ଭୁବନେଶ୍ଵର, ୨୪/୦୨ : ଭାଙ୍ଗୁଛି ଲାଲ୍ ଗଡ଼। ଦୁର୍ବଳ ହେଉଛି ମାଓ ସଙ୍ଗଠନ। ତେଲେଙ୍ଗାନା ମୁଲୁଗୁ ଜିଲ୍ଲାରେ ଆତ୍ମସମର୍ପଣ କଲେ ୯ ମାଓବାଦୀ। ସମସ୍ତ ମାଓବାଦୀ ଛତିଶଗଡ଼ ବିଜାପୁର ଜିଲ୍ଲାର ହୋଇଥିବା ସୂଚନା ମିଳିଛି। ଏମାନଙ୍କୁ ମୁଖ୍ୟ ସ୍ରୋତକୁ ଫେରାଇ ଆଣିବାକୁ ସମସ୍ତ ସରକାରୀ ସହାୟତା ଯୋଗାଇ ଦିଆଯିବ ବୋଲି ଏସପି କହିଛନ୍ତି।
ସୂଚନାନୁଯାୟୀ, ମୁଲୁଗୁ ଜିଲ୍ଲା ଏସପି ଓ ୩୯ ବାଟାଲିୟନ ସିଆରପିଏଫ ଅଧିକାରୀଙ୍କ ଦ୍ୱାରା ଚାଲିଥିବା ଅପରେସନ ଚେୟୁତା ମାଧ୍ୟମରେ ୯ ଜଣ ମାଓବାଦୀ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି। ଆତ୍ମସମର୍ପଣ କରିଥିବା ସମସ୍ତ ମାଓବାଦୀ ଛତିଶଗଡ଼ ବିଜାପୁର ଜିଲ୍ଲାର ହୋଇଥିବା ସୂଚନା ମିଳିଛି। ତେଲେଙ୍ଗାନା ସରକାରଙ୍କ ନିୟମ ଅନୁସାରେ ଏମାନଙ୍କୁ ଥଇଥାନ କରାଯିବ। ସେମାନଙ୍କ ପରିବାର ସହିତ ଶାନ୍ତିପୂର୍ଣ୍ଣ ଜୀବନଯାପନ କରିବେ। ଏନେଇ ମୁଲୁଗୁ ଜିଲ୍ଲା ଏସପି ସୂଚନା ଦେଇଛନ୍ତି।
ଏହି ଖବରଟିକୁ ପଢନ୍ତୁ-ଦୁନିଆରେ ସବୁଠୁ ବଡ଼ ଧରଣର ଚୋରି, ନେଇଗଲେ ୧୩ ହଜାର କୋଟି
