ବଣାଇ,୨୫/୦୯: ମହୁଲପଦା ଥାନା ଆଇଆଇସି ଉପରକୁ ତୀରମାଡ଼ ଘଟଣାକୁ ବିତିଲା ୧୬ ଘଣ୍ଟାରୁ ଉର୍ଦ୍ଧ୍ୱ ସମୟ । ହେଲେ ଏପର୍ଯ୍ୟନ୍ତ ପୋଲିସ ଦୁର୍ବୃତ୍ତକୁ ଧରିବାରେ ସକ୍ଷମ ହୋଇପାରିନାହିଁ । ଏଭଳି ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ବଣାଇ ବ୍ଲକ୍ରେ ଥିବା ବଡଜଳ ସ୍କୁଲ ନିକଟରେ ଏହି ଦୁର୍ଘଟଣା ଘଟିଛି ।
ସୂଚନା ମୁତାବକ, ସେପ୍ଟେମ୍ୱର ୨୪ ଅର୍ଥାତ ମଙ୍ଗଳବାରରେ ଆଇଆଇସି ସୁରେଶ ଚନ୍ଦ୍ର ପ୍ରଧାନଙ୍କ ଉପରକୁ ତୀରମାଡ଼ ଘଟଣା ବିତିଗଲା ୧୬ ଘଣ୍ଟାରୁ ଉର୍ଦ୍ଧ୍ୱ ସମୟ । ହେଲେ ଏପର୍ଯ୍ୟନ୍ତ ଦୁର୍ବୃତ୍ତକୁ ଘରିବାକୁ ପୋଲିସ ସକ୍ଷମ ହଇପାରିନାହିଁ । ମଙ୍ଗଳବାର ରାତି ସାରା ଘଟଣାସ୍ଥଳରେ ପୋଲିସ ଉପସ୍ଥିତ ରହିଥିଲା । ଏହା ସତ୍ତ୍ୱେ ପୋଲିସର ଚେଷ୍ଟା ବିଫଳ ହୋଇଛି । ତେବେ ବୁଧବାର ସକାଳୁ ଅଧିକ ପୋଲିସ ଘଟଣାସ୍ଥଳକୁ ଯାଇଛନ୍ତି । ହେଲେ ପୋଲିସ ପାଇଁ ତାକୁ ସକାଳୁ ଧରିବା ମଧ୍ୟ ସହଜ ହୋଇପାରିବନାହିଁ କାରଣ ଦୁର୍ବୃତ୍ତ ତିନିମହଲା ଘର ଉପରେ ରହି ପୋଲିସକୁ ଦେଖିପାରୁଛି । ତେବେ ଘଟଣାସ୍ଥଳରେ ଅଗ୍ନିଶମ ବାହୀନିର ଅଧିକାରୀ ରହି ପୋଲିସକୁ ସାହାଯ୍ୟ କରୁଛନ୍ତି ।
ତେବେ ମଙ୍ଗଳବାର ବଡଜଳ ସ୍କୁଲ ଉପରେ ଧନୁତୀର ଧରି ଜଣେ ଯୁବକ ଉନ୍ମତକାଣ୍ଡ କରୁଥିଲା। ଖବର ପାଇ ମହୁଲପଦା ଆଇଆଇସି ସୁରେଶ ଚନ୍ଦ୍ର ପ୍ରଧାନ ଅନ୍ୟ ପୋଲିସ କର୍ମଚାରୀଙ୍କ ସହ ଯୁବକକୁ କାବୁ କରିବାକୁ ଯାଇଥିଲେ। ଏହି ସମୟରେ ସମ୍ପୃକ୍ତ ଯୁବକ ଜଣକ ଆଇଆଇସିଙ୍କ ଉପରକୁ ତୀରମାଡ଼ କରିଥିଲା। ଏଥିରେ ଆଇଆଇସି ଆହତ ହୋଇଥିଲେ ।
