ଜଗତସିଂହପୁର,୦୪/୦୩: ପାରିବାରିକ କଳହର କରୁଣ ପରିଣତି । ସୈତାନ ସାଜିଲା ପୁଅ । ରକ୍ତରେ ଖେଳିଲା ହୋଲି । ବାପା-ମା' ସହ ଭଉଣୀକୁ ପଥରରେ ଛେଚି ହତ୍ୟା କରିଛି ପୁଅ । ପାରିବାରିକ କହଳରୁ ବାପା-ମା' ଓ ଭଉଣୀକୁ ପଥରେ ଛେଚି ଛେଚି ନିର୍ମମ ଭାବେ ହତ୍ୟା କରିଛି ପୁଅ ସୂର୍ଯ୍ୟକାନ୍ତ ସେଠୀ ଓରଫ ବଣ୍ଟି । ଜଗତସିଂହପୁର ଜିଲ୍ଲା ସଦର ଥାନା ଜୟବଡ଼ ଗାଁରେ ଏହି ଭୟଙ୍କର ବିଭତ୍ସ ହତ୍ୟାକାଣ୍ଡ ଘଟିଛି । ମୃତକ ୩ଜଣ ହେଲେ ପ୍ରଶାନ୍ତ ସେଠୀ, କନକଲତା ସେଠୀ ଓ ଝିଅ ମାମାଲି ସେଠୀ । ପଡୋଶୀଙ୍କଠୁ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଅଭିଯୁକ୍ତ ପୁଅକୁ ଅଟକ ରଖିଛି ସଦର ଥାନା ପୋଲିସ ।
କୌଣସି କଥାକୁ ନେଇ ବାପା-ମା'ଙ୍କ ସହ ବଣ୍ଟିର ବଚସା ହୋଇଥିଲା । ଏହାପରେ ଉତକ୍ଷିପ୍ତ ହୋଇଯାଇଥିଲା । ହିତାହିତ ଜ୍ଞାନ ଭୁଲି ଘଟାଇଲା ନୃଶଂସକାଣ୍ଡ । ପରିବାରକୁ ନିଜ ହାତରେ ପୋଛି ଦେଲା ପୁଅ । ବାପା-ମା' ଓ ଉଭଣୀଙ୍କୁ ଘରେ ଥିବା ପଥର ଓ ହେମଦସ୍ତାରେ ଛେଚି ଛେଚି ହତ୍ୟା କରିଛି । ଏହାପରେ ବାପା-ମା' ସହ ଉଭଣୀକୁ ହତ୍ୟା କରିଥିବା ନେଇ ପଡୋଶୀଙ୍କୁ ନିଜେ ଯାଇ କହିଥିଲା । ଗ୍ରାମବାସୀ ଘଟଣା ସମ୍ପର୍କରେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ବଣ୍ଟିକୁ ଗିରଫ କରିଛି । ବଣ୍ଟି ଯୁକ୍ତ ଦୁଇ ପଢୁଛି ।
ଜଣେ ପଡୋଶୀଙ୍କ ସୂଚନା ଅନୁସାରେ, ''ହତ୍ୟାକାଣ୍ଡ ଘଟାଇ ବଣ୍ଟି ତାଙ୍କ ଘର କବାଟ ବାଡେଇଥିଲା । କହିଲା ଯେ ମୁଁ ବାପା-ମା' ଓ ଭଉଣୀଙ୍କୁ ହତ୍ୟା କରିଛି । ଘଟଣାସ୍ଥଳକୁ ଆସି ପଡୋଶୀ ଦେଖନ୍ତି ତ ମୃତଦେହ ପଡିଛି । ପଥର ଓ ହେମଦସ୍ତାରେ ପରିବାରକୁ ଛେଚି ଦେଇଛି ବଣ୍ଟି । ଏହାପରେ ପୋଲିସକୁ ଖବର ଦେଇଥିଲୁ ।''
ଜଗତସିଂହପୁର ଥାନା ଅଧିକାରୀ ପ୍ରଭାସ ସାହୁ କହିଛନ୍ତି,'' ରାତି ପ୍ରାୟ ୩ଟାରେ ତାଙ୍କ ପଡୋଶୀ ଆମକୁ ଫୋନ କରି ଘଟଣା ସମ୍ପର୍କରେ ସୂଚନା ଦେଇଥିଲେ । ସୂର୍ଯ୍ୟକାନ୍ତ ସେଠୀ ଓରଫ ବଣ୍ଟି ତାଙ୍କ ବାପା-ମା'ଓ ଭଉଣୀଙ୍କୁ ହତ୍ୟା କରି ଚମ୍ପଟ ମାରିଥିଲା । ଏବେ ବଣ୍ଟିକୁ ଅଟକ ରଖାଯାଇଛି । ପ୍ରାଥମିକ ତଦନ୍ତରୁ ଅନୁମାନ କରାଯାଉଛି ଯେ ସେ ପରିବାରକୁ ହତ୍ୟା କରିଛି ।''
