମ୍ପର୍କ ଭାଙ୍ଗିବାକୁ ଚାହିଁଥିଲେ ଗ୍ରୀଷ୍ମୀ ମାତ୍ର ଶାରୋନ ରାଜି ନଥିଲେ । ଗ୍ରୀଷ୍ମା ବାହାଘର ନେଇ ପୁଅ ଖୋଜା ଚାଲିଥିଲା । ଗୋଟିଏ ପ୍ରସ୍ତାବ ଆସିଥିଲା ପୁଅ ଆର୍ମିରେ ଥିଲା । ଗ୍ରୀଷ୍ମାଙ୍କ ସହ ଉକ୍ତ ପୁଅର ଜାତକ ମିଳାଯାଇଥିଲା । ପଣ୍ଡିତ ଜାତକ ଦେଖି କହିଥିଲେ ବିବାହ ପରେ ସ୍ବାମୀର ମୃତ୍ୟୁ ହୋଇଯିବ । ଏହା ଶୁଣି ଝିଅ ଘର ଲୋକ ଚିନ୍ତାରେ ପଡିଥିଲେ । ତାଙ୍କ ସାମ୍ନାରେ ଦୁଇଟି ରାସ୍ତା ଥିଲା । ଆର୍ମି ପୁଅ ପ୍ରସ୍ତାବ ଭାଙ୍ଗି ଦିଆଯାଉ ନଚେତ କିଛି ଅଲଗା ଉପାୟ ବାହାର କରାଯାଉ । ଘର ଲୋକ ବାହାଘର ଭାଙ୍ଗିବା ଅପେକ୍ଷା ଅଲଗା ଉପାୟ କରିଥିଲା ଯାହା ଭୟାନକ ଥିଲା । ଘର ଲୋକଙ୍କ ନ କହି ଗ୍ରୀଷ୍ମା ଶାରୋନଙ୍କୁ ବିବାହ କରିଥିଲେ । ଜୋତିଷ କଥାକୁ ସତ କରିବାକୁ ଯାଇ ପ୍ରଥମ ସ୍ବାମୀଙ୍କୁ ବିଷ ଦେଇ ହତ୍ୟା କରିଥିଲେ ଗ୍ରୀଷ୍ମା । ପ୍ରେମ ସମ୍ପର୍କ ହତ୍ୟାକାଣ୍ଡରେ ପରିଣତ ହୋଇଥିଲା ।
