କୋଣାର୍କ,୨୬/୦୪: କୋଣାର୍କ ବସ୍ ଷ୍ଟାଣ୍ଡ ନିକଟରେ ଥିବା ଉଠା ଦୋକାନରେ ଲାଗିଲା ନିଆଁ । ଏହି ଅଗ୍ନିକାଣ୍ଡରେ ୨ଟି ଦୋକାନ ଜଳି ପାଉଁଶ ହୋଇଥିବା ହୋଇଯାଇଛି । ଏଥିରେ ପ୍ରାୟ ଲକ୍ଷାଧିକ ଟଙ୍କାର ଜିନିଷପତ୍ର ପୋଡି ପାଉଁଶ ହୋଇଥିବାବେଳେ ଜଣେ ବ୍ୟବସାୟୀଙ୍କ ପ୍ରାୟ ୨୦ହଜାର ଟଙ୍କା ଅଧା ପୋଡିଯାଇଛି । କୋଣାର୍କ ଚମ୍ପାହାର ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଛି । ନିଆଁ ଲାଗିବାର କାରଣ ଅସ୍ପଷ୍ଟ ଥିବା ବେଳେ ବିଦ୍ୟୁତ ସଟ୍ ସର୍କିଟ ଅଥବା କେହି ଦୁର୍ବୃତ ଏଭଳି କରିଥିବା ଅନୁମାନ କରାଯାଉଛି ।
ସୂଚନା ମୁତାବକ, କୋଣାର୍କ ବସ୍ ଷ୍ଟାଣ୍ଡ ନିକଟରେ ରାତି ୪ଟାରେ ରାସ୍ତା ପାର୍ଶ୍ୱ ଉଠା ଦୋକାନରେ କୌଣସି କାରଣରୁ ନିଆଁ ଲାଗି ଯାଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ କୋଣାର୍କ ଚମ୍ପାହାର ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ହେଲେ ଏହାରି ଭିତରେ ୨ ଟି ଦୋକାନର ପ୍ରାୟ ଲକ୍ଷାଧିକ ଟଙ୍କାର ଜିନିଷପତ୍ର ପୋଡି ପାଉଁଶ ହୋଇଯାଇଥିବାବେଳେ ଜଣେ ବ୍ୟବସାୟୀଙ୍କ ପ୍ରାୟ ୨୦ହଜାର ଟଙ୍କା ଅଧା ପୋଡିଯାଇଛି । ସର୍ବସ୍ୱାନ୍ତ ହୋଇପଡିଛନ୍ତି ୨ଜଣ ଉଠା ବ୍ୟବସାୟୀ । ତେବେ ଏହି ଅଗ୍ନିକାଣ୍ଡର ପ୍ରକୃତ କାର ଅସ୍ପଷ୍ଟ ରହିଥିବା ବେଳେ ବିଦ୍ୟୁତ ସଟ୍ ସର୍କିଟ ଅଥବା କେହି ଦୁର୍ବୃତ ଏଭଳି କରିଥିବା ଅନୁମାନ କରାଯାଉଛି ।
