ନୂଆଦିଲ୍ଲୀ: ରାଜସ୍ଥାନ ରୟାଲ୍ସ(RR) ଚଳିତ ଆଇପିଏଲ-୨୦୨୫ର ୧୮ ତମ ମ୍ୟାଚରେ ପଞ୍ଜାବ କିଙ୍ଗ(PBKS)କୁ ୫୦ ରନରେ ହରାଇ ଦେଇଛି। ଏହା ରାଜସ୍ଥାନର ଦ୍ୱିତୀୟ ବିଜୟ ହୋଇଥିବା ବେଳେ ଚଳିତ ସିଜିନରେ ଏହା ପଞ୍ଜାବର ପ୍ରଥମ ପରାଜୟ ବରଣ କରିଛି।

ମୁଲାନପୁରର ମହାରାଜା ଯାଦବନ୍ଦ୍ର ସିଂ କ୍ରିକେଟ୍ ଷ୍ଟାଡିୟମରେ ଶନିବାର ୨୦୬ ରନ୍ ଲକ୍ଷ୍ୟ ରଖିଥିବା ପଞ୍ଜାବ ଦଳ ୨୦ ଓଭରରେ ୯ ୱିକେଟ୍ ପାଇଁ ମାତ୍ର ୧୫୫ ରନ୍ ସ୍କୋର କରିପାରିଥିଲା। ନେହାଲ ଭେଡେରା ୪୧ ବଲରେ ୬୨ ରନ ଖେଳିଥିଲେ। ସେହିପରି ଗ୍ଲେନ୍ ମ୍ୟାକ୍ସୱେଲ (୩୦ ରନ୍) ଙ୍କ ସହ ୮୮ ରନ୍ ଭାଗିଦାରୀ ଖେଳିଥିଲେ, କିନ୍ତୁ ଦଳକୁ ବିଜୟ ଆଡକୁ ନେଇପାରିନଥିଲେ। 

ଏହି ମ୍ୟାଚ୍ ରେ ଜୋଫ୍ରା ଆର୍ଚର ୩ ୱିକେଟ୍ ନେଇଥିଲେ। ସନ୍ଦୀପ ଶର୍ମା ଏବଂ ମହିଷ ଟିକସାନା ମଧ୍ୟ ଯଥାକ୍ରମେ ୨ ଓ ୧ ୱିକେଟ୍ ନେଇଥିଲେ।

ଟସ୍ ହାରିବା ପରେ ବ୍ୟାଟିଂ କରି ରାଜସ୍ଥାନ ୨୦ ଓଭରରେ ୪ ୱିକେଟ୍ ହରାଇ ୨୦୫ ରନ୍ ସଂଗ୍ରହ କରିଥିଲା। ଯଶସ୍ୱି ଜୟସୁଆଲ ୪୫ ବଲରେ ୬୭ ରନ୍, ରିୟାନ୍ ପାରାଗ ୨୫ ବଲରେ ଅପରାଜିତ ରହି ୪୩ ରନ୍ ଏବଂ ଅଧିନାୟକ ସଞ୍ଜୁ ସାମସନ ୨୬ ବଲରେ ୩୮ ରନ୍ ସ୍କୋର କରିଥିଲେ।