ଭୁବନେଶ୍ଵର, ୨୭/୦୨ : ୧୦ମ ପିଲାଙ୍କ ଚାଲିଛି ମାଟ୍ରିକ୍ ପରୀକ୍ଷା। ଗଣିତ ପରୀକ୍ଷାରେ କପି କରି ଧରା ପଡ଼ିଲେ ୫ ପରୀକ୍ଷାର୍ଥୀ। ଲାଇଭ୍ ଷ୍ଟ୍ରିମିଂ ଚାଲିଥିବା ବେଳେ ଧରିଲା AI କ୍ୟାମେରା। କପି କରି ଧରାପଡ଼ିଥିବା ପରୀକ୍ଷାର୍ଥୀ ବାକି ବିଷୟ ଗୁଡ଼ିକରେ ପରୀକ୍ଷା ଦେଇପାରିବେ କି ନାହିଁ ସେନେଇ ନିଷ୍ପତ୍ତି ନେବ ବୋର୍ଡ ରେଗୁଲେସନ୍ କମିଟି।

ସୂଚନାନୁଯାୟୀ, ଆଜି ଗଣିତ ପରୀକ୍ଷା ଚାଲିଥିବା ବେଳେ କିଛି ପରୀକ୍ଷାର୍ଥୀ କପି କରୁଥିଲେ। ଲାଇଭ୍ ଷ୍ଟ୍ରିମିଂ ଚାଲିଥିବା ବେଳେ ଏଆଇ କ୍ୟାମେରାରେ ଧରାପଡ଼ିଥିଲେ। ଏହି ଫୁଟେଜ ଆଧାରରେ ବୋର୍ଡ କର୍ତ୍ତୃପକ୍ଷ ସଂପୃକ୍ତ ସେଣ୍ଟର୍ ସହ ଯୋଗାଯୋଗ କରିଥିଲେ। ଏହାପରେ ସେଣ୍ଟର୍ ସୁପରିଟେଣ୍ଡେଣ୍ଟ ୫ ପରୀକ୍ଷାର୍ଥୀଙ୍କ ଠାରୁ କପି ଜବତ କରିଥିଲେ। ତେବେ କପି କରି ଧରାପଡ଼ିଥିବା ପରୀକ୍ଷାର୍ଥୀ ବାକି ବିଷୟ ଗୁଡ଼ିକରେ ପରୀକ୍ଷା ଦେଇପାରିବେ କି ନାହିଁ ସେନେଇ ବୋର୍ଡ ରେଗୁଲେସନ୍ କମିଟି ନିଷ୍ପତ୍ତି ନେବ।   

ସୂଚନା ଥାଉକି, ପରୀକ୍ଷା ସୁପରିଚାଳନା ପାଇଁ ୬୦୦ ପରୀକ୍ଷା କେନ୍ଦ୍ରରୁ ଲାଇଭ ଷ୍ଟ୍ରିମିଙ୍ଗ କରାଯାଉଛି। ଆଜିର ପରୀକ୍ଷା ଶାନ୍ତି ଶୃଙ୍ଖଳାରେ ଶେଷ ହୋଇଛି। ଏନେଇ ବୋର୍ଡ ସଭାପତି ଓ ଉପସଭାପତି ସୂଚନା ଦେଇଛନ୍ତି। ଅନ୍ୟପଟେ ଆଜି ଗଣିତ ପରୀକ୍ଷା ଭଲ ହୋଇଥିବା ବେଳେ ସମସ୍ତ ପ୍ରଶ୍ନ ବହି ମଧ୍ୟରୁ ଆସିଥିବା ଛାତ୍ରଛାତ୍ରୀମାନେ କହିଛନ୍ତି।    

ଏହି ଖବରଟିକୁ ପଢନ୍ତୁ-୨ ଦିନ ହେଲା ନିଖୋଜ ଥିଲେ ନାବାଳକ, ଜଙ୍ଗଲରୁ ମୃତଦେହ ଉଦ୍ଧାର