ନୂଆଦିଲ୍ଲୀ,୦୪/୦୨: ଶାସନକୁ ଫେରିବା ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଫୁଲ ଆକ୍ସନରେ ରହିଛନ୍ତି । ଭାରତ ଉପରେ ବଡ ଆକ୍ସନ ନେଇଛନ୍ତି ଟ୍ରମ୍ପ । ଆମେରିକାରେ ଅବୈଧ ପ୍ରବାସୀ ବିଦା ହେଉଛନ୍ତି । ରିୟଟର୍ସ ରିପୋର୍ଟ ମୁତାବିକ,ଆଜି ଆମେରିକାର ଏକ ମିଲିଟାରୀ ପ୍ଲେନ ସି-୧୭ ଅବୈଧ ପ୍ରବାସୀଙ୍କୁ ନେଇ ଭାରତ ଅଭିମୁଖେ ପ୍ରଥମ ଉଡାଣ ଭରିଛି । ଆମେରିକାର ୪୭ତମ ରାଷ୍ଟ୍ରପତି ଭାବେ ଶପଥ ନେବା ପରେ ଇମିଗ୍ରେସନ ନୀତି ଘୋଷଣା କରିଥିଲେ । ଯାହା ଫଳରେ ଆମେରିକାରେ ଅବୈଧ ଭାବେ ରହୁଥିବା ପ୍ରବାସୀ ଭାରତୀୟଙ୍କୁ ନେଇ ଉଡାଣ ଭରିଛି ସି-୧୭ ପ୍ଲେନ । ଆସନ୍ତା ୨୪ ଘଣ୍ଟା ମଧ୍ୟରେ ସେମାନେ ଭାରତରେ ପହଞ୍ଚିବା ନେଇ ଆମେରିକା ଅଧିକାରୀ ସୂଚନା ଦେଇଛନ୍ତି । ପାଖାପାଖି ୨୦୦ ଭାରତୀୟ ଥିବା ଜଣାପଡିଛି ।
ଆମେରିକାରେ ବହୁ ବର୍ଷ ଧରି ଅନେକ ଲୋକ ବିନା ବୈଧ ଦସ୍ତାବିଜରେ ରହିଆସୁଛନ୍ତି । ସେମାନଙ୍କୁ ଚିହ୍ନଟ କରି ସ୍ବଦେଶ ପଠାଯିବା ନେଇଇମିଗ୍ରେସନ ନୀତି ଘୋଷଣା କରିଥିଲେ ଡୋନାଲ୍ଡ ଟ୍ରମ୍ପ । ଦେଶରେ ରହୁଥିବା ପ୍ରବାସୀଙ୍କୁ ଚିହ୍ନଟ କରି ସେମାନଙ୍କୁ ତଡିବା ଲାଗି ଘୋଷଣା କରିଥିଲେ । ଯାହାକୁ ନେଇ ସେଠାରେ ରହୁଥିବା ବିଭିନ୍ନ ଦେଶର ପ୍ରବାସୀଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଥିଲା । ୨୦୨୪ ରିପୋର୍ଟ ଅନୁସାରେ ଆମେରିକାରେ ବୈଧ ଦସ୍ତାବିଜ ନଥିବା ଭାରତୀୟଙ୍କ ସଂଖ୍ୟା ୭ ଲକ୍ଷ୮ ୨୫ ହଜାର ରହିଛି । ମିଳିଥିବା ସୂଚନା ଅନୁସାରେ ଆଜି (ମଙ୍ଗଳବାର) ଆମେରିକାରେ ବିନା ବୈଧ ଦସ୍ତାବିଜରେ ରହୁଥିବା ଭାରତୀୟଙ୍କୁ ନେଇ ଆଜି ଏକି ମିଲିଟାରୀ ପ୍ଲେନ ସି-୧୭ ପ୍ରଥମ ଉଡାଣ ଭରିଛି ।
ଏହା ବି ପଢନ୍ତୁ...କଠୋର ଇମିଗ୍ରେସନ ନିୟମ ଆଣିବେ ଟ୍ରମ୍ପ,ଆମେରିକାରୁ ବିଦା ହେବେ ୧୮ ହଜାର ଭାରତୀୟ
ଆମେରିକାରେ ବର୍ତ୍ତମାନ ପ୍ରାୟ ୧ କୋଟି ୪୦ ଲକ୍ଷ ଏଭଳି ନାଗରିକ ରହୁଛନ୍ତି ଯେଉଁମାନଙ୍କର ରହିବା ଲାଗି ବୈଧ ଦସ୍ତାବିଜ ନାହିଁ । କିନ୍ତୁ ଟ୍ରମ୍ପ ଦାବି କରିଛନ୍ତି ଏହି ସଂଖ୍ୟା ୨ କୋଟିରୁ ଅଧିକ ହେବ । ସେମାନଙ୍କ ମଧ୍ୟରୁ ୫ ଲକ୍ଷରୁ ଅଧିକ ଅପରାଧିକ ମାମଲାରେ ସମ୍ପୃକ୍ତ ଅଛନ୍ତି । ଟ୍ରମ୍ପ ସରକାର ବର୍ତ୍ତମାନ ଏହିପରି ଅବୈଧ ପ୍ରବାସୀଙ୍କୁ ବିତାଡିତ କରିବାକୁ କାର୍ଯ୍ୟ ଆରମ୍ଭ କରିଛି । ଅବୈଧ ପ୍ରବାସୀ ଭାରତୀୟ ତାଲିକାରେ ପ୍ରାୟ ୧୮ ହଜାର ରହିଥିଲା ଜଣାପଡିଛି ।
