ନୂଆଦିଲ୍ଲୀ: ପ୍ରତିରକ୍ଷା କ୍ଷେତ୍ରରେ ଭାରତ ଅଗ୍ରଗତି କରିବାରେ ଲାଗିଛି । ସ୍ଥଳ, ଜଳ ଏବଂ ବାୟୁ ସେନାର ଶକ୍ତି ବୃଦ୍ଧି ପାଉଛି । ଇତିମଧ୍ୟରେ ଦେଶର ନୌସେନାକୁ ଆହୁରି ଶକ୍ତିଶାଳୀ କରିବାକୁ ପରୀକ୍ଷଣ ହୋଇଥିବା ସ୍ବଦେଶୀ ଆଣ୍ଟି ସିପ୍‌ ମିସାଇଲ୍‌ ସଫଳ ହୋଇଛି । ଭାରତୀ ନୌସେନା ଏବଂ ଡିଆରଡିଓର ମିଳିତି ଉଦ୍ୟମରେ ତିଆରି ହୋଇଥିବା ଏହି ବିଧ୍ବଂସୀ ମିସାଇଲର ପରୀକ୍ଷଣ ସଫଳ ହୋଇଛି ।

ହେଲିକପ୍ଟରରୁ ଜାହାଜ ବିଧ୍ବଂସୀ କ୍ଷେପଣାସ୍ତ୍ରର ସଫଳ ପରୀକ୍ଷଣ ହୋଇଥିବା ଜଣାପଡ଼ିଛି । ଡିଆରଡିଓ ସହାୟତାରେ ଏହି ପରୀକ୍ଷ କରିଛି ଭାରତୀୟ ନୌସେନା । ଉଡ଼ନ୍ତା 42B ହେଲିକପ୍ଟରରୁ ଏହି କ୍ଷେପଣାସ୍ତ୍ରକୁ ନିକ୍ଷେପ କରାଯାଇଛି । ତେବେ ଏହା ନୌସେନାର ପ୍ରଥମ ସ୍ବଦେଶୀ କ୍ଷେପଣାସ୍ତ୍ର । ପ୍ରତିରକ୍ଷା କ୍ଷେତ୍ରରେ ଆଉ ଏକ ମାଇଲଖୁଣ୍ଟ ଛୁଇଁଛି ଭାରତ । ଭାରତୀୟ ନୌସେନା ଏବଂ ଡିଆରଡିଓ ସ୍ୱଦେଶୀ ନାଭାଲ୍ ଆଣ୍ଟି ସିପ୍ କ୍ଷେପଣାସ୍ତ୍ରକୁ ସଫଳତାର ସହ ପରୀକ୍ଷଣ କରିଛି ।

#IndianNavy in association with @DRDO_India successfully undertook Guided Flight Trials of #1st indigenously developed Naval #AntiShipMissile frm Seaking 42B helo on #21Nov 23.
A significant step towards achieving self-reliance in niche missile tech, incl seeker & guidance tech. pic.twitter.com/nbKI7ZuzDq

— SpokespersonNavy (@indiannavy) November 21, 2023

42B ହେଲିକପ୍ଟରରୁ ଏହି ପରୀକ୍ଷା କରାଯାଇଛି। ସୋସିଆଲ ମିଡିଆରେ ନୌସେନା ପକ୍ଷରୁ କୁହାଯାଇଛି ଯେ, କ୍ଷେପଣାସ୍ତ୍ର ପ୍ରଯୁକ୍ତିବିଦ୍ୟା କ୍ଷେତ୍ରରେ ଆତ୍ମନିର୍ଭରଶୀଳ ହେବା ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ନୌସେନା ଏହାର ଭିଡିଓ ଏବଂ ଫଟୋ ମଧ୍ୟ ଜାରି କରିଛି । 42B ହେଲିକପ୍ଟର ଦ୍ୱାରା ନାଭାଲ୍ ଆଣ୍ଟି-ସିପ୍ ମିସାଇଲ୍ର ସଫଳ ପରୀକ୍ଷଣ ପରେ ଦେଶର ନୌସେନା ଏବଂ ଡିଆରଡିକୁ ଶୁଭେଚ୍ଛାର ସୁଅ ଛୁଟିଛି ।