କଟକ ୦୮/୯: ପାର୍ବଣ ଋତୁ ଆରମ୍ଭ। ଦୁର୍ଗାପୂଜା ପୂର୍ବରୁ ଚଳଚଞ୍ଚଳ ହେଉଛି ଟ୍ବିନ୍ ସିଟି। ଦଶହରାକୁ ସୁରୁଖୁରୁରେ ପାଳନ ପାଇଁ ଚାଲିଛି ଯୋଜନା। ପୂର୍ବରୁ ଦୁର୍ଗାପୂଜା ଡିଜେ ଏବଂ ନିଶାମୁକ୍ତ ଭସାଣି କରିବା ନିଷ୍ପତ୍ତି ହୋଇଥିଲା। ଏବେ ପୁଣି ଲେଜର ଲାଇଟ୍ ଏବଂ ଫାୟାର ଗନ୍ ଉପରେ ଲାଗିଲା କଟକଣା । ପୂଜା ବେଳେ ଲେଜର ଲାଇଟ୍ ବ୍ୟବହାର କରିପାରିବେନି ପୂଜା କମିଟି । ଦୁର୍ଗାପୂଜା ପାଇଁ ଶାନ୍ତି କମିଟି ବୈଠକ ପରେ ଜିଲ୍ଲାପାଳ ସୂଚନା ଦେଇଛନ୍ତି । 

Durga Puja 2024: Get all updated News, Videos and Photos of Durga Puja

ସେହିଭଳି ପୂଜା ଭସାଣୀ ବେଳେ ଫାୟାର ଗନ୍ ବ୍ୟବହାର ଉପରେ ମଧ୍ୟ କଟକଣା ଲଗାଯାଇଛି । ଲେଜର ଲାଇଟ ଓ ଫାୟାର ଗନ୍ ସ୍ବାସ୍ଥ୍ୟ ଉପରେ ପ୍ରଭାବ ପକାଉଛି ବୋଲି ଜିଲ୍ଲାପାଳ କହିଛନ୍ତି । ଚଳିତ ବର୍ଷ ପୂଜାରେ ଏହି କଟକଣାକୁ କଡାକଡି ଲାଗୁ ହେବ ।