ମାଲକାନଗିରି,୨୯/୦୯: ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟର ବିଜାପୁର ଜିଲ୍ଲାରେ ଆଇଇଡି ବିସ୍ଫୋରଣରେ ୫ ଯବାନ ଆହତ ହୋଇଛନ୍ତି । ତର୍ରେମ ଥାନା ଅଞ୍ଚଳରେ ଅପରେସନ ଚାଲିଥିବାବେଳେ ପୂର୍ବରୁ ନକ୍ସଲମାନେ ଇଆଇଡି ଖଞ୍ଜି ଥିବା ଜଣାପଡିଛି ।
ସୂଚନା ମୁତାବକ, ରବିବାର ଭୋର ସମୟରେ ଚିନ୍ନାଗେଲୁର ସିଆରପିଏଫ୍ କ୍ୟାମ୍ପରୁ ଯବାନମାନେ ଏରିଆ ଡୋମିନେସନ ପାଇଁ ଯାଇଥିଲେ । ଏହି ଅଞ୍ଚଳରେ ପୂର୍ବରୁ ନକ୍ସଲ ମାନେ ଆଇଇଡି ଖଞ୍ଜି ଥିଲେ । ଅପରେସନ ଚାଲିଥିବା ବେଳେ ଆଇଇଡି ବିସ୍ଫୋରଣରେ ପାଞ୍ଚ ଯବାନ ସାମାନ୍ୟ ଆହାତ ହୋଇଥିଲେ । ତେବେ ନକ୍ସଲମାନଙ୍କ ଦ୍ବାରା ଖଞ୍ଜା ଯାଇଥିବା ଆଇଇଡି ସଂସ୍ପର୍ଶରେ କେବଳ ପୋଲିସ କିମ୍ବା ସୁରକ୍ଷାବାହିନୀର ଯବାନଙ୍କୁ କ୍ଷତି ହେଉନାହିଁ ବଂର ସାଧାରଣ ଲୋକ ମଧ୍ୟ ଏହାର ଶିକାର ହେଉଛନ୍ତି । ଆହାତ ଯବାନ ମାନଙ୍କୁ ପ୍ରାଥମିକ ଉପଚାର ପରେ ଉଚିତ ଚିକିତ୍ସା ନିମନ୍ତେ ବିଜାପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ନେଇ ପୋଲିସ ଅଧିକାରୀ କହିଛନ୍ତି ।